येरमीया 44:16 - Sunuwar Bible

¹⁶ “गे परमप्रभु यावे आ नेंमी आंइ कली पशो लोव़ गो मनेंनीकी।

येरमीया 44:16 ပူးပေါင်းရင်းမြစ်များ

भजन संग्रह 2:3

“मेको आस देंशो मपय, मेको आस कली मटिय” दे लोव़ पमुइनीमी? येरमीया ५:५

प्रस्‍थान 5:2

मिनु फाराओमी “परमप्रभु यावे सु बाक्‍म, गो मतुइक्‍नुङ। मार, आ देंशो लोव़ टिचा माल्‍नुङा? गो इस्राएली आन कली मारदे लचा गेनुङा? गो परमप्रभु यावे कली मतुइक्‍नुङ। मोपतीके इस्राएल ङा मुर, इन कली लचा मगेनन्‍नी” दें‍त।

हितोपदेस 1:24

मिनु गो इन कली ब्रेत्‍तुनु, गेपुकीम मनेंनी। गो आं गुइ हामुनु, सुइ मपिनी। यसैया ६५:२,१२

यसैया 3:9

मेको आन कुलमी आन मरिम्‍शो पशो तुइक्‍पाइक्‍ब। सोदोम ङा मुर खोदेंशो पा मेकोपुकीम आन पाप मख्रुइक्‍थु शोव़नीम। आबी, मेकोपुकीमी आंम कली ग्‍याइश्‍शा लाइक्‍चा पुंइसीब सेल्‍सीनीम। उत्‍पत्ती १९:५-९

येरमीया 11:10

मेको आन किकी पिपी आन मरिम्‍शो पतीक गे लेश्‍शा लाम्‍तेक्‍म। आं अरेशो मटीम। पाप गे लेश्‍शा लाम्‍तेक्‍म। अरु देवी देवता आन कली पूजा पा, मेको आन नोले खोइक्‍तेक्‍म। गो मेको आन किकी पिपी नु पशो कबल इस्राएल आ खिं ङा मुर नु यहूदा आ खिं ङा मुर नेल्‍लेमी क्‍याम्‍ताक्‍म” देंत।

येरमीया 11:8

तन्‍न मेकोपुकीमी आन नोफा मदाइक्‍तेम। आं देंशो लोव़ मटीमे। मेको आ पा ङा मेकोपुकीमी आन खकटा थुंमी मरिम्‍शो पा काइ मटीमे। गो मेको आन कली आं कबल ङा लोव़ नेल्‍ल पने, दे अरेता। तन्‍न मेको पने मबिस्‍सम” देंत। येरमीया ३:१७; येरमीया ७:२६; येरमीया १३:१०; येरमीया १८:१२; ब्‍यवस्‍था २८:१५-६८

येरमीया 13:10

मेको मरिम्‍शो पाइब मुरपुकीम आं लोव़ नेंने मबिस्‍सम। मेकोपुकीमी आन खकटा थुंमी आन दला दाक्‍स पतीकेमी अरु देवी देवता आन कली पूजा पचा कली नु मेको आन गेय पचा कली लाम्‍तेक्‍म। मिनु मेकोपुकी एको धोती खोदेंशो दुम्‍नीम। मेको थमा पा शोर गाक्‍शो बाक्‍ब। येरमीया ११:८

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

येरमीया 38:4

मिनु ठेयब मुरपुकीम पिप कली “एको मुर कली साइक्‍चा माल्‍ब। मारदे हना एकोमी ओदेंशो लोव़ पा, एको सहरमी लीशो लडाइ पाइब नु मुर नेल्‍ल आन थुं लुक्‍च लपाइश्‍शो बाक्‍ब। एको मुरुम मुर आन कली रिम्‍शो ममाइ मरिम्‍शो प‍चा दाक्‍ब” देंतेक्‍म।

येरमीया 42:13

तन्‍न गेपुकीम परमप्रभु यावे, इन परमप्रभु आ लोव़ मटीतीनी हना ‘गोपुकी एको रागीम मबाक्‍नीकी’ देंतीनी हना, येरमीया २९:१७-१८

येरमीया 43:2

मिनु होशायाह आ तौ अजारयाह कारेआह आ तौ योहानान नु मटीब मुर नेल्‍लेम येरमीया कली “गे जोल पाइतीनी। गेपुकी इजीप्‍तम बाक्‍थ लचा मदुम्‍नीनी देंचा कली परमप्रभु यावे, आंइ परमप्रभुमी इन कली सोइश्‍शो ममाइ। येरमीया ४२:१९

येरमीया 44:24

मिनु येरमीयामी मेको मुर नेल्‍ल नु मीश मुर नेल्‍ल आन कली “गे इजीप्‍तम बाक्‍ब यहूदा ङा मुर नेल्‍ल परमप्रभु यावे आ लोव़ नेनीन।

येरमीया 44:25

मुर नेल्‍ल आन परमप्रभु यावे, इस्राएली आन परमप्रभुमी ‘गे नु इन मीश, इन देंशो, गोपुकीमी आंइ कसम जशो खाप्‍नीकी। गो सरीङ ङा पिपीम कली धूप चढ़ेशा, मेको कली तूचा थोव़क लुक्‍नीकी’ दे इन कसम जशो थमा पा खपीन।

येरमीया 6:16

मिनु परमप्रभु यावेम मार, देंत देंशा हना “लां ब्रा‍तीकेम राप्‍शा कोव़ङीन। माइत लां आ पर्बम हिल्‍लो पने। मेको रिम्‍शो लां ते बाक्‍बा, दे हिल्‍लो पने। मिनु मेको लांमीन गाक्‍कीन। मिनु इन थुं ना‍इक्‍चा ताइनीनी। तन्‍न मेकोपुकीम ‘गो मेक मगाक्‍नीकी’ देंनीम। मत्ती ११:२९

येरमीया 8:12

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेनुङ। मिनु मेको खतम दुम्‍नीम” दे परमप्रभु यावेमी देंत।

येरमीया 8:6

गो, आं नोफा दाइश्‍शा नेंनुनु, मेकोपुकीम आं कली ठीक लोव़ मपाइनीम। आन मटिशो आ पर्बम माफ मपुंइनीम। मेकोपुकीमी ‘गो मरिम्‍शो पाता’ मदेंनीम। नेल्‍ल आन दला दाक्‍स पाइनीम। मेकोपुकी शारा खोदेंशो पा लडाइम दोरनीम।

दानीएल 3:15

गेपुकीमी मुल ग्रोव़, मुराली, ठेयब नु आइक्‍च तार पाइश्‍शो नु मार मार ताप्‍तीक ताप्‍शो नेंनीनु, आं सेल्‍शो मूर्ति आ ङोंइती खुम्‍की पा बाप्‍शा, सेउ पाइतीनी हना, मेको इन कली रिम्‍शो दुम्‍ब। तन्‍न खुम्‍की पा बाप्‍शा, सेउ मपाइतीनी हना, इन कली ठेयब मी ब्रतीकेमी बो हुम्‍चा पुंइसीनीनी। मिनु इन कली आं गुइ रे तेको परमप्रभुम प्रोंइबाक्‍म?” दे माइक्‍तीमी। प्रस्‍थान ५:२; २राजा १८:३५

लूका 19:14

मेको मुर गाक्‍म नोले मेको रागी ङा मुरपुकीमी ‘मेको मुर आंइ कली सासन पाइब मदुम्‍ल’ दे लोव़ कुरब मुर मेको पिप आ बाक्‍तीक सोइक्‍तमे बाक्‍त। मारदे हना मेको कली मदाक्‍बाक्‍मा बाक्‍त। यूहन्‍ना १:११

लूका 19:27

तन्‍न आं कली मटीब आं जोरी सत्रु आन कली चहिं ग्‍याइश्‍शा चाक्‍शा आं ङोंइती क्‍योरशा सतीन’ देंमाक्‍त” दे शेंदीमी बाक्‍त।

१ सामुएल 8:19

तन्‍न मुरपुकीम सामुएल आ लोव़ नेंने मबिस्‍समा बाक्‍त। मिनु मेकोपुकीम “ममाइ, आंइ कली पिप का माल्‍नीकी।