येरमीया 46:18 - Sunuwar Bible

¹⁸ परमप्रभु, पिपमी “आं ब्रोंइशा बाक्‍शो खोदेंशो पा” देंत। मेको पिप आ नें मुर नेल्‍ल आन परमप्रभु यावे बाक्‍ब। पहाड आन दाते ङा ताबोर पहाड खोदेंशो पा का जाक्‍ब। मेको समुन्‍द्र आ नेक्‍था ङा कारमेल खोदेंशो पा जाक्‍ब।

येरमीया 46:18 ပူးပေါင်းရင်းမြစ်များ

भजन संग्रह 89:12

उ‍त्तर नु दक्‍खिन इन सेल्‍शो बाक्‍नीस। ताबोर नु हेरमोन इन नेंम ग्‍येरशा कुम्‍सो पाइनीस।

यसैया 47:4

आंइ कली श्‍येत रे प्रोंइब, मुर नेल्‍ल आन परमप्रभु यावे, इस्राएली आन का ला बाक्‍शो परमप्रभु बाक्‍ब।

यसैया 48:2

मेकोपुकी आंम आंमा ‘गोपुकी परमप्रभु आ योव़शो सहर ङा नकी’ देंनीम। इस्राएली आन परमप्रभु आ पर्बम मेकोम आंइ कली कोव़ब” दे मिम्‍नीनी। मेको आ नें मुर नेल्‍ल आन परमप्रभु यावे बाक्‍ब।

येरमीया 10:10

तन्‍न परमप्रभु यावे थमा ङा परमप्रभु बाक्‍ब। मेको ब्रोंइशा बाक्‍ब परमप्रभु नु गेना हना यो लीब पिप बाक्‍ब। मेको गाइक्‍तानु, रागीम ख्रिनु कुइब। मिनु रागी रागी ङा मुरपुकीम मेको आ गाइश्‍शो फाल्‍ने मचाप्‍नीम। येरमीया ५:२

येरमीया 10:16

परमप्रभु यावे, याकूब आ भाग बाक्‍ब। मेको मारेइ मारेइ सेल्‍ब बाक्‍ब। मिनु इस्राएल मेको आ शोंप बाक्‍ब। मेको आ नें मुर नेल्‍ल आन परमप्रभु यावे बाक्‍ब” देनो। ब्‍यवस्‍था ३२:९

येरमीया 4:13

कोव़ङीन, मेको गोस्‍स खोदेंशो पा गाक्‍शो बाक्‍ब। मेको आ बग्‍गी फश गिवार खोदेंशो पा जाक्‍नीम। मेको आ शारा ककाकुली आन क्‍येङा रीब पा दोरनीम। आबी, गो खतम दुम्‍तय’ दे लोव़ पाइनीमी” देंत।

येरमीया 4:7

गुप्‍स का आ पुक्‍खी रे ग्रूशा, जाक्‍शो बाक्‍ब। रागी रागी कली खतम पोक्‍ब का ग्रूब। मेको आ बाक्‍तीक रे ग्रूशा, इन रागी कली मुर मबाक्‍तीके सेल्‍ब। इन सहर ङा खिं नेल्‍ल ब्रेत्‍‍नीम। मेकेर मुर बाक्‍ने मचाप्‍नीम। येरमीया २:१५; येरमीया ५:६; येरमीया २५:३८; येरमीया ४९:१९; येरमीया ५०:४४

येरमीया 44:26

मोपतीके गे इजीप्‍तम बाक्‍ब यहूदी नेल्‍ल परमप्रभु यावे आ लोव़ नेनीन। परमप्रभु यावेमी गो आं ठेयब नेंमी कसम जाइनुङ। मुल मेको इजीप्‍त रागीम बाक्‍ब यहूदा ङा मुर आन शोव़ रे ‘परमप्रभु, परमप्रभु यावे ब्रोंइशा बाक्‍शो खोदेंशो पा’ दे देंतीकेमी आं नें गेनायो मदेंनीम।

येरमीया 48:15

मोआब नु आ सहर आन कली खतम पोक्‍ब जाक्‍त। मेको आ नेल्‍ल क्‍येङा रिम्‍शो ठिटा मुर नेल्‍ल साइक्‍चा पुंइसीचा कली लाम्‍तेक्‍‍म” दे पिपम देंत। मेको आ नें मुर नेल्‍ल आन परमप्रभु यावे बाक्‍ब।

येरमीया 51:17

मुर नेल्‍ल मूर्ख नु मजोक्‍ब मतुइक्‍ब बाक्‍नीम। सुन चेम्‍ब नेल्‍ल आन मूर्तिम पतीके मुने दोक्‍नीम। मारदे हना मेको आन सेल्‍शो मूर्ति सोक्‍त मपाइश्‍शो जोल बाक्‍नीम।

येरमीया 51:57

गो मेको आ सरकार ङा गेय पाइब, जोक्‍ब तुइक्‍ब, मेको आ हुकुम पाइब, नु आ लडाइ पाइब नेल्‍ल आन कली दुक्‍पाइक्‍नुङमी। मिनु मेकोपुकी गेना हना यो कली इप्‍नीम। लेंशा मबोक्‍नीम” दे पिपम देंत। मेको पिप आ नें मुर नेल्‍ल आन परमप्रभु यावे बाक्‍ब।

आमोस 4:13

सुमी डांडा आन कली सेला, मेकोमी फश यो सेल्‍शो बाक्‍ब। मेकोमी मुर आन कली आ मिम्‍शो तुइक्‍पाइक्‍ब। मेकोमी सुनी कली छिङछिङ सेल्‍ब। मिनु रागी ङा लाइश्‍शो डांडा मेर गाक्‍ब। मेको आ नें मुर नेल्‍ल आन परमप्रभु यावे बाक्‍ब” देंत। मीका १:३

मलाकी 1:14

“सु सुमी आंम बस्‍तु आन बगाल रे पा ‘रिम्‍शो बस्‍तु चढ़ेनुङ’ देंनीमी, तन्‍न नोले मरिम्‍शो चढ़ेनीमी, मेको जोल पाइब सराप राइनीम। मारदे हना गो ठेयब पिप नङ। आं नें रागी रागी नेल्‍ल ङा मुर आन दातेमी हिंचा ङा बाक्‍ब” दे मुर नेल्‍ल आन परमप्रभु यावेमी देंत। लेवी २२:१९

मत्ती 5:35

रागी आ नेंमी यो कसम मजने। मारदे हना रागी परमप्रभु यावे आ खोइल थेक्‍तीक बाक्‍ब। यरूसलेम सहर आ नेंमी यो कसम मजने। मारदे हना यरूसलेम नेल्‍ल क्‍येङा ठेयब पिप आ सहर बाक्‍ब। भजन संग्रह ४८:३

१ तिमोथी 1:17

गेना हना यो मबेक्‍थु बाक्‍ब पिप कली सुइमी तने मचाप्‍नीम। मेको कांइचीक परमप्रभु, परमप्रभु यावे बाक्‍ब। गेना हना यो मान ताक्‍चा नु छेङछेङ मेको केन बाक्‍ब। आमेन।

यहोसु 12:22

केदेश ङा पिप, कारमेलम बाक्‍शो योकनाम ङा पिप, यहोसु १९:३७; यहोसु १९:११

यहोसु 19:22

मेको सांद ताबोर, शहसूमा नु बेथ-शेमेश सम्‍म जाक्‍दीश्‍शा, यर्दनमी नुप्‍शो बाक्‍त। मेको आन के बाक्‍तीक सहर नेल्‍ल पा १४ ओटा सहर नु मेकेर ङा गाउंपुकी बाक्‍तेक्‍म।

न्‍यायाधीस 4:12

मिनु सीसेरामी अबीनोअम आ तौ बाराक ताबोर डांडामी लशो बाक्‍ब देंशो नेना बाक्‍त।

न्‍यायाधीस 4:6

मेकोमी अबीनोअम आ तौ बाराक कली नाप्‍ताली ङा केदेश सहर रे ब्रेत्‍थ सोइक्‍ता बाक्‍त। मिनु मेको कली परमप्रभु यावे, इस्राएली आन परमप्रभुम इ कली “गे लशा, नाप्‍ताली नु जबूलून आस थर ङा १० हजार मुर आन कली योव़शा, मेको आन कली ताबोर डांडामी पिश्‍शा पिवो। यहोसु २१:३२