येरमीया 40:3 - Sunuwar Bible

³ मुल परमप्रभु यावेम एको रागी क्‍याम्‍ताक्‍व। मिनु मेकोमी आ देंशो खोदेंशो पाप्‍तु। मारदे हना गेपुकीम परमप्रभु यावे कली पाप पाइतीनी। मिनु मेको आ देंशो मटिनी। मोपतीके इन कली ओदेंशो दुम्‍त।

येरमीया 40:3 ပူးပေါင်းရင်းမြစ်များ

नेहेम्‍याह 9:28

एर ओंथ ङा आन जोरी सत्रु रे प्रोंइपांइसीशा, नाइश्‍शा बाक्‍मा नोले, लेंशा इन मदाक्‍शो पामे बाक्‍त। मिनु गे मेको आन कली आन जोरी सत्रु आन गुइमी गेनी बाक्‍त। आन जोरी सत्रुपुकीमी मेको आन कली हुकुम पामे बाक्‍त। मिनु लेंशा मेकोपुकीमी इन कली ‘वारच पाइक्‍की’ दे ग्रीमानु, गे स्‍वर्ग रे मेको आन पुंइशो नेंशा, मेको आन कली इन ठेयब शिशीमी शुश खेयप प्रोंइनी बाक्‍त।

नेहेम्‍याह 9:33

आंइ कली दुम्‍तीके, गे ठीक पशो बाक्‍नीनी। मारदे हना गे आंइ कली रिम्‍शो पाइतीनी। गोपुकीमी चहिं इन कली थम मरिम्‍शो पाइतक। दानीएल ९:५,७

येरमीया 11:17

मुर नेल्‍ल आन परमप्रभु यावेम इन कली ख्रुम्‍तु। मिनु मेकोमी इन कली मरिम्‍शो पचशो बाक्‍ब। मारदे हना इस्राएल आ खिं ङा मुर नु यहूदा आ खिं ङा मुरुम मरिम्‍शो पाम्‍तेक्‍म। परमप्रभुमी “मेकोपुकीमी बाल देवता कली मार मार चढ़ेशा आं कली गाइक्‍पाइक्‍तीमी” देंत।

येरमीया 22:8

मिनु शुश रागी रागी ङा मुरपुकी एको सहर रे पा लाइनीम। मिनु मेको नेल्‍लेमी ‘परमप्रभु यावेम, मारदे एको ठेयब सहर कली ओदेंशो पवा?’ देंमुइनीम।

येरमीया 39:16

मार, लोव़ पशो बाक्‍त देंशा हना “लशा, कूशी एथीयोपीया ङा मुर एबेद-मेलेक कली ‘मुर नेल्‍ल आन परमप्रभु यावे, इस्राएली आन परमप्रभुमी रिम्‍शो पा ममाइ, तन्‍न श्‍येत गेशा, एको सहर आ पर्बम गो मार पाइनुङ देंशो बाक्‍ङा, मेको खाप्‍चा चिक्‍शो बाक्‍नुङ। मेको इ ङोंइतीन मेको नाक्‍ती दुम्‍ब।

येरमीया 44:23

इन चोशा चढ़ेतीके, इन परमप्रभु यावे कली पाप पशो, आ देंशो मटिशो नु आ अरेशो, आ फुल्‍लुम मुशा ब्रेक्‍शो लोव़ नु आ शेंशो मटितीके इन कली ठेयब श्‍येत दुम्‍त। मेको आ पर्बम श्‍येत जाइ‍‍नीनी” दे माइक्‍तीमी।

येरमीया 50:7

मेको आन कली थिप्‍बपुकीम मेको आन कली नेक्‍तेक्‍म। मिनु मेको आन जोरी सत्रुमी ‘गो दोसी मनकी। मारदे हना मेकोपुकीमी परमप्रभु यावे कली पाप पाम्‍तेक्‍म। मेको आन ठीक पा जोतीके नु आन किकी पिपी आन आस पशो, परमप्रभु यावे बाक्‍त’ देंतेक्‍म।

बिलाप 2:17

परमप्रभु यावेमी मार मिम्‍ता नु ङोंइती मार पाइनुङ देंमे, मेको पाप्‍तु। साइ ङोंइती हिंच कोंइशा देंशो लोव़ मुल पाप्‍तु। मेकोमी शिशी मपथु, नेल्‍ल खतम सेल्‍तु। मिनु इ जोरी सत्रु आन कली इ पर्बम ग्‍येरपाइक्‍तु। इ जोरी सत्रु आन सक्ति ठेयब सेल्‍तु।

रोमी 2:5

इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।

रोमी 3:19

अरेशो लोव़ अरेशो टीब आन कली ब्रेक्‍शो बाक्‍ब। मेको लोव़ मटिम्‍तेक्‍म हना, सिक्‍सी पचा माल्‍नीम। यहूदी नु रागी ङा मुर नेल्‍ल पापी दुम्‍तेक्‍म। मोपतीके परमप्रभु यावेमी मुर नेल्‍ल आन कली निसाफ पाइब। रोमी २:१२; गलाती ३:२२

ब्‍यवस्‍था 29:25

मिनु मेकोपुकीमी ‘मेको परमप्रभु यावे, आन किकी पिपी आन परमप्रभुमी मेको कली इजीप्‍त रे ग्रुंइची ना पशो कबल प्रोंइने थुम्‍शो बाक्‍तेक्‍म।