येरमीया 39:1 - Sunuwar Bible

¹ यहूदा ङा पिप सिदकीयाहम सासन पवा आ ९ बर्स १० महिनाम बेबीलोन ङा पिप नेबुकदरेसर नु मेको आ लडाइ पाइब नेल्‍ल जाक्‍शा, यरूसलेम कली लडाइ तोशा एर ओंथ नेल्‍ल रे पुम्‍ताक्‍म। येरमीया ५२:४-१६; २राजा २५:१-१२

येरमीया 39:1 ပူးပေါင်းရင်းမြစ်များ

२ इतिहास 36:17

मिनु परमप्रभुम मेको आन कली लडाइ तोपाइक्‍चा कली कल्‍दी आन पिप कली चाक्‍गा बाक्‍त। मिनु मेकोपुकीमी मेको आन आल आन कली परमप्रभु यावे आ बाक्‍तीक खिंम तरवारम क्‍योरशा सदमे बाक्‍त। मेकोपुकीमी वोंइश आल नु मीश आल आन कली, खाल्‍पा नु खूशो आन कली काइ शिशी मपामे बाक्‍त। परमप्रभुम मेको नेल्‍ल आन कली पिप नेबुकदनेसर आ गुइमी गेमी बाक्‍त।

येरमीया 32:1

परमप्रभु यावेम येरमीया कली लोव़ पाप्‍तु। मेना यहूदा ङा पिप सिदकीयाहम सासन पशो १० बर्स दुम्‍मेनु, नेबुकदरेसर आ सासन पशो १८ बर्स दुम्‍शो बाक्‍त।

येरमीया 34:1

परमप्रभु यावेम येरमीया कली बेबीलोन ङा पिप नेबुकदरेसर, मेको आ लडाइ पाइब नेल्‍ल, रागी ङा राज्‍य नेल्‍ल नु मेको आ सासन पशो रागी ङा मुर नेल्‍लेम यरूसलेम नु आ एर ओंथ ङा सहर नेल्‍ल आन कली लडाइ तोम्‍तेक्‍म। मेना इस्राएली आन परमप्रभु यावेमी येरमीया आं कली लोव़ पाप्‍तु। येरमीया ५२:४; २राजा २५:१-२

येरमीया 34:22

परमप्रभु यावेमी “गो मेको आन कली अरेनुङमी। मिनु गो मेको आन कली एको सहरमी लेश्‍शा चाक्‍नुङमी। मेकोपुकीमी एको सहर नु लडाइ पा ग्रानीम। मिनु एको कली क्रोइक्‍नीम। मिनु गो यहूदा ङा सहर कली मुर मबाक्‍शो सेल्‍नुङ” देंत। येरमीया ३७:८

येरमीया 42:18

मुर नेल्‍ल आन परमप्रभु यावे, इस्राएली आन परमप्रभुम “दोपा आं गाइश्‍शो नु चुरशो यरूसलेमम बाक्‍ब मुर आन तार मोंइसे, मोपान गेपुकी इजीप्‍त लाइतीनी हना, आं चुरतीके इन तार मोंइसीब। इन श्‍येत जशो तशा मुर हिंनीम। गेपुकी सराप राइब नु शुक्‍शी पाइक्‍चा पुंइसीब दुम्‍नीनी। गेपुकीम लेंशा एको रागी गेनायो कोव़चा मताइनीनी” देंशो बाक्‍ब। येरमीया २५:९; येरमीया ४४:१२

येरमीया 52:1

सिदकीयाह पिप दुम्‍मेनु, २१ बर्स दुम्‍शो बाक्‍त। मिनु मेकोम यरूसलेममी ११ बर्स सासन पाप्‍तु। मेको आ ममा आ नें हामुतल बाक्‍त। मेको लिब्‍ना ङा येरमीया आ तमी बाक्‍त।

येरमीया 6:6

मुर नेल्‍ल आन परमप्रभु यावेम “मेको आ रवापुकी क्‍योरशा तिमीन। मिनु यरूसलेम ङा गारो ङोइक्‍तीक सेलीन। मेको सहर कली सजाइ गेचा माल्‍ब। मेको सहर मरिम्‍शो पतीकेम ब्रीशो बाक्‍ब।

इजीकीएल 33:21

गो आंइ ग्‍याइश्‍शा लाइक्‍चा पुंइसीशो १२ बर्स ङा १० महिना ५ नाक्‍त दुम्‍मेनु, यरूसलेम रे प्रोक्‍शा जाक्‍शो मुर का आं बाक्‍तीकेम जाक्‍शा “आंइ सहर ब्रुत” देंत। इजीकीएल १:२; इजीकीएल २४:२६; २राजा २५:२-४

इजीकीएल 4:3

मिनु नोले फलाम के ग्‍योंब का चाक्‍शा, सहर नु इ दातेम फलाम के गारो खोदेंशो पा वोतो। मिनु गे सहर गे कोव़ङो। मिनु मेको सहर कली पुम्‍शो सेल्‍शा कोंइदो। शुश पुम्‍शो कोंइदो। मेको इस्राएली आन खिं ङा मुर आन कली चिन्‍ड का दुम्‍ब।

इजीकीएल 40:1

गोपुकी ग्‍याइश्‍शा लाइक्‍चा पुंइसीशो २५ बर्स दुम्‍मेनु, ङोंइती ङा महिना ङा १० नाक्‍त बाक्‍त। मेना यरूसलेम सहर फ्रुचा पुंइसीशो १४ बर्स दुम्‍शो बाक्‍त। मेको नाक्‍तीन परमप्रभु यावेमी आं कली थिती। मिनु मेकोम आं कली मेकेर लाइक्‍ती। इजीकीएल १:३

इजीकीएल 5:2

मिनु मेको चां के भाग का सहर पुम्‍चा नुप्‍ची ना सहरम चोवो। मिनु अर्को भाग तरवारम सहर आ एर ओंथ फ्रावो। मिनु नोले ङा भाग फशेम बेरपतो। मारदे हना गो मेको आन कली तरवारम खेदा पाइनुङमी। इजीकीएल ५:२

जकरिया 8:19

मिनु मेकोमी मार देंत देंशा हना “४ महिना ङा माइजा बाक्‍तीक, ५, ७ नु १० महिना ङा माइजा बाक्‍तीके, मुल रे यहूदा ङा मुर ग्येरशा सोम्शा पतीक नाक्‍त दुम्‍चा माल्‍नीम। मेको ग्‍येरशा बाक्‍तीक चाड दुम्‍चा माल्‍नीम। मोपतीके गे थमा लोव़ पचा नु थुं नाइक्‍चा दाक्‍तीन” दे मुर नेल्‍ल आन परमप्रभु यावेमी देंत। जकरिया ७:३,५

ब्‍यवस्‍था 28:36

मिनु परमप्रभु यावेमी इन कली नु इन योव़शो पिप कली, गेपुकी नु इन किकी पिपी यो मतुइश्‍शो जात ङा मुर आन रागी कोंइब। मिनु गेपुकीमी मेकेर रे शी नु फुल्‍लु के देवी देवता आन कली गेय पाइ‍नीनी। ब्‍यवस्‍था ४:२८