येरमीया 4:17 - Sunuwar Bible

¹⁷ मेकोपुकी रू खाल पाइक्‍बपुकी खोदेंशो पा, एर ओंथ नेल्‍ल हिरशा बाक्‍शो बाक्‍नीम। मारदे हना मेकेर ङा मुरपुकी आं कली काइ मटीब बाक्‍नीम” दे परमप्रभु यावेमी देंत। येरमीया १:१५; येरमीया ६:३

येरमीया 4:17 ပူးပေါင်းရင်းမြစ်များ

नेहेम्‍याह 9:26

मेको नेल्‍ल तशा यो इन देंशो मटिथु, ठेयब लेश्‍शा, इन अरेशो लोव़ मटीमे बाक्‍त। इन लोव़ पाइबपुकीमी आन कली ‘गे मरिम्‍शो पाइब बाक्‍नीनी। आं गे लेतीन’ देंमानु, मेको आन कली सदमे बाक्‍त। मिनु मेकोपुकीमी शुश शुक्‍शी पामे बाक्‍त।

नेहेम्‍याह 9:30

गे शुश बर्स सम्‍म मेको आन कली फाल्‍नी बाक्‍त। इन लोव़ पाइबपुकीमी मेको आन कली इन सोक्‍त रे पा शेंपाइक्‍नी बाक्‍त। तन्‍न मेकोपुकीमी नेंचा मबिस्‍समा बाक्‍त। मोपतीके गे मेको आन कली अर्को जात जात ङा मुर आन गुइमी गेनी बाक्‍त। येरमीया ७:२५-२६; येरमीया ४४:४-६

यसैया 1:8

सियोन आ तमी, यरूसलेम, चहिं अङगुर रू खाल पतीक खिं, वोबीस रू खाल पतीक गोठ नु एर ओंथ रे जोरी सत्रुम पुम्‍चा पुंइसीशो सहर खोदेंशो बाक्‍ब” दे लोव़ पाप्‍तु।

यसैया 30:9

मारदे हना एको मुर काइ मटीब बाक्‍नीम। थमा मसुइक्‍ब आल बाक्‍नीम। मेको आलपुकीमी परमप्रभु यावे आ शेंतीक लोव़ नेंचा मदाक्‍नीम।

येरमीया 5:23

तन्‍न मेको मुर आन थुं खकटा नु काइ मटीब बाक्‍ब। मेकोपुकी हिरशा लाम्‍तेक्‍म।

येरमीया 52:4

सिदकीयाहम सासन पवा आ ९ बर्स, १० महिना, १० नाक्‍त बेबीलोन ङा पिप नेबुकदरेसरमी आ लडाइ पाइब नेल्‍ल कुरशा, यरूसलेम नु लडाइ पथ जाक्‍त। मिनु मेकोपुकीमी सहर आ लाङगा रे पुम्‍ताक्‍म। सहर ङा गारो ङोइक्‍चा कली एर ओंथ ङोइक्‍तीक सेल्‍तेक्‍म।

बिलाप 1:18

परमप्रभु यावे ठीक पाइब बाक्‍ब। मारदे हना गो आ लोव़ काइ मटीब दुम्‍ती। तन्‍न गे जात जात ङा मुर नेल्‍ल नेनीन। आं श्‍येत कोव़ङीन। आं मीश आल नु ठिटा वोंइश आल नेल्‍ल ग्‍याइश्‍शा लाइक्‍चा पुंइसाक्‍म। येरमीया ३:४२; येरमीया ५:१६

बिलाप 1:8

यरूसलेममी ठेयब पाप पाप्‍तु। मोपतीके मेको शुक्‍शी पाइक्‍चा पुंइसाक्‍व। ङोंइती मेको कली मान पाइब नेल्‍ले मुल महिक्‍नीम। मारदे हना मेकोपुकीमी मेको कली शिश्रा ताम्‍तेक्‍म। मेको आंमान हुकयी पा आ कुल ख्रुइक्‍ब।

ब्‍यवस्‍था 9:24

गो इन कली तुइक्‍तु रेन गे परमप्रभु यावे आ लोव़ मटिथु गन गन पाइतीनी।