येरमीया 38:6 - Sunuwar Bible

⁶ मोपतीके मेकोपुकीमी येरमीया कली लाइश्‍शा, पिप आ तौ माल्‍कीयाह आ इनारम तोक्‍तेक्‍म। मेको इनार पिप आ दरवार खाल पाइब आ लाङगाम बाक्‍त। मिनु मेकेर डोरीम फ्रेंशा इनारम तोक्‍तेक्‍म। मेको इनारमी ब्‍वाक्‍कु मबाक्‍माक्‍त। हिलो ला बाक्‍माक्‍त। मिनु येरमीया मेको हिलोम ग्रुम्‍‍त।

येरमीया 38:6 ပူးပေါင်းရင်းမြစ်များ

उत्पत्ती 37:24

मिनु लेख ङा ढोडोङगा कामी पिक्‍गमे बाक्‍त। मेको ढोडोङगाम ब्‍वाक्‍कु मबाक्‍शो बाक्‍माक्‍त।

भजन संग्रह 109:5

मोपा मेकोपुकीमी आं रिम्‍शो पाइश्‍शो आ पा ङा मरिम्‍शो पाइनीम। आं दाक्‍शो आ पा ङा आं कली काइ मदाक्‍नीम।

भजन संग्रह 40:2

मेकोमी आं कली ग्रांग्रा दिचा ङा हिलोम बिक्‍शा बेक्‍तीक रे ग्रुंइताक्‍यी। मिनु आं कली सेरथे फुल्‍लु का तार राप्‍पाइक्‍ती। मिनु महिम्‍सीचा ङा पा नाइक्‍पाइक्‍ती।

भजन संग्रह 69:2

गो थेक्‍‍तीक मबाक्‍शो हिलो आगाम ग्रुम्‍ना ग्रुम्‍न बाक्‍नुङ। शुश लुक्‍च लशो ब्‍वाक्‍कुमी ग्रुम्‍ना ग्रुम्‍न बाक्‍नुङ। आं एर ओंथ ब्‍वाक्‍कु ला बाक्‍ब।

येरमीया 32:2

मेना बेबीलोन ङा पिप आ लडाइ पाइबपुकीम यरूसलेम पुम्‍ताक्‍म। परमप्रभु यावे आ लोव़ पाइब येरमीया चहिं यहूदा ङा पिप आ दरवार खाल पाइब मुर आ जेल्‍खानम बाक्‍त। मेको यहूदा ङा पिप आ लाङगाम बाक्‍त। २राजा २५:१-२

येरमीया 36:26

मेको आ पा ङा पिपमी आ तौ येराहमेल, अज्रीएल आ तौ सेरायाह नु अब्‍देल आ तौ शेलेम्‍याह आन कली मेको ब्रेक्‍ब बारुक नु परमप्रभु यावे आ लोव़ पाइब येरमीया कली फ्रेंशा चाक्‍चा नस, दे हुकुम गेम्‍तीमी। तन्‍न परमप्रभु यावेम मेको आस कली ख्रुइक्‍ने थुम्‍शो बाक्‍त।

येरमीया 37:16

मेकोपुकीमी येरमीया कली जेल्‍खानम चोक्‍तेक्‍म। मिनु येरमीया थम छिङछिङम शुश नाक्‍त सम्‍म बाक्‍त।

येरमीया 37:21

मिनु पिप सिदकीयाह आ हुकुममी येरमीया पिप आ दरवार खाल पाइब मुर आ जेल्‍खानम वोइक्‍चा पुंइसाक्‍व। मिनु सहर ङा शोब्‍ले चोतीक रे मनुम्म सम्‍म, नाक्‍त किंत किंत मेको कली शोब्‍ले चाक्‍शा गेम्‍तेक्‍म। मोपा येरमीया पिप आ दरवार खाल पाइब आ जेल्‍खान ङा लाङगाम बाक्‍त। येरमीया ३२:२

येरमीया 38:13

मिनु मेकोपुकीमी डोरीम येरमीया कली इनार रे ग्रुंइताक्‍मे। मेको नोले येरमीया पिप आ दरवार खाल पाइब मुर आ जेल्‍खान ङा लाङगाम बाक्‍त।

येरमीया 38:22

यहूदा ङा पिप आ दरवारम प्रोंइसीशो मीश मुर नेल्‍ल बेबीलोन ङा पिप आ ठेयब मुर आन बाक्‍तीके लाइक्‍नीम। मिनु मेको मीश मुरपुकीम इन कली ‘इन थमा सुइश्‍शो इन वारचपुकीम इन कली जोल पाम्‍तेक्‍म। मुल इन खोइली हिलोम ग्रुम्‍शो बाक्‍ब। इन वारचपुकीम इन कली प्रोंइशो बाक्‍नीम’ देंनीम।

दानीएल 6:16

मिनु नोले पिपमी “दानीएल कली चाक्‍कीन। मिनु गुप्‍स आन कली वोइक्‍तीकेमी तोक्‍कीन” दे हुकुम पाप्‍तु। मिनु मेकोपुकीम दानीएल कली गुप्‍स आन बाक्‍तीकेम तोक्‍तेक्‍म। मिनु पिपमी दानीएल कली “इ मप्रोंइथु, ठेयब सेल्‍शो परमप्रभुमी इ कली प्रोनल” देंत। दानीएल ३:१५

जकरिया 9:11

गे नु पशो आं हुश आ कबलम पतीके इ चोक्‍चा पुंइसीशो मुर आन कली ब्‍‍वाक्‍कु मबाक्‍शो खाल्‍टा रे ग्रुंइ‍नुङमी। प्रस्‍थान २४:८; उत्‍पत्ती ३७:२४

प्रेरित 16:24

मिनु मेकोमी मेको आस कली नेल्‍ल क्‍येङा आगा ङा कोठा लाइश्‍शा, ठेंङरो थोक्‍शा वोइक्‍पदा बाक्‍त।

हिब्रू 10:36

गे फाल्‍तीक सक्ति माल्‍नीनी। परमप्रभु यावे आ दाक्‍शो गेय पना पन बाक्‍कीन। मिनु आ गेनुङ देंशो थोव़क ताइनीनी। लूका २१:१९; याकूब ५:७