येरमीया 46:20 - Sunuwar Bible

²⁰ इजीप्‍त रागी दारशो मगिक्‍शो बी का खोदेंशो बाक्‍ब। तन्‍न उत्तर रे डांस का जाक्‍ब।

येरमीया 46:20 ပူးပေါင်းရင်းမြစ်များ

येरमीया 1:14

मिनु परमप्रभु यावेमी आं कली “उत्तर रे एको रागीम बाक्‍ब मुर नेल्‍ल आन कली श्‍येत जाक्‍ब। येरमीया ४:६; येरमीया ६:१,२२; येरमीया १०:२२; येरमीया २५:९; येरमीया ५०:४१

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 46:10

मेको नाक्‍ती परमप्रभु, मुर नेल्‍ल आन परमप्रभु यावे आ नाक्‍त बाक्‍ब। मेको क्‍येक्‍क लेत्‍तीक नाक्‍ती बाक्‍ब। आंम जोरी सत्रु आन कली क्‍येक्‍क लेत्‍तीक नाक्‍ती बाक्‍ब। मुरुम तरवारम साइक्‍नीम। तरवार हुश तूशा, आ तूतू दाक्‍शो रू‍ब। मारदे हना मुर नेल्‍ल आन परमप्रभु यावेमी उत्तर गे ङा रागीमी, युफ्रेटीस खोला आ नेक्‍था क्‍योरशा चढ़ेब। यसैया २:१२; ब्‍यवस्‍था ३२:४१-४२

येरमीया 46:24

मिनु इजीप्‍त आ तमी मुने तोक्‍चा पुंइसीब। मेको उत्तर रे जाक्‍ब मुर आन गुइम जिम्‍मा गेचा पुंइसीब।

येरमीया 46:6

परमप्रभु यावेमी “रीब पा प्रोक्‍ब यो प्रोक्‍ने मचाप्‍नीम। लडाइ पाइबपुकी यो ब्रोंइचा मताइनीम। मेकोपुकी उत्तर गे ङा युफ्रेटीस खोलाम दाइल पांइसीशा गोल्‍नीम।

येरमीया 47:2

परमप्रभु यावेमी मार लोव़ पाप्‍तु देंशा हना “कोव़ङीन उत्तर रे ब्‍वाक्‍कु बारशा यिशो बाक्‍ब। मेकोमी रागी नु मेकेर बाक्‍शो मारेइ मारेइ आन कली सुम्‍ब। सहरपुकी नु मेकेर बाक्‍शो नेल्‍ल आन कली ख्रुम्‍ब। मिनु मुर नेल्‍ल वाइ ब्रेत्‍नीम। मेको रागीम बाक्‍ब मुर नेल्‍ल ङाक्‍नीम।

येरमीया 50:11

परमप्रभु यावेम “गे ग्‍येरसीनीनी। शुश ग्‍येरसीने। गे आं शोंप रोइक्‍ब बाक्‍नीनी। दांइ पाइब मगिक्‍शो बी खोदेंशो पा प्रेनीनी। गे शारा खोदेंशो पा ग्रीनीनी।

होसे 10:11

मिनु एफ्राइम मगिक्‍शो बी का खोदेंशो बाक्‍ब। मिनु दांइ पशोनु, मेको ग्‍येरसीब। मोपतीके मेको आ दारशो बलामी गो जुवा लाप्‍नुङ। गो एफ्राइम कली दोरपाइक्‍नुङ। यहूदामी ब्‍यफ वाक्‍चा माल्‍ब। मिनु याकूबमी डल्‍ला प्रोल्‍चा माल्‍ब।