येरमीया 42:22 - Sunuwar Bible

²² मोपतीके मुल एको लोव़ थमा पा तुइश्‍शा वोतीन। इन बाक्‍चा कली लचा दाक्‍शो रागीमीन गेपुकी तरवार, अन्‍काल नु मुर बेक्‍तीक रोइम बेक्‍नीनी देंशो बाक्‍ब” देंत।

येरमीया 42:22 ပူးပေါင်းရင်းမြစ်များ

यसैया 30:3

मिनु फाराओ आ वारच पतीकेम इन कली मुने तोक्‍‍ब। मिनु इजीप्‍त रागीम फाम्‍सीचा माल्‍तीके इन कली थम आइक्‍च सेल्‍ब।

येरमीया 24:10

गो मेको आन कली तरवार, अन्‍काल नु मुर बेक्‍तीक रोइ सोइक्‍नुङ। मेको आन कली नु आन किकी पिपी आन कली गेशो रागी रे मेको नेल्‍ल मबेक्‍मा सम्‍म मो पाइनुङ” दे परमप्रभु यावेमी देंत।

येरमीया 42:17

सु सु इजीप्‍त लशा बाक्‍नीमी, मेको नेल्‍ल तरवार, अन्‍काल नु मुर बेक्‍ती रोइम बेक्‍नीम। गो इन कली खतम पोक्‍तीक रे का यो मब्रोंइनीनी’ देंशो बाक्‍ब” देंत।

येरमीया 43:11

मेको जाक्‍शा इजीप्‍त कली लडाइ तोइब। मिनु बेक्‍तीक रोइम बेक्‍चा ब्रेक्‍शो, बेक्‍तीक रोइ पा बेक्‍नीम। ग्‍याइश्‍शा लाइक्‍चा पुंइसीचा ब्रेक्‍शो, ग्‍याइश्‍शा लाइक्‍चा पुंइसीनीम। मिनु तरवारम साइक्‍चा पुंइसीचा ब्रेक्‍शो, तरवार साइक्‍चा पुंइसीनीम। येरमीया १५:२

येरमीया 44:12

इजीप्‍त लशा बाक्‍चा कली मिम्‍ब यहूदा ङा लीशो मुर नेल्‍ल थमा पा जाम्‍शा लाइनीम। मेको नेल्‍ल इजीप्‍तमी साइक्‍चा पुंइसीनीमी। तरवार नु अन्‍कालमी बेक्‍नीम। ठेयब नु आइक्‍च नेल्‍ल तरवार नु अन्‍कालमी बेक्‍नीम। इन श्‍येत जशो तशा मुर हिंनीम। गेपुकी सराप राइब नु शुक्‍शी पाइक्‍चा पुंइसीब दुम्‍नीनी। येरमीया ४२:१४-१७

इजीकीएल 33:27

मिनु गे मेको आन कली “परमप्रभु, परमप्रभु यावेमी ‘गो आं ब्रोंइशा बाक्‍शो खोदेंशो पा ब्रेश्‍शो खिंम बाक्‍बपुकी तरवारम साइक्‍चा पुंइसीनीम। मिनु गो दिंमम बाक्‍ब आन कली ब्‍वाकी ङा जन्‍तु आन कली ब्‍वचा गेनुङमी। बोल्‍यो दरवार नु पुक्‍खीम बाक्‍बपुकी मुर बेक्‍तीक रोइम बेक्‍नीम।

इजीकीएल 6:11

मिनु परमप्रभु, परमप्रभु यावेमी “इन गुइ पोक्‍कीन। मिनु इन खोइल थाइक्‍तीन। इस्राएल आ खिं ङा मुर आन ग्रांग्रा दिशो गेय आ पर्बम ‘आबी आबी’ देनीन। मारदे हना मेकोपुकी तरवार, अन्‍काल नु मुर बेक्‍तीक रोइम बेक्‍नीम।

इजीकीएल 6:12

मेको ङोन बाक्‍बपुकी मुर बेक्‍तीक रोइम बेक्‍नीम। मिनु मेको आन नेक्‍था बाक्‍बपुकी तरवारम साइक्‍चा पुंइसीनीम। मिनु लीशो प्रोंइचा पुंइसीशोपुकी अन्‍कालम बेक्‍नीम। मोपा गो आं गाइश्‍शो मेको आन तार मोइक्‍नुङ।

होसे 9:6

मेकोपुकी खतम दुम्‍चा कली प्रोक्‍तेक्‍म हना यो, इजीप्‍त रागीमी मेको आन कली खुप्‍ब। मिनु मेम्‍फीस ङा मुरपुकीमी मेको आन कली थिम्‍नीम। मेको आन चांदी के सेल्‍शो थोव़कपुकी चू नु चोंकम सुम्‍ब। मिनु आन ताम्‍बुमी चू वानीम। होसे १०:८