येरमीया 4:14 - Sunuwar Bible

¹⁴ मिनु परमप्रभु यावेम “ए यरूसलेम, गे पाप रे ब्रोंइचा तचा कली इ थुं इ परमप्रभु यावे कली मटितीके रे चिक्‍सो। गेना सम्‍म इ मरिम्‍शो मिम्‍तीक इ थुंम बाक्‍चा गेनेवे? येरमीया ६:८; यसैया १:१४

येरमीया 4:14 ပူးပေါင်းရင်းမြစ်များ

भजन संग्रह 119:113

गो थुं निक्‍शी पाइश्‍शो मुर आन कली काइ मदाक्‍नुङ। मिनु इन अरेशो लोव़ दाक्‍नुङ। भजन संग्रह ३१:७; १राजा १८:२१

भजन संग्रह 51:2

परमप्रभु, इन शिशी पतीकेमी आं मरिम्‍शो पशो नेल्‍ल मुरशा गेयीनी। मिनु आं कली पाप रे प्रोंइयीनी।

भजन संग्रह 66:18

आं थुंमी पाप बाक्‍शो हना, परमप्रभुमी आं लोव़ मनेन वा। हितोपदेस २८:९

हितोपदेस 1:22

मार लोव़ पाइब देंशा हना “गे मारेइ मजोक्‍बपुकी, गेना सम्‍म मारेइ मजोक्‍ब दुम्‍चा दाक्‍नीनी? गे शुक्‍शी पाइबपुकी, गेना सम्‍म शुक्‍शी पचा दाक्‍नीनी? गे मूर्खपुकी, गेना सम्‍म तुइक्‍तीके कली काइ मदाक्‍‍नीनी?

यसैया 55:7

परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४

येरमीया 13:27

गो पहाडीम नु रू मेर इ पशो ग्रांग्रा दिशो गेय ताता। इ मुरपुकी नु इप्‍शो, इ रेयके पशो नु इ मुने मपथु, तेल्‍लेम दुम्‍शो तशो बाक्‍नुङ। आबी आबी, यरूसलेम गे ग्रांग्रा दिशो दुम्‍नेवे। गेना सम्‍म मोदेंशो बाक्‍नेवे?” देंत।

येरमीया 17:1

परमप्रभु यावेमी “यहूदा आ पाप फलाम के मुतीकेम मुशा ब्रेक्‍शो बाक्‍ब। मेको हीरा पाइश्‍शो मुतीकेमी आन थुं नु आन चढ़ेतीक ङा ग्रोव़पुकीम मुशा ब्रेक्‍शो बाक्‍ब। २राजा २३:४-१८

येरमीया 18:11

मोपतीके गे यहूदा ङा मुर आन कली नु यरूसलेममी बाक्‍ब मुर आन कली परमप्रभु यावेम इन कली मार देंत देंशा हना ‘नेनीन, गो इन कली मरिम्‍शो पाइ‍नुङ। गो इन कली श्‍येत गे‍नुङ। मोपतीके गे इन मरिम्‍शो लां रे लेतीन। मिनु इन लां नु इन पतीके रिम्‍शो सेलीन’ देंनो। येरमीया ७:३

येरमीया 2:22

गे इ कली मार, मार, हिक्‍सी नु शुश साबुनम चिक्‍‍साक्‍वे हना यो, इ दोस ततीके लुम्‍सीशो आं ङोंइती बाक्‍ब” दे परमप्रभु, परमप्रभु यावेमी देंत।

येरमीया 6:19

रागी नेल्‍ल नेनीन। गो एको मुर आन कली ठेयब श्‍येत चाक्‍नुङ। मेको श्‍येत आन पशो आ पा ङा बाक्‍ब। मारदे हना मेकोपुकीमी आं पचा देंशो लोव़ मपामे। मिनु आं शेंशो लोव़ काइ मटीम। यसैया १:२

इजीकीएल 18:31

गे इन आं कली हेंथे पशो नेल्‍ल प्रोंइशा, गे नक थुं नु नक सोक्‍ती ताक्‍कीन। ए इस्राएल आ खिं ङा मुर, गे मारदे बेक्‍चा दाक्‍नीनी? इजीकीएल ११:१९

जकरिया 8:17

इन दातेमी थुंम मिम्‍शा, मरिम्‍शो मपमुने। जोल पा कसम मजने। मारदे हना मेको नेल्‍ल गो ग्रांग्रा दी‍नुङ” दे परमप्रभु यावेमी देंत। जकरिया ७:१०

मत्ती 12:33

ब्रोव़शो फल सिप्‍ब रवा ख्रुम्‍तीनी हना, ब्रोव़शो फल सिप्‍ब। मब्रोव़शो फल सिप्‍ब रवा ख्रुम्‍तीनी हना, मब्रोव़शो फल सिप्‍ब। फल थाम्‍शा रिम्‍शो रवा बाक्‍म, दे मरिम्‍शो रवा बाक्‍म मेको तुंइसीब। मत्ती ७:१६-१८

लूका 11:39

मिनु प्रभु येसुमी मेको कली “गे फरिसीपुकी बोस शेक्‍तीनीनु, आ तार ला शेक्‍नीनी। आगा मशेक्‍नीनी। मेको खोदेंशो पा इन थुंमी रोइक्‍तीके नु परमप्रभु कली मटितीकेमी ब्रीशो बाक्‍ब।

यूहन्‍ना 13:9

मिनु सिमोन पत्रुसमी “प्रभु, आं खोइल ला ममाइ, आं गुइ पिया यो चिक्‍तीनी” देंत।

प्रेरित 8:22

गे ओदेंशो मरिम्‍शो थुं पचा प्रोंइशा, इ थुं परमप्रभु यावे गे लेत्‍तो। मिनु परमप्रभुमी इ पाप क्‍याम्‍शा गेबा कों? दे पुनो।

रोमी 1:21

परमप्रभु यावे नेल्‍ल क्‍येङा ठेयब बाक्‍ब, दे तुइश्‍शा यो ठेयब मसेलेम। परमप्रभु यावे कली “गे रिम्‍शो पाइतीनी” दे यो मदेंम। तन्‍न आन मिम्‍तीकेमी दूली पना पन बाक्‍तेक्‍म। मिनु आन मरुप्‍ब थुं क्‍येङा मरुप्‍ब दुम्‍त। एफिसी ४:१८

१ कोरिन्‍थी 3:20

लेंशा “प्रभुमी एको रागी ङा जोक्‍ब तुइक्‍ब आन मिम्‍शो जाम्‍शा लाइब, दे तुइक्‍ब” दे यो ब्रेक्‍शो बाक्‍ब। भजन संग्रह ९४:११

याकूब 4:8

परमप्रभु यावे आ नेक्‍था लने। मो पाइतीनी हना, मेको इन नेक्‍था जाक्‍ब। गे पापीपुकी “आंइ पाप क्‍याम्‍दीने” देंशा, माफ पुनीने। थुं निक्‍शी पाइश्‍शो मुरपुकी, इन थुं परमप्रभु यावे गे लेश्‍शा, थुं का दुमीने। जकरिया १:३; यसैया १:१६