येरमीया 39:18 - Sunuwar Bible

¹⁸ परमप्रभु यावेमी ‘गो इ कली थमा पा प्रोंइनन। गे तरवारम साइक्‍चा मपुंइसीनेवे। गे लडाइ रे इ गिंम प्रोंइशा प्रोक्‍नेवे। मारदे हना गे आं कली थमा सुइश्‍शो बाक्‍नेवे देंशो बाक्‍ब’ दे मतो” दे परमप्रभु यावेमी देंत।

येरमीया 39:18 ပူးပေါင်းရင်းမြစ်များ

१ इतिहास 5:20

मेकोपुकीमी लडाइम परमप्रभु कली “वारच पाइक्‍की” दे पुंइतीके, मेको आन जोरी सत्रु हाग्री नु अरु सु बाक्‍तेक्‍म हना यो, आन गुइमी गेवा बाक्‍त। मारदे हना मेकोपुकीमी थमा सुदमे बाक्‍त।

अय्‍युब 5:20

मेकोमी अन्‍काल दुम्‍मेनु, इन कली बेक्‍चा रे प्रोंइब। मिनु लडाइ दुम्‍मेनु, तरवार रे प्रोंइब।

भजन संग्रह 147:11

तन्‍न परमप्रभु यावेमी आ कली मान पा हिंब नु आ गेना हना यो दाक्‍तीके कली रिम्‍ब आन कली दाक्‍ब।

भजन संग्रह 2:12

मिनु आ तौ आ ङोंइती बाप्‍शा, आ खोइल पुक्‍पु पने। मेको गाइक्‍ताक्‍व हना, गेपुकी लांमीन जाम्‍शा लाइनीनी। मो मपाइतीनी हना, गाइक्‍चा चिक्‍शो बाक्‍ब। सु सु मेको कली थमा सुइश्‍शा, आ नेक्‍था लाइनीमी, मेको ग्‍येरसीशो मुर दुम्‍‍नीमी।

भजन संग्रह 33:18

परमप्रभु यावेमी आ कली मान पा हिंब नु आ गेना हना यो दाक्‍तीक कली रिम्‍ब आन कली कोव़ब।

भजन संग्रह 34:22

परमप्रभु यावेमी आ गेय पाइब आन कली श्‍येत रे प्रोंइब। मेको कली जिम्‍मा गेंसीबपुकी दोस मतथु, काइ सजाइ मताइनीम।

भजन संग्रह 37:3

परमप्रभु यावे कली जिम्‍मा गेंसीशा, रिम्‍शो पने। रागीम रिम्‍शो दुम्‍शा बाक्‍चा ताइनीनी।

भजन संग्रह 84:12

मुर नेल्‍ल आन परमप्रभु यावे, इन कली जिम्‍मा गेंसीशो थमा सुइक्‍बपुकी ग्‍येरसीशो बाक्‍नीम” देंती।

भजन संग्रह 91:7

मिनु हजार का जना मुर इ ङोंइती साइक्‍चा पुंइसीनीम। मिनु इ ग्‍युरा गे १० हजार मुर साइक्‍चा पुंइसाक्‍म हना यो, गे साइक्‍चा मपुंइसीनेवे।

यसैया 26:3

गे ग्‍येत्‍थ लुक्‍च मदुम्‍ब थुं पाइश्‍शो मुर आन कली थुं नाइक्‍चा गेनीनी। मारदे हना मेकोपुकी इन कली थमा सुइक्‍ब बाक्‍नीम।

येरमीया 21:9

मेको सहरम बाक्‍ब मुर तरवार, अन्‍काल नु मुर बेक्‍तीक रोइम बेक्‍चा माल्‍नीम। तन्‍न सु लाङगा ग्रूशा, इन कली पुम्‍ब कल्‍दी आन कली जिम्‍मा गेंसीबा, मेको ब्रोंइब। मेकोम आ सोक्‍त ला प्रोंइब। येरमीया ३८:२

येरमीया 38:2

परमप्रभु यावेम “सु सु एको सहरमी बाक्‍नीमी, मेकोपुकी तरवार, अन्‍काल नु मुर बेक्‍तीक रोइम बेक्‍नीम। तन्‍न सु सु गुइ पोक्‍शा, कल्‍दी आन बाक्‍तीके जाक्‍दीत्‍नीमी, मेकोपुकी चहिं ब्रोंइनीम। मेको आन गिंम प्रोंइशा लडाइ रे ब्रोंइनीम” देंशो बाक्‍त। येरमीया २१:९

रोमी 2:12

परमप्रभु यावे आ अरेशो लोव़ मतुइक्‍थु, पाप पाइबपुकी मेको आन मतुइश्‍शोमीन जाम्‍शा लाइनीम। परमप्रभु यावे आ अरेशो लोव़ तुइश्‍शा यो पाप पाइबपुकी मेको लोव़मीन निसाफ प‍चा पुंइसीनीम।

एफिसी 1:12

गोपुकी ङोंइती “ख्रीस्‍तमी आंइ कली मरिम्‍शो रे प्रोंइब” दे आस पाइतक। मोपतीके परमप्रभु यावेमी आंइ कली “आ सक्ति ठेयब बाक्‍ब” दे ब्रोंइचा गेचा कली योव़तीकी।

१ पत्रुस 1:21

गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।