येरमीया 44:27 - Sunuwar Bible

²⁷ मारदे हना गो मेको आन कली रिम्‍शो पचा कली ममाइ, मरिम्‍शो पचा कली कोव़ना कोव़न बाक्‍नुङ। इजीप्‍तम बाक्‍ब यहूदी नेल्‍ल मनुम्‍मा सम्‍म तरवार नु अन्‍कालम बेक्‍नीम। आमोस ९:४

येरमीया 44:27 ပူးပေါင်းရင်းမြစ်များ

२ राजा 21:14

गो आं लीशो मुर आन कली प्रोंइ‍शा सोइक्‍नुङमी। मिनु मेको आन कली आन जोरी सत्रु आन गुइमी गेनुङमी। मेको आन जोरी सत्रुम ग्‍याइश्‍शा लाइक्‍चा पुंइसीनीम।

येरमीया 1:10

नेनो, मुलाक्‍ती गो इ कली रागी रागी नु राज्‍य आन पर्बम लोव़ पाइब सेल्‍तन। तुल्‍चा नु प्रेत्‍चा कली, खतम पोक्‍चा, ग्रांग्‍ये माग्‍ये पपाइक्‍चा नु सेल्‍चा नु ख्रुम्‍चा कली वोइक्‍तन” देंत। येरमीया १८:७-१०

येरमीया 21:10

गो एको सहर कली थमा पा क्‍याम्‍नुङ। रिम्‍शो पचा कली ममिम्‍नुङ। एको सहर बेबीलोन ङा पिप आ गुइम गेनुङ। मेकोमी एको सहर कली मीम क्रोइक्‍ब” देंत’ देनो” देंत। येरमीया ३४:२

येरमीया 31:28

गो दोपा मेको आन कली तुल्‍चा, प्रेत्‍चा, ताइक्‍चा नु खतम पोक्‍चा कली मरिम्‍शो पङा, मोपा गो मेको आन कली सेल्‍चा नु ख्रुम्‍चा कली कोव़नुङ। येरमीया १:१०

येरमीया 39:16

मार, लोव़ पशो बाक्‍त देंशा हना “लशा, कूशी एथीयोपीया ङा मुर एबेद-मेलेक कली ‘मुर नेल्‍ल आन परमप्रभु यावे, इस्राएली आन परमप्रभुमी रिम्‍शो पा ममाइ, तन्‍न श्‍येत गेशा, एको सहर आ पर्बम गो मार पाइनुङ देंशो बाक्‍ङा, मेको खाप्‍चा चिक्‍शो बाक्‍नुङ। मेको इ ङोंइतीन मेको नाक्‍ती दुम्‍ब।

येरमीया 42:16

तेको तरवार रे पा गे हिंशा प्रोक्‍शो बाक्‍नी, मेको तरवारमी इन कली इजीप्‍तमी साइक्‍ब। मिनु तेको अन्‍काल रे पा, गे हिंशो बाक्‍नी, मेको इजीप्‍तमी इन नोनोले जाक्‍ब। मिनु गे मेकेर बेक्‍नीनी।

येरमीया 44:12

इजीप्‍त लशा बाक्‍चा कली मिम्‍ब यहूदा ङा लीशो मुर नेल्‍ल थमा पा जाम्‍शा लाइनीम। मेको नेल्‍ल इजीप्‍तमी साइक्‍चा पुंइसीनीमी। तरवार नु अन्‍कालमी बेक्‍नीम। ठेयब नु आइक्‍च नेल्‍ल तरवार नु अन्‍कालमी बेक्‍नीम। इन श्‍येत जशो तशा मुर हिंनीम। गेपुकी सराप राइब नु शुक्‍शी पाइक्‍चा पुंइसीब दुम्‍नीनी। येरमीया ४२:१४-१७

येरमीया 44:13

गो दोपा यरूसलेम कली तरवार, अन्‍काल नु मुर बेक्‍तीक रोइम सजाइ गेङा, मोपा इजीप्‍तम बाक्‍ब आन कली यो सजाइ गेनुङमी।

येरमीया 44:14

मोपा इजीप्‍तम बाक्‍शो यहूदा ङा लीशो मुर सुइ प्रोक्‍चा मताइनीम। सुइ मब्रोंइनीम। मिनु सुइ यहूदा रागी लेत्‍चा मताइनीम। मो हना यो मेकेर बाक्‍चा कली लचा दाक्‍नीम। ङोंइती प्रोक्‍शा लशो का निक्‍शी ला लेत्‍चा ताइनीमी” देंत।

येरमीया 44:18

तन्‍न गोपुकीम सरीङ ङा पिपीम कली चढ़ेचा प्रोंइशो रे नु तूचा थोव़क लुक्‍चा प्रोंइशो रे मारेइ मतक। तरवार नु अन्‍कालम जाम्‍ना जाम्‍न लाइतक” देंतेक्‍म।

येरमीया 9:15

मोपतीके परमप्रभु यावे, मुर नेल्‍ल आन परमप्रभु, इस्राएली आन परमप्रभुमी “गो एको मुर आन कली कशो थोव़क उम्‍नुङमी। मिनु तूचा कली बीस ब्‍वाइश्‍शो ब्‍वाक्‍कु तूपाइक्‍नुङमी। येरमीया २३:१५; येरमीया ८:१४

येरमीया 9:16

गो मेको आन कली रागी रागी ङा मुर आन दातेमी फ्राइनुङमी। मेकेर आन मतुइश्‍शो नु आन किकी पिपी आन मतुइश्‍शो मुर बाक्‍नीम। मिनु गो मेको आन कली मसदुमी सम्‍म मेको आन नो‍नोले तरवार सोइक्‍नुङ” देंत। लेवी २६:३३

इजीकीएल 5:12

इ दातेमी, भाग सांम भाग का मुर बेक्‍तीक रोइम नु अन्‍कालम बेक्‍नीम। मिनु अर्को भाग तरवारम बेक्‍नीम। मिनु नोले ङा भाग फशेम ते ते फ्राइनुङमी। मिनु गो मेको आन कली तरवारम खेदा पाइनुङमी। इजीकीएल ५:२

इजीकीएल 7:6

नुप्‍तीक नाक्‍ती जाक्‍ब। मेको इन पर्बम बोक्‍शा जाक्‍‍ब।

दानीएल 9:14

मोपतीके परमप्रभु यावेमी आंइ कली गेतीक, मेको ठेयब श्‍येत तेक्‍तु। थमा पा परमप्रभु यावे, आंइ परमप्रभु आ पशो नेल्‍ल ठीक बाक्‍ब। मारदे हना गोपुकीमी आ देंशो मपक।

आमोस 9:8

परमप्रभु यावेमी शुश पाप पाइब राज्‍य कली कोव़ना कोव़न बाक्‍ब। मेकोमी “गो मेको आन कली रागी रे क्‍याम्‍नुङ। मो हना यो गो याकूब आ खिं कली चहिं नेल्‍ल मक्‍याम्‍नुङ” दे परमप्रभु यावेमी देंत।