येरमीया 4:1 - Sunuwar Bible1 परमप्रभु यावेम “गे इस्राएलीपुकी, आं गे लेश्शा जाक्तीनी हना, गेपुकीम इन ग्रांग्रा दिशो थोव़क आं ङोंइती रे ताइक्ताक्नी हना, गेपुकी हेंथे मगाक्ब दुम्नीनी। အခန်းကိုကြည့်ပါ။ |
येरमीया 4:1
38 ပူးပေါင်းရင်းမြစ်များ
मिनु पिपमी यरूसलेम आ पूर्ब गे बाक्शो डांडा ङा थान ग्रांग्रा दिशो सेल्पदा बाक्त। मेको खतम सेल्ब डांडा आ दक्खिन गे बाक्माक्त। मिनु मेकेर पिप सोलोमनमी सीदोनी आन ग्रांग्रा दिशो अश्तोरेथ देवी आ मूर्ति, मोआब ङा ग्रांग्रा दिशो देवता केमोश आ मूर्ति नु अम्मोनी आन ग्रांग्रा दिशो देवता मोलेक आ मूर्ति आन थान सेल्पाइश्शो बाक्माक्त। मिनु योसीयाहमी मेको आ सेल्शो पूजा पतीक थान प्रेश्शा ग्रांग्रा दिशो सेल्पदा बाक्त।मेको मोलेक देवता कली मिल्कोम यो देंशो बाक्त। १राजा ११:७
मिनु आसाम परमप्रभु यावे आ लोव़ पाइब ओदेद आ तौ अजारयाह आ लोव़ नेंशा, आ थुं बारपदा बाक्त। मिनु यहूदा, बेन्यामीन नु सहर नेल्लेमी नु आ ग्राशो एफ्राइम ङा पहाड रागी ङा सहरपुकीम बाक्शो ग्रांग्रा दिचा ङा मूर्ति नेल्ल लाइश्शा, खतम पोक्गा बाक्त। मिनु परमप्रभु यावे आ खिं ङा पिंडी आ ङोंइती बाक्शो परमप्रभु यावे कली चढ़ेतीक यो लेंशा सेल्पदा बाक्त।
मिनु परमप्रभु यावेमी “वोंइश मुरुमी आ मीश कली प्रोंइशा, छोड पत्र गेप्तु हना, मेको मीश मुर अर्को वोंइश मुर आ मीश दुम्त हना, मेको वोंइश मुरुम लेंशा आ मीश कली चाक्बा कों? मो दुम्त हना मेको रागी ग्रांग्रा दिशो मदुम्बा ङा? गे चहिं तेल्लेम का खोदेंशो पा शुश आन बाक्तीके जाक्दीश्शो बाक्ते। मिनु मार, गे आं गे लेश्शा जाक्नेवे?” दे परमप्रभु यावेमी देंत। ब्यवस्था २४:१-४
गो इन कली आं गेय नु आं लोव़ पाइब आन कली सोइक्ना सोइक्न बाक्ती। मेकोपुकीमी इन कली ‘गे नेल्ल इन मरिम्शो लां रे लेतीन। मिनु इन मरिम्शो गेय रिम्शो सेलीन। मिनु देवी देवता आन कली पूजा पचा नु आन नोले खोइक्चा प्रोनीन। मिनु गे इन किकी पिपी आन कली गेशो रागीम बाक्चा ताइनीनी’ देंती। तन्न गेपुकीम आं देंशो लोव़ मनेंनी नु मटिनी। मत्ती २३:३७
परमप्रभु यावे आ पर्बम ख्रोइक्तीक चिनु ख्रोंइसीन। तन्न इन थुंम ख्रोइक्तीक चिनु ख्रोंइसीन। गे यहूदा ङा मुरपुकी नु यरूसलेममी बाक्ब वोंइशमुरपुकी, मो मपाइतीनी हना, इन मरिम्शो पतीके आं गाइक्चा मी खोदेंशो पा ब्रशा ग्रूब। मिनु सुइम काप्ने मचाप्चा ङा पा मेकोमी जेप्ब” देंत। येरमीया ९:२५; ब्यवस्था १०:१६; रोमी २:२९; कलस्सी २:११; येरमीया ६:७,१०
साइ ङा आं लोव़ पाइबपुकीमी इन किकी पिपी आन कली लोव़ पाम्तेक्म। मेकोपुकीमी मुर नेल्ल आन परमप्रभु यावेमी इन कली मार लोव़ पाप्तु देंशा हना इन मरिम्शो लां रे नु इन मरिम्शो पतीके रे परमप्रभु आ लां गे लेतीन, दे लोव़ पाम्तेक्म। तन्न इन किकी पिपीमी आं लोव़ मनेंथु मटीम। गेपुकी मेको आन खोदेंशो मपने। येरमीया ३:१२; इजीकीएल ३३:११
मिनु सामुएलमी इस्राएली नेल्ल आन कली “गे इन थुं नेल्लेमी परमप्रभु यावे गे लेत्चा दाक्ताक्नी हना, इन दाते रे अर्को रागी ङा देवी देवता नु अश्तारोथ माइश्शो मूर्ति पाइश्शो थाम नेल्ल ग्रुंइदीन। मिनु इन थुं नेल्लेमी परमप्रभु यावे कली ला ठेयब सेलीने। मिनु मेकोम इन कली पलिस्ती आन गुइ रे प्रोंइब” देंमाक्त। उत्पत्ती ३५:२; यहोसु २४:२३
ကြော်ငြာတွေ