येरमीया 43:9 - Sunuwar Bible

⁹ मार लोव़ पाप्‍तु देंशा हना “इ गुइमी ठेयब ठेयब फुल्‍लु क्‍युक्‍को। मिनु यहूदीपुकीम कोव़ना कोव़न बाक्‍मानु, ताहपनेसम बाक्‍शो फाराओ, आ दरवार ङा आगा ओव़तीक लांमी ख्रुइश्‍शा थिम्‍शा वोतो।

येरमीया 43:9 ပူးပေါင်းရင်းမြစ်များ

२ सामुएल 12:31

मेकोमी मेकेर ङा मुर आन कली लाइश्‍शा आरा, खन्‍ती नु खामी गेय पपदा बाक्‍त। मिनु इंटा सेल्‍तीकेम गेय पपदा बाक्‍त। मेको अम्‍मोनी आन सहर नेल्‍लेम मोदेंशो पवा बाक्‍त। मिनु नोले दाऊद नु आ मुर नेल्‍ल यरूसलेम लेम्‍मा बाक्‍त।

प्रस्‍थान 1:14

शुश श्‍येत गेशा, शुश गेय पपदमे बाक्‍त। मार गेय पपदमे बाक्‍त देंशा हना, हिलो निपदमे बाक्‍त, इंटा सेल्‍पदमे बाक्‍त, रू ङा गेय यो पपदमे बाक्‍त। तेको गेय गेमे, मेको शुश श्‍येत ङा गेय बाक्‍माक्‍त।

येरमीया 25:19

मेको प्रोंइशा यो इजीप्‍त ङा पिप फाराओ, मेको आ गेय पाइब मुर नेल्‍ले, मेको आ सरकार ङा मुरपुकी नु मेको आ मुर नेल्‍ल आन कली,

येरमीया 43:10

मिनु मेको आन कली मुर नेल्‍ल आन परमप्रभु यावे, इस्राएली आन परमप्रभुमी ‘गो आं गेय पाइब बेबीलोन ङा पिप नेबुकदरेसर कली ब्रेत्‍नुङ। मिनु आं ख्रुइश्‍शा वोइश्‍शो एको फुल्‍लु तार गो मेको आ नित्‍तीके सेल्‍नुङ। मेकोमी मेको तार आ बाक्‍तीक ताम्‍बु कीब। येरमीया २५:९

येरमीया 43:8

मिनु परमप्रभु यावेम ताहपनेसम येरमीया कली लोव़ पाप्‍तु।

येरमीया 44:30

परमप्रभु यावेम “गो इजीप्‍त ङा पिप फाराओ होफ्रा कली आ जोरी सत्रु नु मेको कली साइक्‍चा माल्‍ब आन गुइमी गेनुङ। दोपा गो यहूदा ङा पिप सिदकीयाह कली आ जोरी सत्रु बेबीलोन ङा पिप नेबुकदरेसर आ गुइमी गेङा, मोपा इजीप्‍त ङा पिप कली साइक्‍ब आन गुइमी गेनुङ” दे परमप्रभु यावेमी देंत। इजीकीएल २९:१९

इजीकीएल 4:1

मिनु परमप्रभु यावेमी “ए मुर, गे इंटा का चाक्‍शा इ ङोंइती वोतो। मिनु मेको तारी यरूसलेम सहर आ नकसा सेलो।

होसे 12:10

मिनु मेकोमी “गो नोले दुम्‍ब लोव़ पाइबपुकी नु लोव़ पाता। गो मेको आन कली कोंइतीके कोंइताक्‍ङ। गो मेको आन कली कथा शेंपाइक्‍ता।

नहुम 3:14

गे पुम्‍चा पुंइसीनेवे। मेको नाक्‍ती कली ब्‍वाक्‍कु प्रिंशा वोतो। इ गारो बोल्‍यो सेलो। हिलो निशा, इंटा सेलो।

प्रेरित 21:11

मिनु गोपुकी नु बाक्‍शा, पावल आ किप्‍शुरम आंम गुइ खोइल फ्रेंसीशा, “परमप्रभु यावे आ सोक्‍तीमी ‘एको किप्‍शुर किप्‍ब मुर कली यरूसलेमम जाक्‍दीश्‍शा बाक्‍मेनु, यहूदीपुकीमी एको ओं पा फ्रेंनीमी। मिनु अर्को रागी ङा मुर आन गुइमी जिम्‍मा गेनीमी’ ” दे नोले दुम्‍ब लोव़ पाप्‍तु। प्रेरित २०:२३

प्रकाश 18:21

मिनु बोल्‍यो परमप्रभु यावे आ स्‍वर्ग ङा गेय पाइबमी ठेयब यात खोदेंशो फुल्‍लु का क्‍युक्‍तु। मिनु मेको फुल्‍लु कली समुन्‍द्रमी ताइक्‍ताक्‍व। मेको परमप्रभु यावे आ स्‍वर्ग ङा गेय पाइबमी “मेको फुल्‍लु खोदेंशो पा ठेयब बेबीलोन सहर ताइक्‍चा पुंइसीब। मोपतीके मेको सहर गेनायो मथिंसीब। येरमीया ५१:६३-६४