येरमीया 46:2 - Sunuwar Bible

² मार लोव़ पाप्‍तु देंशा हना “इजीप्‍त रागी आ पर्बम, इजीप्‍त ङा पिप फाराओ नेको आ लडाइ पाइबपुकी युफ्रेटीस खोला आ नेक्‍था कारकेमीश सहरमी बाक्‍शो बाक्‍तेक्‍म। यहूदा ङा पिप योसीयाह आ तौ येहो-याकीममी सासन पवा आ ४ बर्सम बेबीलोन ङा पिप नेबुकदनेसरमी लडाइ तोशा ग्रा‍त। २राजा २३:२९

येरमीया 46:2 ပူးပေါင်းရင်းမြစ်များ

२ राजा 18:21

गे इजीप्‍त रागीम इन कली वारच पाइब, दे मिम्‍नीनी। मेको जिक्‍शो किन्‍दा खोदेंशो बाक्‍ब। मेकोमी ‘वारच पाइब’ देंब आन गुइ थोक्‍ब। ‘मेकोमी वारच पाइब’ देंब नेल्‍ल आन कली इजीप्‍त ङा पिप फाराओ मोदेंशोन बाक्‍ब।

२ राजा 23:29

पिप योसीयाहम सासन पवा ना इजीप्‍त ङा पिप फाराओ नेको अस्‍सुर ङा पिप नु लडाइ पचा कली युफ्रेटीस खोला गे लमाक्‍त। मिनु पिप योसीयाह फाराओ नेको नु लडाइ पचा कली मेकेर लमाक्‍त। तन्‍न नेकोम योसीयाह नु लडाइ पा मेको कली मेगीददोम सदा बाक्‍त।

२ राजा 23:33

मिनु फाराओ नेकोमी मेकोम यरूसलेमम सासन मपवल, दे साङलोम फ्रेंशा हमाथ रागी ङा रिब्‍लामी चोक्‍शा वोदा बाक्‍त। मिनु मेकोमी यहूदा कली सहे का टलेन्‍ट चांदी नु टलेन्‍ट का सुन तिरो थाप्‍पदा बाक्‍त। टलेन्‍ट का ३४ किलो बाक्‍ब। इजीकीएल १९:४

२ राजा 24:7

इजीप्‍त ङा पिप आ रागी प्रोना नोले लेंशा मजाक्‍माक्‍त। मारदे हना बेबीलोन ङा पिपम इजीप्‍त ङा खोला रे युफ्रेटीस खोला सम्‍म ङा रागी नेल्‍ल आ के सेल्‍शो बाक्‍माक्‍त।

यसैया 10:9

मार, काल्‍नो सहर कारकेमीश खोदेंशो ममाइ? हमाथ, अरपाद खोदेंशो ममाइ? मिनु सामरीया दमस्‍कस खोदेंशो ममाइ ङा?

यसैया 19:1

मिनु परमप्रभु यावेम इजीप्‍त आ पर्बम यसैया कली “कोव़ङीन, परमप्रभु यावे रीब पा बेरब गोस्‍सुम इजीप्‍त रागी जाक्‍ब। मेकेर ङा मूर्तिपुकी हिंशा ख्रिंख्रि पाइनीम। इजीप्‍त ङा मुर आन थुं लुक्‍च लाइब।

यसैया 19:19

मेको नाक्‍ती इजीप्‍त रागी आ दातेमी परमप्रभु यावे कली चढ़ेतीके का सेल्‍नीम। मिनु मेको आ सांदमी परमप्रभु यावे कली थाम का सेल्‍‍नीम। लेवी २६:१

येरमीया 25:1

मिनु परमप्रभु यावेमी येरमीया कली यहूदा ङा मुर आन पर्बम लोव़ पाप्‍तु। मेना यहूदा ङा पिप योसीयाह आ तौ येहो-याकीमपिप दुम्‍शो ४ बर्स दुम्‍मेनु, बेबीलोन ङा पिप नेबुकदरेसर पिप दुम्‍शो बर्स का दुम्‍शो बाक्‍त। येरमीया ३६:१

येरमीया 25:19

मेको प्रोंइशा यो इजीप्‍त ङा पिप फाराओ, मेको आ गेय पाइब मुर नेल्‍ले, मेको आ सरकार ङा मुरपुकी नु मेको आ मुर नेल्‍ल आन कली,

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 36:1

यहूदा ङा पिप योसीयाह आ तौ येहो-याकीममी सासन पवा आ ४ बर्सम परमप्रभु यावेम येरमीया कली लोव़ पाप्‍तु। येरमीया २५:१

येरमीया 43:11

मेको जाक्‍शा इजीप्‍त कली लडाइ तोइब। मिनु बेक्‍तीक रोइम बेक्‍चा ब्रेक्‍शो, बेक्‍तीक रोइ पा बेक्‍नीम। ग्‍याइश्‍शा लाइक्‍चा पुंइसीचा ब्रेक्‍शो, ग्‍याइश्‍शा लाइक्‍चा पुंइसीनीम। मिनु तरवारम साइक्‍चा पुंइसीचा ब्रेक्‍शो, तरवार साइक्‍चा पुंइसीनीम। येरमीया १५:२

येरमीया 45:1

यहूदा ङा पिप योसीयाह आ तौ येहो-याकीममी सासन पवा आ ४ बर्सम नेरीयाह आ तौ बारुकमी परमप्रभु यावे आ लोव़ पाइब येरमीया आ ब्रेक्‍पाइश्‍शो लोव़ कागजम ब्रेक्‍ना ब्रेक्‍न बाक्‍मेनु, येरमीयामी बारुक कली येरमीया ३६:४

येरमीया 46:14

मार लोव़ पाप्‍तु देंशा हना “इजीप्‍तमी एको लोव़ नेंपतो। मिग्‍दोलमी एको लोव़ नेंपतो। मेम्‍फीस नु ताहपनेसमी यो एको लोव़ नेंपतो। गे नेल्‍ल ठीक दुम्‍शा आंम आंम राप्‍तीकेम र‍पीन। मारदे हना तरवारम इन एर ओंथ नेल्‍ल साइक्‍तु।