येरमीया 4:22 - Sunuwar Bible

²² आं मुर मूर्ख बाक्‍नीम। मेकोपुकीमी आं कली मतुइक्‍नीम। मेको निप्‍स मपाइश्‍शो आल बाक्‍नीम। मेको आन के रुप्‍तीक मबाक्‍ब। मेको मरिम्‍शो पचा कली जोक्‍ब बाक्‍नीम। तन्‍न रिम्‍शो पस मजोक्‍नीम। यसैया २७:११

येरमीया 4:22 ပူးပေါင်းရင်းမြစ်များ

उत्पत्ती 39:16

मिनु मेकोमी योसेफ आ फेक्‍शो वा आ नेक्‍था वोइश्‍शा, आ वोंइश मजाक्‍म सम्‍म रिम्‍दा बाक्‍त।

२ सामुएल 13:3

तन्‍न अम्‍नोन आ वारच का बाक्‍माक्‍त। मेको आ नें योनादाब बाक्‍माक्‍त। मेको दाऊद आ लोक्ब शिमेआह आ तौ बाक्‍माक्‍त। मेको मिक्‍च सिल्‍ब मुर का बाक्‍माक्‍त। १सामुएल १७:१३

भजन संग्रह 36:3

मेको आन लोव़ मरिम्‍शो नु जोल ला बाक्‍ब। मेकोपुकीमी रुप्‍ब थुंम मिम्‍शा, रिम्‍शो पचा प्रोंइने थुम्‍शो बाक्‍नीम।

भजन संग्रह 36:4

मेको आन ब्राख्‍येम बाक्‍मानु, आन मरिम्‍शो पतीक ला मिम्‍ना मिम्‍न बाक्‍नीम। मेको मरिम्‍शो लां खोइक्‍नीम। मेकोमी आन थुंमी “मरिम्‍शो पशो ग्रांग्रा दिशा मपाइनीकी” दे मदेंनीम। मीका २:१

भजन संग्रह 53:4

मार, मरिम्‍शो पाइबपुकी मारेइ मशेंसीनीमी? मेकोपुकीमी शोब्‍ले जशो खोदेंशो पा आं मुर आन कली नेक्‍नीम। मेकोपुकीमी परमप्रभु कली काइ मपुंइनीम।

भजन संग्रह 82:5

हुकुम पाइबपुकीमी मारेइ मजोक्‍नीम, मतुइक्‍नीम। मेकोपुकी छिङछिङम गाक्‍शो बाक्‍नीम। रागी आ जग नेल्‍ल हिम्‍सीशो बाक्‍नीम।

हितोपदेस 28:5

मरिम्‍शो मुरपुकीमी निसाफ प‍तीके मार बाक्‍बा, दे मरुप्‍‍नीम। तन्‍न परमप्रभु यावे आ देंशो पचा दाक्‍बपुकीमी नेल्‍ल रिम्‍शो पा रुप्‍‍नीम।

यसैया 1:3

ब्‍यफोमी आ होव़प कली तुइक्‍ब। गधामी आ होव़प आ शुंगु तुइक्‍ब। तन्‍न इस्राएल ङा मुर मतुइक्‍ब बाक्‍नीम। आं मुर मरुप्‍ब बाक्‍नीम।

यसैया 27:11

मिनु मेको आ राशी सोव़शा, जिक्‍नीम। मिनु मीश मुरपुकी जाक्‍शा, चोचा कली शी खुप्‍‍नीम। मारदे हना मेकोपुकी रुप्‍तीक मपाइश्‍शो थर ङा मुर बाक्‍नीम। मोपतीके मेको आन कली सेल्‍बमी मेको आन कली शिशी मपाइब। येरमीया ४:२२; ब्‍यवस्‍था ३२:१८

येरमीया 10:8

मूर्ति आन शेंतीक निप्‍स मपाइश्‍शो नु मूर्ख लोव़ बाक्‍ब। मेको शी क्‍येङा रिम्‍शो मबाक्‍ब।

येरमीया 13:23

मार, एथीयोपीयामी आ कुशुल ङा रङ फाइक्‍ने चाप्‍बा ङा? मार, जोइमी आ चां ङा थोप्‍ला फाइक्‍ने चाप्‍बा ङा? गे मरिम्‍शो पचा बानी दुम्‍तीके रिम्‍शो पने मचाप्‍नेवे।

येरमीया 2:8

चढ़ेबपुकीम ‘परमप्रभु यावे ते बाक्‍बा?’ मदेंम। आं अरेशो लोव़ शेंबपुकीम आं कली मतुइक्‍तीमी। सासन पाइबपुकी आं कली ममिम्‍थु, हेंथे गाक्‍तेक्‍म। आं लोव़ पाइबपुकीम बाल देवता आ नेंम नोले दुम्‍ब लोव़ पाम्‍तेक्‍म। मिनु शोर गाक्‍शो मूर्ति आन नोले खोइक्‍तेक्‍म” देंत।

येरमीया 4:21

गो गेना सम्‍म लडाइ ङा छेदर तचा माल्‍नुङा? मिनु गेना सम्‍म तुराही ताप्‍शो नेंचा माल्‍नुङा?

येरमीया 5:21

गे मूर्ख नु मिम्‍तीक मपाइश्‍शो मुरपुकी, एको लोव़ नेनीन। इन मिक्‍ची बाक्‍ब, तन्‍न मताइनीनी। इन नोफा बाक्‍ब, तन्‍न मनेंनीनी।

येरमीया 5:4

मेकोपुकी दा प्रुङग ला बाक्नी‍म। मेकोपुकी मूर्ख बाक्‍नीम। मारदे हना मेकोपुकीम परमप्रभु यावे आ लां मतुइक्‍नीम। आन परमप्रभु आ अरेशो मतुइक्‍नीम।

येरमीया 9:2

गोरशो रागीम मुर आन कली बास बाक्‍तीक बाक्‍शो हना, गो आं मुर आन कली प्रोंइशा, मेकेर लशा बाक्‍ङ वा। मिनु मेको आन रे ङोन लङ वा। मारदे हना मेको नेल्‍ल आन नाता ख्रोइश्‍शा अरु नु इप्‍‍नीम। मेको नेल्‍ल मरिम्‍शो हुल का बाक्‍नीम।

येरमीया 9:3

मेकोपुकीम जोल पस ला जोक्‍नीम। मोपा जोल पतीकेमी रागी ङा ठेयब मुर दुम्‍तेक्‍म। थमा लोव़ पतीकेमी ममाइ। मेकोपुकी मरिम्‍शो पशो का रे अर्को मरिम्‍शो पाइनीम। मिनु आं कली मतुइक्‍नीम। येरमीया ५:१

येरमीया 9:5

मेको नेल्‍लेम आन नेक्‍था ङा मुर आन कली जोल पाइनीम। सुइमी थमा लोव़ मपाइनीम। मेकोपुकीम जोल पचा शेंसीशो बाक्‍नीम। मेकोपुकीम मरिम्‍शो ला पाइनीम।

इजीकीएल 16:30

मिनु परमप्रभु, परमप्रभु यावेमी “गे मोदेंशो पचा कली इ थुंम दोदेंशो पा रोइ पचा माल्‍दा? गे एको गेय नेल्‍ल मुने मपाइश्‍शो तेल्‍लेममी खोदेंशो पा पाप्‍तीवी।

होसे 4:1

गे इस्राएली, परमप्रभु यावे आ लोव़ नेनीन। मारदे हना परमप्रभु यावेमी रागीम बाक्‍ब इन कली दोस गेब। मार दोस गेब देंशा हना “एको रागी ङा मुरुमी आं कली प्रोंइतीमी, आं कली मदाक्‍थु, आं कली मटीनीम।

होसे 4:6

आं मुर मारेइ मतुइक्‍तीके खतम दुम्‍नीम। मारदे हना गेपुकीमी तुइक्‍तीक कली ताइक्‍ताक्‍नी। मोपतीके गो यो इन कली आं कली चढ़ेब दुम्‍तीक रे ताइक्‍नन्‍नी। मारदे हना गेपुकीमी इन परमप्रभु, आं अरेशो लोव़ कली क्‍यारी मपनी। मोपतीके गो यो इन आल आन कली क्‍यारी मपाइनुङ।

होसे 5:4

मेको आन गेय आ पर्बम आन परमप्रभु गे लेत्‍ने मचाप्‍नीम। तेल्‍लेम पचा मेको आन थुंमी बाक्‍ब। मिनु मेकोपुकीमी परमप्रभु यावे कली मतुइक्‍नीम। होसे ४:१२

आमोस 3:10

मेकोपुकी ठीक गेय पस मजोक्‍नीम। हुश ख्राक्‍श पोक्‍शा नु मार मार रोइश्‍शा खुइ पशो आन बोल्‍यो दरवारम खेक्‍शा वोइक्‍नीम” दे परमप्रभु यावेमी देंत।

मीका 2:1

आबी आबी, सु सुम आन ब्राख्‍येम गोल्‍शा पाप नु मरिम्‍शो पचा ला मिम्‍नीमी। मिनु नां सोव़म चोटीन मेको आन मिम्‍शो पाइनीम। मारदे हना मेको पने चाप्‍ब बाक्‍नीम।

मीका 7:3

मेकोपुकी मरिम्‍शो पचा कली जोक्‍ब बाक्‍नीम। आन ठेयब मुर नु निसाफ पाइबपुकीमी घूस जाइ‍नीम। सक्ति पाइश्‍शोपुकीमी मार मिम्‍तमे मेकोन पाइनीम। मोपा ठीक पतीके कली दूली सेल्‍नीम।

लूका 16:8

मिनु जेर लाइक्‍ब नेल्‍ल आन के नक कागज सेल्‍शा, होव़प कली कोंइदा बाक्‍त। मिनु मेकोमी कोव़शा ‘गे मेको आन कली वारच सेल्‍शा, निप्‍स पाइश्‍शो गेय पा कोंइताक्‍यी’ देंमाक्‍त। रागीमी थमा सुइक्‍ब क्‍येङा थमा मसुइक्‍बपुकीमी निप्‍स पाइश्‍शो गेय पाइनीम। एफिसी ५:८-९

यूहन्‍ना 16:3

मोदेंशो पाइनीम। मारदे हना आं आफ नु आं कली मतुइक्‍नीम। यूहन्‍ना १५:२३

रोमी 1:22

मजोक्‍थु यो ठेयब लेश्‍शा बोरशा “गो शुश जोक्‍ब ठेयब नकी” देंतेक्‍म। मोपा मूर्ख दुम्‍तेक्‍म। १कोरिन्‍थी १:२०

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

रोमी 16:19

गे शेंतीक लोव़ नेंशा, टीब मुर ननी, दे नेल्‍लेमी तुइक्‍ताक्‍मे। एको नेंशा, गो ग्‍येरसाक्‍यी। तन्‍न रिम्‍शो गेय मरिम्‍शो गेय, थमा शेंतीक दूली शेंतीक, थमा नु जोल तुइक्‍ब दुमीने, देंनुङ। मोपतीके ब्रेक्‍शा, शुश शेंताक्‍न्‍नी। रोमी १:८; १कोरिन्‍थी १४:२०

रोमी 3:11

परमप्रभु यावे कली तुइक्‍ब सुइ मबाक्‍नीम। मेको कली ममाल्‍ब यो मबाक्‍नीम।

१ कोरिन्‍थी 14:20

आं लोक्‍बपुकी, आलमी मिम्‍शो खोदेंशो पा ममिम्‍तीने। मरिम्‍शो गेय पचा कली मजोक्‍ब आल खोदेंशो दुम्‍शा बाक्‍कीने। तन्‍न इन मिम्तीकेमी निप्‍स पाइश्‍शो मुरुम मिम्‍शो खोदेंशो पा मिम्‍तीन। एफिसी ४:१४; यसैया २८:११-१२

ब्‍यवस्‍था 32:28

मारदे हना मेकोपुकी रागी ङा निप्‍स मपाइश्‍शो मुर नम। मेकोपुकी नु मारेइ रुप्‍तीक थुं मबाक्‍ब। यसैया २७:११; येरमीया ४:२२

ब्‍यवस्‍था 32:6

मूर्ख नु निप्‍स मपाइश्‍शो मुरपुकी, मार, गे परमप्रभु यावे कली क्‍येक्‍क लेत्‍नीनी? मार, इन कली सेल्‍ब इन आफ मेको ममाइ ङा? मेको इन कली सेल्‍ब नु वोइक्‍ब बाक्‍ब।