येरमीया 42:14 - Sunuwar Bible

¹⁴ गोपुकी इजीप्‍त लशा बाक्‍नीकी। मारदे हना मेकेर लडाइ मतांइसीब, तुराही ताप्‍शो सेंदा मनेंसीब, शोब्‍ले जचा मतथु शोव़लुम मबेक्‍सीब। गो मेकेन बाक्‍नीकी देंतीनी हना,

येरमीया 42:14 ပူးပေါင်းရင်းမြစ်များ

प्रस्‍थान 16:3

“इजीप्‍त रागी उइ परमप्रभु यावेमी आंइ कली सद हना, रिम्‍शो दुम वा। मेकेर श्‍ये नु शोब्‍ले शुश बाक्‍त। गे आंइ कली जचा मगेथु, साइक्‍चा कली एको गोरशो रागीमी चाक्‍तीसी” दे गन गन पाम्‍तेक्‍म। प्रस्‍थान १४:११

प्रस्‍थान 17:3

मिनु मुरपुकी ब्‍वाक्‍कु तूतू दाक्‍शा, गाइक्‍ताक्‍म। मेकोपुकीमी मोसा कली “गे मारदे आंइ कली इजीप्‍त रागी प्रोंइपाइय्‍यीकी? आंइ कली, आंइ आल आन कली, आंइ बस्‍तु भाव आन कली तूचा ब्‍वाक्‍कु मबा, आंइ कली बेक्‍पाइक्‍चा कली इजीप्‍त प्रोंइपाइय्‍यीकी?” देंतेक्‍म। प्रस्‍थान १५:२४; प्रस्‍थान १६:२; गन्‍ती १४:-; गन्‍ती १७:६-२८

यसैया 30:16

गेपुकीमी ‘ममाइ, गो शारा ङोइश्‍शा प्रोक्‍नीकी’ देंनीनी ‘मोपतीके गे प्रोक्‍चा माल्‍नीनी’ देंत। मिनु गेपुकीमी ‘रीब पा दोरब शारा ङोइक्‍नीकी’ देंनीनी। मोपतीके इन कली खेदा पाइबपुकी यो दोरनीम।

यसैया 30:2

मेकोपुकीमी आं अर्ती आ पर्बम हिल्‍लो मपथु, इजीप्‍त रागी लाइनीम। मिनु मेकेर ङा पिप फाराओम वारच पपांइसीनीम। मेकोपुकीमी इजीप्‍त रागीम फाम्‍सीचा माल्‍नीम। २राजा १८:२१

यसैया 31:1

आबी, इजीप्‍त रागी कली “वारच पाइक्‍की” दे लाइबपुकी, मेकोपुकी शारा कली थमा सुइक्‍ब बाक्‍नीम। बग्‍गी कली थमा सुइक्‍नीम। मारदे हना मेकेर शुश बाक्‍नीम। शारा ङोइक्‍ब आन कली थमा सुइक्‍नीम। मारदे हना मेको शुश बोल्‍यो बाक्‍नीम। तन्‍न मेकोपुकीम इस्राएली आन का ला बाक्‍शो परमप्रभु यावे कली ममिम्‍थु, हिल्‍लो मपाइनीम। यसैया ३०:१-२; भजन संग्रह २०:८

येरमीया 4:19

मिनु गो हिंती, हिंती। गो श्‍येत जशा हुकयी पाइनुङ। आं लुङगीर खाइश्‍शा, तुक तुक पाप्‍तु। गो सिक्‍सी पा बाक्‍ने मचाप्‍नुङ। मारदे हना गो तुराही ताप्‍शो नें‍ता। मेको लडाइ ङा रेयके बाक्‍ब।

येरमीया 4:21

गो गेना सम्‍म लडाइ ङा छेदर तचा माल्‍नुङा? मिनु गेना सम्‍म तुराही ताप्‍शो नेंचा माल्‍नुङा?

येरमीया 41:17

मिनु मेकोपुकी इजीप्‍त लचा कली मिम्‍शा बेथलेहेम ङा गेरुथ-किम्‍हामम बास बाक्‍तेक्‍म। २सामुएल १९:३८; येरमीया ४३:७

येरमीया 43:7

मोपा परमप्रभु यावे आ अरेशो मटिथु, मेकोपुकी इजीप्‍त लाम्‍तेक्‍म। मिनु ताहपनेसम जाक्‍दीत्‍तेक्‍म। येरमीया ४२:१४-१७; २राजा २५:२६

गन्‍ती 14:3

मारदे परमप्रभु यावेमी आंइ कली तरवारम साइक्‍पाइक्‍चा कली एको रागी चाक्‍गा? गो आंइ मीशपुकी नु आंइ आलपुकी रोइश्‍शा लाइक्‍नीम। गोपुकी इजीप्‍त रागी लेत्‍चा रिम्‍शो ममाइ ङा?” देंतेक्‍म। भजन संग्रह १०६:२४-२६

गन्‍ती 14:4

मिनु मेकोपुकी “मुल गो लां कोंइब मुर का योव़शा, इजीप्‍त रागीम लेय्‍य” देंमुम्‍तेक्‍म।

गन्‍ती 16:13

गे आंइ कली दूध नु खुदो शुश बाक्‍शो रागी रे एको गोरशो रागीम साइक्‍थ चाक्‍शा यो, मार, इन कली मजाक्‍दीम्‍मे? मिनु गे आंइ कली हुकुम यो पचा माल्‍नीसी?

ब्‍यवस्‍था 17:16

मेकोमी शुश शारा आंम कली मवोदल। मिनु मेकोमी शारा ग्‍याप्‍चा कली मुर आन कली इजीप्‍त मसोइक्‍तल। मारदे हना परमप्रभु यावेमी ‘मेको लां गेनायो लेश्‍शा मलने’ देंत। १राजा १०:२६-२९

ब्‍यवस्‍था 29:19

मिनु मोदेंशो पाइब मुर मेको कसम ङा लोव़ नेंशा, आ थुंमी ‘गो आंम मिम्‍तीके पशा बाक्‍ती हना यो, गो सराप मराइनुङ। गो आसीक ताइब बाक्‍ती’ दे मिम्‍ब। मोदेंशो मिम्‍तीके नेल्‍ल आन कली खतम सेल्‍ब।