येरमीया 40:15 - Sunuwar Bible

¹⁵ मिनु कारेआह आ तौ योहानानम मिस्पाम गेदाल्‍याह कली “सुइम मतुइक्‍चा ङा पा नेथन्‍याह आ तौ इश्‍माएल कली साइक्‍चा कली आं कली हुकुम गेयीनी। एको लोव़ सुइम मतुइक्‍नीम। इन एर ओंथ नेल्‍ल देल्‍शो यहूदी आन कली ब्रपाइक्‍चा कली नु यहूदामी लीशो आन कली साइक्‍चा कली मेकोमी मारदे इन कली साइक्‍चा मला?” देंत।

येरमीया 40:15 ပူးပေါင်းရင်းမြစ်များ

२ सामुएल 18:3

तन्‍न मेकोपुकीमी “ममाइ, गे चहिं मलने। ब्रुशा प्रोक्‍चा माल्‍ताक्‍क हना, आंइ कली सुइम मतुइक्‍नीम। गो उइक्‍थ बेक्‍तक हना यो, मेकोपुकीम आंइ कली मकोव़नीम। तन्‍न गे आंइ १० हजार खोदेंशो बाक्‍नीनी। मोपतीके गे सहरम बाक्‍शा, आंइ कली वारच पाइतीनी हना, रिम्‍शो दुम्‍ब” देंमा बाक्‍त।

२ सामुएल 21:17

मेना सेरूयाह आ तौ अबीशै दाऊद कली वारच पाइक्‍थ जाक्‍शा, मेको पलिस्‍ती कली सदा बाक्‍त। मेना दाऊद आ लडाइ पाइबपुकीमी “मुल रे गे गो नु लडाइमी मगाक्‍कीन। मारदे हना गे इस्राएल ङा छेङछेङन ननी। मेको मकाप्‍ल” दे कसम जामे बाक्‍त। २सामुएल २३:१८; २सामुएल २२:२९

अय्‍युब 31:31

आं गेय पाइब नेल्‍लेम गेनायो ‘अय्‍युब आ भोजम मुर मरूम’ मदेंम।

येरमीया 40:8

मिनु मेको नेल्‍ल मिस्‍पा सहरम गेदाल्‍याह आ बाक्‍तीकेम लाम्‍‍तेक्‍म। नेथन्‍याह आ तौ इश्‍माएल, कारेआह आ तौ योहानान नु योनाथन, तन्‍हुमेथ आ तौ सेरायाह, नेतोफाह आ मुर एफाइ आ तौपुकी, माकाथी आ तौ येजन्‍याह नु मेको आन मुर नेल्‍ल लाम्‍‍तेक्‍म। येरमीया ४१:१,११

येरमीया 42:2

परमप्रभु यावे आ लोव़ पाइब येरमीया आ बाक्‍तीके जाक्‍तेक्‍म। मिनु मेको कली “गो आंइ पुंइशो नेनीन। मिनु परमप्रभु यावे, इन परमप्रभु कली आंइ पर्बम नु लीशो मुर नेल्‍ल आन पर्बम पुनीन। मारदे हना शुश मुर रे का निक्‍शी ला लीतक। मेको गे आंमा ताइतीनी। येरमीया ३७:३

यूहन्‍ना 11:50

मिनु मेकोमी “गे मारेइ मतुइक्‍नीनी। गो नेल्‍ल रागी खतम दुम्‍चा क्‍येङा, मुर का कली साइक्‍चा रिम्‍शो बाक्‍ब” देंमाक्‍त। यूहन्‍ना १८:१४

१ सामुएल 24:4

मिनु दाऊद आ मुरपुकीम “परमप्रभु यावेम देंशो खोदेंशो पा इन जोरी सत्रु कली इन गुइमी गेतीक नाक्‍त मुलाक्‍त बाक्‍ब। एको कली मार पचा दाक्‍नीनी मेको पने चाप्‍नीनी” देंमा बाक्‍त। मिनु दाऊद सिक्‍सी पा लशा, सावल आ वा आ सुर का रिक्‍गा बाक्‍त। भजन संग्रह १४२:१

१ सामुएल 26:8

मिनु अबीशैमी दाऊद कली “परमप्रभुम मुलाक्‍ती इन जोरी सत्रु आन कली इन गुइमी गेशो बाक्‍माक्‍त। तूतीकेम काले‍मीन खप सम्‍म ग्रुक्‍सीचा ङा पा आप्‍चा कली हुकुम गेयीनी। गो खेयप निक्‍शी आप्‍‍चा ममाल्‍ङल” देंमाक्‍त। २सामुएल १६:९