येरमीया 4:27 - Sunuwar Bible

²⁷ मिनु परमप्रभु यावेम मार, देंत देंशा हना “रागी नेल्‍ल मुर मबाक्‍तीके दुम्‍त हना यो, गो मेको नेल्‍ल मक्‍याम्‍नुङमी। येरमीया ५:१८; येरमीया १०:२४; येरमीया १८:३-८; आमोस ९:८

येरमीया 4:27 ပူးပေါင်းရင်းမြစ်များ

२ इतिहास 36:21

मिनु परमप्रभु यावे आ लोव़ पाइब येरमीया रे पा देंशो परमप्रभु यावे आ लोव़ गाप्‍चा कली ७० बर्स मगाम सम्‍म इस्राएल रागीम आ नाइक्‍तीक नाक्‍ती मानेवा बाक्‍त। मेको रागीम ७० बर्स सम्‍म श्‍येत्‍थ दुम्‍मेनु, आ नाइक्‍तीक नाक्‍ती मानेवा बाक्‍त। येरमीया २५:११; लेवी २६:३४; बिलाप २:६

नेहेम्‍याह 9:31

मो पाम्‍तेक्‍म हना यो, इन ठेयब शिशीमी मेको आन कली मसाइक्‍थु, आन श्‍येत रे प्रोंइनी बाक्‍त। मारदे हना गे शिशी पाइब नु शुश दाक्‍ब परमप्रभु बाक्‍नीनी।

यसैया 17:6

तेल रवा हिक्‍शा गेडा नेल्‍ल तोक्‍शा यो का निक्‍शी लीशो खोदेंशो पा, मेको आ ङल नु राशीमी का निक्‍शी ला लीनीम” दे परमप्रभु यावे, इस्राएली आन परमप्रभुमी देंत।

यसैया 24:1

परमप्रभु यावेमी रागी नेल्‍ल मुर मबाक्‍तीक सेल्‍ब। नेल्‍ल श्‍येत्‍थ सेल्‍ब। रागी कली ग्‍येत्‍थ लुक्‍च पा मेकेर ङा मुर नेल्‍ल आन कली ब्रपाइक्‍ब।

येरमीया 18:16

मेकोपुकीम आन रागी हिंचा ङा सेल्‍तेक्‍म। मिनु मेको रागी गेना हना यो शुक्‍शी पतीक दुम्‍त। मेकेर रे सु सु गाक्‍मा मेको ग्रीचोक पा हिंनीम। मिनु ‘आबी, आबी’ देंनीम। येरमीया १९:८

येरमीया 25:11

एको रागी ङा खिं नेल्‍ल ब्रेश्‍शो नु मुर मबाक्‍शो दुम्‍नीम। मिनु एको जात ङा मुरपुकी ७० बर्स सम्‍म बेबीलोन ङा पिप आ वाइल दुम्‍नीम। २इतिहास ३६:२१; येरमीया २९:१०; एज्रा १:१-२

येरमीया 30:11

मारदे हना गो इ कली प्रोंइचा कली गे नु बाक्‍नुङ। इन कली फ्रशा वोइश्‍शो रागी रागी ङा मुर नेल्‍ल आन कली साइक्‍नुङमी। तन्‍न गो इ कली गेनायो मक्‍याम्‍नुङ। गो इ कली ठीक सजाइ गेनुङ। गो इ कली थमा पा सजाइ मगेथु, मप्रोंइनुङ” दे परमप्रभु यावेमी देंत। येरमीया १०:२४; ब्‍यवस्‍था ८:५

येरमीया 4:20

खतम दुम्‍तीक तार खतम दुम्‍तीक जाक्‍ब। रागी नेल्‍ल मुर मबाक्‍तीक दुम्‍त। आं ताम्‍बु नु फारतीक वा नेल्‍ल याम काम खतम दुम्‍तेक्‍म।

येरमीया 4:7

गुप्‍स का आ पुक्‍खी रे ग्रूशा, जाक्‍शो बाक्‍ब। रागी रागी कली खतम पोक्‍ब का ग्रूब। मेको आ बाक्‍तीक रे ग्रूशा, इन रागी कली मुर मबाक्‍तीके सेल्‍ब। इन सहर ङा खिं नेल्‍ल ब्रेत्‍‍नीम। मेकेर मुर बाक्‍ने मचाप्‍नीम। येरमीया २:१५; येरमीया ५:६; येरमीया २५:३८; येरमीया ४९:१९; येरमीया ५०:४४

येरमीया 44:6

मोपतीके गो यहूदा ङा सहर नु यरूसलेम ङा लांम आं शुश गाइश्‍शो नु चुरशो मोइक्‍ता। मिनु मेको सहर ब्रेश्‍शो नु मुर मबाक्‍तीके दुम्‍तेक्‍म। मुलाक्‍ती मोदेंशो बाक्‍ब” देंत।

येरमीया 46:28

आं गेय पाइब याकूब गे महिनो। मारदे हना गो गे नु बाक्‍शो बाक्‍नुङ। गो इ कली तेको रागी ङा मुर आन दातेमी ब्रपदु, मेको रागी ङा मुर नेल्‍ल आन कली क्‍याम्‍‍नुङमी। तन्‍न गो इ कली मक्‍याम्‍‍नुङ। गो इ कली ठीक सजाइ गे‍नुङ। गो इ कली सजाइ मगेथु मप्रोंइनुङ” देंत। येरमीया १०:२४; येरमीया ३०:११

येरमीया 5:10

परमप्रभु यावेम आं कली “गे मेको आन अङगुर बोट दिम्‍शा ताइश्‍शा पावो। तन्‍न नेल्‍ल श्‍येत्‍थ मपोक्‍को। मेको आ राशी इत्‍तो। मारदे हना मेको परमप्रभु यावे आ मुर मनम।

येरमीया 5:18

मो हना यो, गो मेको नाक्‍ती इन कली नेल्‍ल मसाइक्‍पाइक्‍नुङ। येरमीया ४:२७

येरमीया 7:34

मिनु गो यहूदा ङा सहर नु यरूसलेम ङा लां रे थुं नाइश्‍शा बाक्‍तीक, ग्‍येरशो सेंदा नु ग्‍युम्‍ली ग्‍युम्‍ले आन सेंदा क्‍याम्‍नुङ। मारदे हना रागी मुर मबाक्‍तीके दुम्‍ब” दे परमप्रभु यावेमी देंत। येरमीया १६:९; येरमीया २५:१०; येरमीया ३३:११

येरमीया 9:11

गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८

बिलाप 2:7

परमप्रभुम आंम कली चढ़ेतीक नु आ बाक्‍तीके निम्‍फा प्रोंइतु। मेको आन दरवार ङा गारो जोरी सत्रु आन गुइमी गेप्‍तु। मोपा मेकोपुकीमी परमप्रभु यावे आ खिंमी चाड ङा नाक्‍त खोदेंशो पा रेयके पाम्‍तेक्‍म।

इजीकीएल 11:13

गो परमप्रभु यावे आ लोव़ पना पन बाक्‍ङानु, बेनायाह आ तौ पेलात्‍याह बेक्‍त। मिनु गो खुम्‍की पा बाप्‍शा ठेयब सेंदा पा “परमप्रभु, परमप्रभु यावे, मार, गे इस्राएल ङा लीशो नेल्‍ल आन कली साइक्‍नीनी?” देंती। इजीकीएल ९:८

इजीकीएल 20:17

मो हना यो गो मेको आन कली शिशी पा, गोरशो रागीम मसदुमी। मेको आन कली मक्‍याम्‍दुमी।

इजीकीएल 33:28

गो मेको रागी कली मुर मबाक्‍शो नु श्‍येत्‍थ सेल्‍नुङ। मिनु मेको आ ठेयब लेत्‍तीक जाम्‍ब। मिनु इस्राएल ङा डांडाम सुइ एर ओंथ पने मचाप्‍चा ङा पा मुर मबाक्‍तीके दुम्‍ब।

इजीकीएल 6:14

गो आं गुइ मेको आन पर्बम क्‍युक्‍नुङ। मिनु आन रागी रे श्‍येत्‍थ नु मुर मबाक्‍तीक सेल्‍नुङ। मेको गोरशो रागी रे रिब्‍ला सम्‍म मोदेंशो पाइनुङ। मेना मेकोपुकीमी गो परमप्रभु यावे नङ, दे तुइक्‍नीम” देंत। २राजा २५:२१

लेवी 26:31

गो इन सहर गोरशो रागी खोदेंशो सेल्‍नुङ। मिनु इन पूजा पतीके थान श्‍येत्‍थ सेल्‍नुङ। गो इन ब्रोव़शो धूप आन रिना मनाम्‍नुङ।

लेवी 26:44

मिनु मोदेंशो पाम्‍तेक्‍म हना यो, गो मेको आन कली आन जोरी सत्रु आन रागीमी कोव़शा, ग्रांग्रा दिशा खतम मसेल्‍नुङमी। मिनु मेकोपुकी नु पशो आं कबल मप्रोंइनुङ। मारदे हना गो परमप्रभु यावे, मेको आन परमप्रभु नङ। होसे ११:९

सेफन्‍याह 1:18

परमप्रभु यावे गाइक्‍ची नाक्‍ती मेको आन चांदीमी मप्रोंइब। मेको आन सुनमी यो मेको आन कली प्रोंइने मचाप्‍ब। मेको आ मी खोदेंशो पा गाइक्‍तीकेमी रागी नेल्‍ल क्रोइक्‍ब। मेकोमी रागीम बाक्‍ब नेल्‍ल आन कली थम मरिम्‍शो पा साइश्‍शा क्‍याम्‍ब” दे परमप्रभु यावेमी देंत। इजीकीएल ७:१९