येरमीया 40:2 - Sunuwar Bible

² मिनु पिप कली कोव़ब आन कप्‍तानमी येरमीया कली थिश्‍शा, मेको कली “परमप्रभु यावे, इ परमप्रभुम एको रागीम ठेयब श्‍येत गे‍तीक आ पर्बम लोव़ पशो बाक्‍त।

येरमीया 40:2 ပူးပေါင်းရင်းမြစ်များ

येरमीया 11:17

मुर नेल्‍ल आन परमप्रभु यावेम इन कली ख्रुम्‍तु। मिनु मेकोमी इन कली मरिम्‍शो पचशो बाक्‍ब। मारदे हना इस्राएल आ खिं ङा मुर नु यहूदा आ खिं ङा मुरुम मरिम्‍शो पाम्‍तेक्‍म। परमप्रभुमी “मेकोपुकीमी बाल देवता कली मार मार चढ़ेशा आं कली गाइक्‍पाइक्‍तीमी” देंत।

येरमीया 50:7

मेको आन कली थिप्‍बपुकीम मेको आन कली नेक्‍तेक्‍म। मिनु मेको आन जोरी सत्रुमी ‘गो दोसी मनकी। मारदे हना मेकोपुकीमी परमप्रभु यावे कली पाप पाम्‍तेक्‍म। मेको आन ठीक पा जोतीके नु आन किकी पिपी आन आस पशो, परमप्रभु यावे बाक्‍त’ देंतेक्‍म।

येरमीया 52:16

तन्‍न पिप कली खाल पाइब आन कप्‍तान नेबुजरादानमी रागी ङा अङगुर रू नु अरु रूम गेय पचा कली, थम प्रुङग आन कली ला प्रोंइशा वोइक्‍तीमी।

लेवी 26:14

तन्‍न गेपुकीमी आं लोव़ मटीतीनी नु आं अरेशो मपाइतीनी,

ब्‍यवस्‍था 28:15

मिनु गे परमप्रभु यावे, इन परमप्रभु आ देंशो मटीब दुम्‍तीनी हना, मुलाक्‍ती गो इन कली माइश्‍शो आ शेंशो नु आ फुल्‍लुम मुशा ब्रेक्‍शो लोव़ नेल्‍ल होस पा मपाइतीनी हना, एको सराप चीले नेल्‍ल राइनीनी। मिनु गेपुकी सराप रशो मुर दुम्‍नीनी। दानीएल ९:११

ब्‍यवस्‍था 31:17

मिनु गो मेको नाक्‍त मेको आन पर्बम शुश गाइक्‍नुङ। मिनु गो मेको आन कली प्रोंइशा, मेको आन कली वारच मपाइ‍नुङ। मेकोपुकी रोइक्‍चा पुंइसीनीम। मिनु मेकोपुकीमी शुश मरिम्‍शो दुम्‍शा, ठेयब श्‍येत जाइनीम। मिनु मेको नाक्‍त मेकोपुकीमी ‘इं परमप्रभु गोपुकी नु मबाक्‍तीके इं कली मोदेंशो दुम्‍शो बाक्‍ब’ देंनीम।

ब्‍यवस्‍था 32:19

मिनु परमप्रभु यावे मेको तशा रुश पाप्‍तु। मारदे हना आ तमी तौपुकीम मेको कली आइक्‍च सेल्‍तेक्‍म।