येरमीया 44:1 - Sunuwar Bible

¹ परमप्रभु यावेमी येरमीया कली इजीप्‍त मिग्‍दोल, ताहपनेस, मेम्‍फीस नु पथ्रोस रागीम बाक्‍ब यहूदी नेल्‍ल आन पर्बम लोव़ पाप्‍तु। येरमीया ४३:७

येरमीया 44:1 ပူးပေါင်းရင်းမြစ်များ

उत्पत्ती 10:14

पथ्रुसीम, कस्‍लुहीम नु काफ्‍तोरीम आन आफ दुम्‍माक्‍त। मेकोपुकी रे पलिस्‍ती ग्रूमा बाक्‍त।

प्रस्‍थान 14:2

“इस्राएली आन कली ‘गेपुकी इच्‍का लेत्‍चा माल्‍नीनी। मिग्‍दोल नु लल समुन्‍द्र आस दातेम बाक्‍शो पी-हहीरोथ, बाल-सेफोन आ ङोंइती इन बास बाक्‍तीके सेल्‍चा माल्‍नीनी। मेको लल समुन्‍द्र आ नेक्‍था बाक्‍ब’ देंचा माल्‍नेवे।

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

यसैया 19:13

सोआन ङा ठेयब मुरपुकी मूर्ख दुम्‍तेक्‍म। मेम्‍फीस ङा ठेयब मुरपुकीम जोल लोव़ कली थमा सुइक्‍नीम। मिनु मेको आन नेल्‍ल क्‍येङा ठेयब मुरपुकीमी इजीप्‍त ङा मुर आन कली हेंथे लां खोइक्‍पाइक्‍नीम।

येरमीया 2:16

मेम्‍फीस नु ताहपनेस ङा मुरपुकीम इन पिया ङा सिरपेच पुइक्‍तेक्‍म। येरमीया ४४:१

येरमीया 24:8

तन्‍न गो मेको जचान मदुम्‍चा ङा काइ मदारशो फोव़शी गेडा खोदेंशो पा यहूदा ङा पिप सिदकीयाह, मेको आ सरकार ङा गेय पाइब, यरूसलेम ङा लीशो मुरपुकी नु इजीप्‍त रागीमी बाक्‍ब आन कली मरिम्‍शो पाइनुङ। २राजा २४:१७-२०; ब्‍यवस्‍था २:३१; येरमीया २९:१६-१९

येरमीया 43:13

मेकोमी इजीप्‍त ङा हेल्‍योपोलीस सहरम बाक्‍शो नां आ मूर्ति बाक्‍शो थामपुकी प्रेप्‍ब। मिनु इजीप्‍त ङा देवी देवता आन खिंम मी सुइक्‍ब’ देंशो बाक्‍ब” देंत।

येरमीया 44:15

मिनु आन मीशेम देवी देवता आन कली चढ़ेशो तुइक्‍ब वोंइश मुर नेल्‍ल, ठेयब हुल मीश मुर नु इजीप्‍त रागी ङा पथ्रोस रागीमी बाक्‍ब नेल्‍लेमी येरमीया कली यसैया ११:१

येरमीया 46:14

मार लोव़ पाप्‍तु देंशा हना “इजीप्‍तमी एको लोव़ नेंपतो। मिग्‍दोलमी एको लोव़ नेंपतो। मेम्‍फीस नु ताहपनेसमी यो एको लोव़ नेंपतो। गे नेल्‍ल ठीक दुम्‍शा आंम आंम राप्‍तीकेम र‍पीन। मारदे हना तरवारम इन एर ओंथ नेल्‍ल साइक्‍तु।

येरमीया 46:19

गे इजीप्‍त ङा दारशो तमी ग्‍याइश्‍शा लाइक्‍चा पुंइसीचा कली इ मार मार कुम्‍लो पावो। मारदे हना मेम्‍फीस श्‍येत्‍थ दुम्‍ब। मेको खिं नेल्‍ल ब्रेश्‍शा, मुर मबाक्‍तीके दुम्‍ब।

इजीकीएल 29:10

मोपतीके गो इ पर्बम नु इ खोला आन पर्बम बोक्‍नुङ। मिनु गो मिग्‍दोल रे स्‍येने सम्‍म नु एथीयोपीया रागी आ सांद सम्‍म इजीप्‍त रागी कली गोरशो नु मुर मबाक्‍तीके सेल्‍नुङ। इजीकीएल ३०:६

इजीकीएल 29:14

गो मेको आन कली लेंशा रिम्‍शो पाइनुङ। मिनु मेको आन कली आन किकी पिपी आन रागी पथ्रोसम चाक्‍नुङमी। मिनु मेको मेकेर महिक्‍सीशो आइक्‍च राज्‍य का दुम्‍शा बाक्ब। पथ्रोस रागी इजीप्‍त ङा दक्‍खिन बाक्‍त।

इजीकीएल 30:13

मिनु परमप्रभु, परमप्रभु यावेमी “गो देवी देवता आन कली खतम पोक्‍नुङमी। मिनु मेम्‍फीसम बाक्‍शो देवी देवता आन कली खतम पोक्‍नुङमी। इजीप्‍त रागीम गेनायो सासन पाइब मदुम्‍नीम। मोपा गो इजीप्‍त रागी ङा मुर आन कली हिंतीक थुं गेनुङमी। मेम्‍फीस सहर कली नोफ यो देंनीम

इजीकीएल 30:14

गो पथ्रोस कली मुर मबाक्‍तीके सेल्‍नुङ। सोआन सहरम मी सुइक्‍नुङ। गो थेबेस सहर कली निसाफ पा सजाइ गेनुङ। नहुम ३:८-९

इजीकीएल 30:16

गो इजीप्‍त रागी कली मी सुइक्‍नुङ। मिनु पेलुसीयम श्‍येत जशा ग्‍येत्‍थ लुक्‍च दुम्‍ब। थेबेस सहर ङा गारो ब्रेत्‍नीम। मेम्‍फीस सहरम चहिं नाक्‍ती लडाइ दुम्‍‍ब।

इजीकीएल 30:18

मेको नाक्‍त तेहाफ-नेहेस सहर छिङछिङ दुम्‍ब। गो मेकेर इजीप्‍त रागी आ जुवा जिक्‍नुङ। मिनु मेको आ ठेयब लेश्‍शो क्‍याम्‍नुङ। गोस्‍सुमी मेको सहर कली सुम्‍ब। मिनु मेको आ एर ओंथ ङा सहर ङा मुर ग्‍याइश्‍शा लाइक्‍चा पुंइसीनीम। येरमीया ४३:९

होसे 9:6

मेकोपुकी खतम दुम्‍चा कली प्रोक्‍तेक्‍म हना यो, इजीप्‍त रागीमी मेको आन कली खुप्‍ब। मिनु मेम्‍फीस ङा मुरपुकीमी मेको आन कली थिम्‍नीम। मेको आन चांदी के सेल्‍शो थोव़कपुकी चू नु चोंकम सुम्‍ब। मिनु आन ताम्‍बुमी चू वानीम। होसे १०:८