येरमीया 39:9 - Sunuwar Bible

⁹ मिनु पिप कली कोव़ब आन कप्‍तानम नेबुजरादानमी सहरमी प्रोंइचा पुंइसीशो लीशो मुरपुकी, मेको आन बाक्‍तीक प्रोक्‍शा जाक्‍ब नु अरु लीशो मुर आन कली फ्रेंशा बेबीलोन लाइक्‍तीमी।

येरमीया 39:9 ပူးပေါင်းရင်းမြစ်များ

उत्पत्ती 37:36

मिनु मेको मिदयान ङा मुरपुकीमी योसेफ कली इजीप्‍त रागी ङा फाराओ आ नेल्‍ल क्‍येङा ठेयब गेय पाइब पोतीफर कली लेयङमे बाक्‍त।

२ राजा 20:18

मेकोपुकीम इन तौ का निक्‍शी यो लाइक्‍नीम। मिनु मेकोपुकी बेबीलोन ङा पिप आ दरवारमी गेय पाइब दुम्‍नीम’ दे परमप्रभु यावे देंत” देंमाक्‍त। दानीएल १:३-४

२ राजा 25:11

मेको पिप कली खाल पाइब आन ठेयब मुर नेबुजरादानमी सहरम प्रोंइचा पुंइसीशो मुर नु अरु बेबीलोन ङा पिप कली जिम्‍मा गेंसीशो मुर आन कली ग्‍याइश्‍शा बेबीलोन लाइक्‍मी बाक्‍त।

२ राजा 25:20

मेको पिप कली खाल पाइब आन ठेयब मुर नेबुजरादानमी मेको आन कली बेबीलोन ङा पिप आ बाक्‍तीक रिब्‍ला सहरम चाक्‍मी बाक्‍त।

यसैया 5:13

मोपतीके आं मुर मारेइ मतुइक्‍थु आन रागी रे ग्‍याइश्‍शा लाइक्‍चा पुंइसीनीम। मेको आन ठेयब मुरपुकी शोव़लुम बेक्‍नीम। आन हुल शुश ब्‍वाक्‍कु तूतू दाक्‍नीम।

येरमीया 10:18

मारदे हना परमप्रभु यावेम “गो मेको रागी ङा मुर आन कली ताइक्‍नुङमी। मेको आन कली शुश श्‍येत गेनुङमी। मिनु मेकोपुकीम तुइक्‍नीम” देंत।

येरमीया 16:13

मोपतीके गो इन कली इन मतुइश्‍शो रागी नु इन किकी पिपी आन मतुइश्‍शो रागीम ताइक्‍नन्‍नी। मिनु गेपुकीम मेकेर नाक्‍दो नाक्‍ती देवी देवता आन कली पूजा पाइनीनी। मारदे हना गो इन कली शिशी मपाइ‍नुङ’ देनो” दे परमप्रभुमी आं कली देंत। ब्‍यवस्‍था २८:६४

येरमीया 24:8

तन्‍न गो मेको जचान मदुम्‍चा ङा काइ मदारशो फोव़शी गेडा खोदेंशो पा यहूदा ङा पिप सिदकीयाह, मेको आ सरकार ङा गेय पाइब, यरूसलेम ङा लीशो मुरपुकी नु इजीप्‍त रागीमी बाक्‍ब आन कली मरिम्‍शो पाइनुङ। २राजा २४:१७-२०; ब्‍यवस्‍था २:३१; येरमीया २९:१६-१९

येरमीया 38:19

मिनु पिप सिदकीयाहम येरमीया कली “कल्‍दी आन बाक्‍तीकेम प्रोक्‍शा लशो यहूदीपुकी तशा, गो हिंशो बाक्‍नुङ। मारदे हना कल्‍दीपुकीम आं कली मेको आन गुइम जिम्‍मा गेतीमी हना, मेकोपुकीमी आं कली मरिम्‍शो पाइक्‍नीम” देंत।

येरमीया 40:1

मिनु पिप कली कोव़ब आन कप्‍तान नेबुजरादानमी, येरमीया कली साङलोमी फ्रेंशा यरूसलेम नु यहूदा ङा फ्रेंशो मुरपुकी नु बेबीलोन लाइक्‍चा चिक्‍शो थिदा बाक्‍त। मिनु येरमीयामी रामाह प्रोना नोले परमप्रभु यावेमी मेको कली लोव़ पाप्‍तु। येरमीया ३९:११-१४

येरमीया 40:7

मिनु लडाइ पाइब आन ठेयब मुर नेल्‍ल नु आन मुरपुकीमी “बेबीलोन ङा पिपमी अहीकाम आ तौ गेदाल्‍याह कली मेको रागी ङा हुकुम पाइब सेल्‍तु। मिनु मेको रागी ङा नेल्‍ल आन क्‍येङा प्रुङग मीश मुर, आल नु प्रुङग मुर आन कली फ्रेंशा बेबीलोन मलाइश्‍शो मेको गेदाल्‍याह नु बाक्‍नीम” देंशो नेंतेक्‍म। २राजा २५:२२-२४

येरमीया 52:26

मिनु मेको पिप कली खाल पाइब कप्‍तान नेबुजरादानमी मेको आन कली लाइश्‍शा रिब्‍लामी बेबीलोन ङा पिप आ बाक्‍तीकेम चाक्‍तीमी।

येरमीया 52:27

मिनु बेबीलोन ङा पिपम मेको आन कली हमाथ रागी रिब्‍ला सहरम साइक्‍तु। मोपा मेकोपुकी यहूदा आ रागी रे ग्‍याइश्‍शा लाइक्‍चा पुंइसाक्‍म।

दानीएल 2:14

मिनु दानीएलमी मेको नेंशा, शुश मिम्‍शा, पिप आ साइक्‍तीक गेय पाइब अरयोक नु लोव़ पाप्‍तु। मेको बेबीलोन ङा जोक्‍ब तुइक्‍ब मुर आन कली साइक्‍चा कली लशो बाक्‍त। दानीएल १:२०

लेवी 26:33

गो इन कली रागी रागी ङा मुर आन दातेमी ब्रपाइक्‍नुङ। मिनु लडाइ तोपाइश्‍शा, इन कली खेदा पपाइक्‍नुङ। मिनु इन रागी श्‍येत्‍थ नु इन सहरपुकी गोरशो सेल्‍नुङ।

ब्‍यवस्‍था 4:27

मिनु परमप्रभु यावेमी इन कली जात जात ङा मुर आन दातेमी ब्रपाइक्‍ब। मिनु परमप्रभु यावेमी इन कली कोंइशो रागी रागी आन दातेमी इच्‍का ला लीनीनी।