येरमीया 4:30 - Sunuwar Bible

³⁰ गे गोरशो सेल्‍चा पुंइसीशो रागी मार, पना पन बाक्‍ङे? गे लल वाम ग्‍योम्‍सीशा, सुन के गहना पांइसीशा, आंम कली ग्‍योम्‍सीशो आ अर्थ मार, बाक्‍बा? गे मारदे गाजल ख्रेक्‍सीशा इ मिक्‍च ठेयब सेल्‍नेवे? आंम कली दारशो सेल्‍चा मोशान बाक्‍ब। इ कली दाक्‍ब मुरपुकीम इ कली ग्रांग्रा दिश्‍शो बाक्‍नीम। इ कली साइक्‍चा माल्‍शो बाक्‍नीम।

येरमीया 4:30 ပူးပေါင်းရင်းမြစ်များ

२ राजा 9:30

मिनु येहू येज्रेल सहरमी जाक्‍माक्‍त। मार मार दुम्‍मे, मेको नेल्‍ल इजेबेलम नेंशो बाक्‍माक्‍त। मिनु मेकोम आ मिक्‍चीम गाजल ख्रेक्‍से बाक्‍त। मिनु चां मिंसीशा झेल रे उइ लां गे कोव़ङा बाक्‍त।

हितोपदेस 6:25

मेको आ दारशो कुल तशा इ थुंमी मवलो। मेको आ कोव़शोमी इ कली हेंथे मगाक्‍पदल।

हितोपदेस 7:10

मेको मीश मुर मेको कली ग्रुम्‍चा कली ग्रूत। तेल्‍लेम खोदेंशो पा फेक्‍शा “मेको कली हेंथे खोइक्‍‍पाइक्‍नुङ” दे मिम्‍शो बाक्‍त।

यसैया 10:3

मिनु सजाइ गेतीक नाक्‍तीमी मार पाइनीनी? ङोन रे जाक्‍शो हिंचा ङा श्‍येतमी मार पाइनीनी? “वारच पाइय्‍यीनी” दे सु आ बाक्‍तीके प्रोक्‍नीनी? इन शोंप ते वोइक्‍नीनी?

यसैया 20:6

मिनु मेको नाक्‍ती समुन्‍द्र आ नेक्‍था बाक्‍ब मुरपुकीमी ‘कोव़ङीन, ङोंइती वारच पा अस्‍सुर नु लडाइ पन, दे ब्रेश्‍शो रागी आस कली अस्‍सुर ङा पिपम ग्‍याइश्‍शा लाइक्‍तु। गो मुल दोपा ब्रोंइचा’ देंनीम” देंत।

यसैया 33:14

सियोनम बाक्‍ब पाप पाइबपुकी हिं‍नीम। परमप्रभु यावे आ अरेशो मटीब ख्रिंख्रि पाइनीम। सु खतम पोक्‍ब मी नु ब्रोंइशा बाक्‍ने चाप्‍बा? आंइ दातेमी सु गेना हना यो ब्रशो मी नु ब्रोंइशा बाक्‍ने चाप्‍बा?” देंत। यसैया १०:१७; येरमीया २३:२९

येरमीया 13:21

गेमी आंम मुर सेल्‍चा कली इ लेम्‍शो मुर आन कली परमप्रभु यावेम इ कली हुकुम पाइब सेल्‍ब। मिनु गे मार, देंनेवे? मार, सुत्‍केरी दुम्‍चशो मीश मुर खोदेंशो पा, इ कली श्‍येत मदुम्‍बा ङा?

येरमीया 22:23

लेबानोनम बाक्‍ब मुर, लेबानोन ङा लाइश्‍शो रवा आन दातेमी खिं सेल्‍ब मुरपुकी, श्‍येत नु सुत्‍केरी रोइ पशो खोदेंशो दुम्‍तीनी हना, दोपा हुकयी पाइनीनी।

येरमीया 30:14

इ वारच नेल्‍लेम इ कली प्रेंने थुम्‍तेक्‍म। मेकोपुकीमी इ कली गेनायो ममिम्‍नीम। गो इ ठेयब दोस तशो नु इ शुश पाप आ पर्बम पतीके जोरी सत्रुम खोदेंशो पा तुप्‍तन। मिनु शिशी मपाइक्‍बम खोदेंशो पा गो इ कली सजाइ गेतन।

येरमीया 5:31

परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६

बिलाप 1:19

गो आं दाक्‍शो मुर आन कली ब्रेत्‍ताक्‍ङ। तन्‍न मेकोपुकीमी आं कली प्रोंइतीमी। आं चढ़ेब नु खाल्‍पा आन बोल लेप्‍पाइक्‍चा कली जचा थोव़क माल्‍न माल्‍ना सहरम बेक्‍तेक्‍म।

बिलाप 1:2

मेको नाक्‍दो हिशेक पा ङाक्‍ब। आ प्रेक्‍क यिना यिन बाक्‍नीम। मेको आ दाक्‍शो मुर आन दाते ङा सुइम मेको कली आ थुं बारपाइक्‍चा ङा लोव़ मपाइनीम। आ वारच नेल्‍लेम मेको कली प्रोंइतेक्‍म। मुल मेको आ जोरी सत्रु दुम्‍तेक्‍म। भजन संग्रह ६९:२१

बिलाप 4:17

वारच पाइब जाक्‍बा, कों देंशा लां कोव़शा मिक्‍च चोप्‍तु। रागी कामी आंइ कली वारच पाइबा कों, दे कोव़शा बाक्‍तक। तन्‍न मेकोमी आंइ कली प्रोंइने मचब।

इजीकीएल 28:13

गे परमप्रभु आ रू एदेनम खोदेंशो बाक्‍ते। गे हीराम ग्‍योम्‍सीशो बाक्‍ते। लल मानीक, हाव पुश्‍‍पराज, बुश नु नीलो पन्‍ना, पीतमनी, लल रङ ङा ओनीक्‍स, नीलो बि‍लौरा, बुश नीर, लल फिरोजा नु गिगी बेरूज माइश्‍शो हीराम ग्‍योम्‍सीशो बाक्‍ते। मिनु मेको हीरा ग्‍याइक्‍तीके नु आप्‍तीके सुन के बाक्‍तेक्‍म। गे दुमे नाक्‍तीन मेको नेल्‍ल ठीक पशो बाक्‍तेक्‍म। प्रस्‍थान २८:१७-२०; इजीकीएल ३१:८-९; उत्‍पत्ती २:८

इजीकीएल 28:9

मिनु मार, इ कली साइक्‍ब आन ङोंइती गे मुर दुम्‍शा यो ‘गो देवता का नङ’ देंनेवे ङा? ‘इ कली साइक्‍ब आन गुइमी बाक्‍शा यो मोदेंशो लोव़ पाइनेवे?

ओबदिया 1:7

इ नेक्‍था ङा रागी ङा मुरपुकीमी इ कली जोल पाम्‍तेक्‍म। मेकोपुकीम इ कली खेदा पा खेरशा इ सांद सम्‍म चाक्‍तेक्‍म। इ वारचपुकीमी इ कली दिप्‍शा श्‍येत गेनीम। इ थुल्‍शो मुरपुकीमी इ कली ब्‍वारद दाइक्‍नीम। तन्‍न गे मारेइ मतुइक्‍नेवे।

हिब्रू 2:3

पाप आ सजाइ रे ब्रोंइतीक ठेयब गेय कली ममिम्‍ताक्‍य हना, दोपा सजाइ रे ब्रोंइने चाप्‍नया ङा? मेको ठेयब गेय ङोंइती प्रभुमी तुइक्‍पाइश्‍शो बाक्‍त। मिनु आ लोव़ नेंबपुकीमी “थमा बाक्‍ब” दे तुइक्‍पाइश्‍शो बाक्‍तेक्‍म। हिब्रू १०:२९; हिब्रू १२:२५

प्रकाश 17:13

मेको १० जना पिप थुं का दुम्‍शा, आन सक्ति नु अधिकार ठेयब जन्‍तु कली गेनीम।

प्रकाश 17:2

रागी रागी ङा पिपपुकीमी मेको नु तेल्‍लेम पाम्‍तेक्‍म। मिनु मेको आन तेल्‍लेम पशो तशा, रागी रागी ङा मुरपुकीमी यो मोदेंशो पाम्‍तेक्‍म” दे आं कली देंत।

प्रकाश 17:4

मिनु मेको मीश मुर दोदेंशो तांइसाक्‍व देंशा हना, पिप आन फेक्‍शो खोदेंशो वा नु लल वा फेक्‍शो बाक्‍त। सुन, हीरा नु मोती पांइशो बाक्‍त। मेकोमी सुन के कचौरा कुरशो बाक्‍त। मेको कचौरा आ तेल्‍लेम पतीके, ग्रांग्रा दिचा ङा नु मरिम्‍शो गेयमी ब्रीशो बाक्‍त। येरमीया ५१:७