येरमीया 43:3 - Sunuwar Bible

³ तन्‍न कल्‍दीपुकीम आंइ कली सदमेक्‍ल कि ग्‍याइश्‍शा बेबीलोनमी लदमेक्‍ल, दे मिम्‍शा, नेरीयाह आ तौ बारुकमी इन कली आंइ पर्बम मरिम्‍शो पचा कली क्‍युक्‍शो बाक्‍ब” देंतेक्‍म। येरमीया ३६:३२

येरमीया 43:3 ပူးပေါင်းရင်းမြစ်များ

भजन संग्रह 109:4

मेकोपुकीमी आं दाक्‍शो आ पा ङा, आं कली दोस गेनीम। मो हना यो गो मेको आन पर्बम पुंइनुङ।

येरमीया 32:12

मिनु गो मेको रू ग्‍याप्‍शो ब्रेक्‍शो कागज आं बकान्‍छा आ तौ हनामेलम आ ङोंइती, सांकछी नु पिप कली खाल पाइब आ लाङगाम बाक्‍शो यहूदी आन ङोंइती माहसेयाह आ चच, नेरीयाह आ तौ बारुक कली गेता। मेको सांकछी नेल्‍ल आन नें यो कागजम ब्रेक्‍शो बाक्‍तेक्‍म।

येरमीया 36:10

मिनु बारुकमी येरमीया आ ब्रेक्‍पाइश्‍शो लोव़ परमप्रभु यावे आ खिंम मुर नेल्‍लेमी नेंचा ङा पा पढेप्‍तु। मेकोमी मेको लोव़ ब्रेक्‍ब शाफान आ तौ गेमारयाह आ बाक्‍तीके परमप्रभु यावे आ खिं ङा नक लाप्‍चो आ नेक्‍था ङा कोठाम बाक्‍शा, पढेप्‍तु। २राजा २२:३

येरमीया 36:26

मेको आ पा ङा पिपमी आ तौ येराहमेल, अज्रीएल आ तौ सेरायाह नु अब्‍देल आ तौ शेलेम्‍याह आन कली मेको ब्रेक्‍ब बारुक नु परमप्रभु यावे आ लोव़ पाइब येरमीया कली फ्रेंशा चाक्‍चा नस, दे हुकुम गेम्‍तीमी। तन्‍न परमप्रभु यावेम मेको आस कली ख्रुइक्‍ने थुम्‍शो बाक्‍त।

येरमीया 36:4

मिनु येरमीयामी नेरीयाह आ तौ बारुक कली ब्रेप्‍पाइक्‍तु। मिनु बारुकम येरमीयामी ब्रेक्‍पाइश्‍शो परमप्रभु यावेम देंशो लोव़ नेल्‍ल कागजम ब्रेक्‍ताक्‍व। येरमीया ३२:१२; येरमीया ४५:१

येरमीया 38:4

मिनु ठेयब मुरपुकीम पिप कली “एको मुर कली साइक्‍चा माल्‍ब। मारदे हना एकोमी ओदेंशो लोव़ पा, एको सहरमी लीशो लडाइ पाइब नु मुर नेल्‍ल आन थुं लुक्‍च लपाइश्‍शो बाक्‍ब। एको मुरुम मुर आन कली रिम्‍शो ममाइ मरिम्‍शो प‍चा दाक्‍ब” देंतेक्‍म।

येरमीया 41:18

मेकोपुकी कल्‍दी आन क्‍येङा हिंशो बाक्‍तेक्‍म। मारदे हना बेबीलोन ङा पिपमी मेको रागी कली योव़शा वोइश्‍शो हुकुम पाइब अहीकाम आ तौ गेदाल्‍याह कली नेथन्‍याह आ तौ इश्‍माएलमी साइश्‍शो बाक्‍त।

येरमीया 43:6

मेकोपुकीम पिप कली कोव़ब आन कप्‍तान नेबुजरादानमी शाफान आ चच अहीकाम आ तौ गेदाल्‍याह आ गुइम गेशो, मीश मुरपुकी, वोंइश मुरपुकी, आल ब्रेप्‍चपुकी, पिप आ तमीपुकी, येरमीया नु नेरीयाह आ तौ बारुक कली यो लाइक्‍तेक्‍म।

लूका 6:26

मुल मुरपुकी रे पा मान पाइक्‍चा पुंइसीशोपुकी, हिनीन। मारदे हना इन किकी पिपीमी यो जोल पा परमप्रभु यावे आ लोव़ पाइब आन कली मो पाइक्‍बाक्‍तेक्‍म” देंत।