येरमीया 4:2 - Sunuwar Bible2 कसम जची ना गेपुकीम ‘परमप्रभु यावे ब्रोंइशा बाक्शो खोदेंशो पा’ दे कसम जाइतीनी हना, गे थमा लोव़ पा, ठीक निसाफ पाइब नु रिम्शो थुं पाइब मुर दुम्तीनी हना, रागी रागी ङा मुर परमप्रभु आ नें थिशा आसीक पमुइनीम। मिनु मेकोपुकी आ आल दुम्तीके ग्येरसीनीम” देंत। ब्यवस्था १०:२०; यसैया ६५:१६ အခန်းကိုကြည့်ပါ။ |
येरमीया 4:2
30 ပူးပေါင်းရင်းမြစ်များ
मिनु सोलोमनम “गे इन गेय पाइब, आं आफ दाऊद कली इन ठेयब गेना हना यो दाक्तीक कोंइताक्नी। मारदे हना मेको इन कली मप्रोंइथु, ठीक पाइब नु रिम्शो थुं पाइश्शो इन नोले खोइक्ब मुर बाक्त। मिनु गे मेको कली इन ठेयब नु गेना हना यो दाक्तीके कोंइशो बाक्तीनी। मिनु मुलाक्ती मेको आ नोले आ नित्तीकेम वोइक्चा कली मेको कली तौ का गेतीनी। १राजा १:४८
मिनु सु सुम रागीमी आसीक पुंइनीमी, मेकोपुकी थमा सुइक्चा पुंइसीब परमप्रभु आ नेंमी आसीक ताइनीम। मिनु रागीमी सु सुमी कसम जाइनीमी, मेकोपुकीमी थमा सुइक्चा पुंइसीब परमप्रभु आ नेंमी कसम जाइनीमी। मारदे हना ङोंइती ङा श्येत नुप्शा, प्रेंने थुम्शो बाक्नीम। मिनु आं ङोंइती रे ख्रुंइसीशो बाक्नीम। यसैया १९:१८; येरमीया ४:२
तन्न सु ठेयब लेत्नीमी, मेकोपुकीम ‘गो परमप्रभु यावे कली तुइक्नुङ’ देंमल ‘मेको थमा पा परमप्रभु यावे बाक्ब, दे तुइक्नुङ, दे नें बोरपाइक्ने चाप्नीम। परमप्रभु यावेमी रागी कली शिशी पाइब, ठीक निसाफ नु ठीक पाइब बाक्ब’ देंमल। मारदे हना मेको आं दाक्शो बाक्ब, दे ग्येरसीनुङ” दे परमप्रभु यावेम देंत। १कोरिन्थी १:३१; २कोरिन्थी १०:१७
ကြော်ငြာတွေ