येरमीया 38:22 - Sunuwar Bible

²² यहूदा ङा पिप आ दरवारम प्रोंइसीशो मीश मुर नेल्‍ल बेबीलोन ङा पिप आ ठेयब मुर आन बाक्‍तीके लाइक्‍नीम। मिनु मेको मीश मुरपुकीम इन कली ‘इन थमा सुइश्‍शो इन वारचपुकीम इन कली जोल पाम्‍तेक्‍म। मुल इन खोइली हिलोम ग्रुम्‍शो बाक्‍ब। इन वारचपुकीम इन कली प्रोंइशो बाक्‍नीम’ देंनीम।

येरमीया 38:22 ပူးပေါင်းရင်းမြစ်များ

अय्‍युब 6:15

आं लोक्‍बपुकी बारशा यीब खोला खोदेंशो बाक्‍नीम। सोव़शो खोला खोदेंशो बाक्‍नीम। भजन संग्रह ३८:१२

भजन संग्रह 41:9

गो आं नेक्‍था ङा वारच, आं शोब्‍ले जाइबमी यो, आं कली ताइक्‍चा कली आ खोइल क्‍युक्‍तु।

भजन संग्रह 69:14

आं कली हिलोमी ग्रुम्‍तीक रे प्रोंइयीनी। आं कली ग्रुम्‍चा मगेयीनी। आं कली काइ मदाक्‍बपुकी रे प्रोंइयीनी। मेको बारशो ब्‍वाक्‍कु रे प्रोंइयीनी।

भजन संग्रह 69:2

गो थेक्‍‍तीक मबाक्‍शो हिलो आगाम ग्रुम्‍ना ग्रुम्‍न बाक्‍नुङ। शुश लुक्‍च लशो ब्‍वाक्‍कुमी ग्रुम्‍ना ग्रुम्‍न बाक्‍नुङ। आं एर ओंथ ब्‍वाक्‍कु ला बाक्‍ब।

यसैया 42:17

मुशा सेल्‍शो मूर्ति नु चेम्‍शा सेल्‍शो मूर्ति आन कली थमा सुइश्‍शा ‘गे आं देवी देवता बाक्‍नीनी’ देंबपुकी गिम्‍सीशा, मुने दोक्‍नीम” देंत।

येरमीया 13:21

गेमी आंम मुर सेल्‍चा कली इ लेम्‍शो मुर आन कली परमप्रभु यावेम इ कली हुकुम पाइब सेल्‍ब। मिनु गे मार, देंनेवे? मार, सुत्‍केरी दुम्‍चशो मीश मुर खोदेंशो पा, इ कली श्‍येत मदुम्‍बा ङा?

येरमीया 20:10

गो शुश मुरपुकीम नोफा मुइक्मुशा लोव़ पशो नेंता। मेकोपुकीमी ‘एर ओंथ नेल्‍ल हिंचा ङा श्‍येत बाक्‍ब। येरमीया कली दोस गेय। मेको आ पर्बम उजुर पय’ देंनीम। आं नेक्‍था ङा वारच नेल्‍लेमी ‘गेना दाइल पांइसीबा’ दे आं कली कोव़नीम। मिनु लेंशा ‘गो मेको आ पर्बम लोव़ पा मेको कली ग्राने चाप्‍नीकी। गो मेको क्‍येङा ग्राशा क्‍येक्‍क लेत्‍नय’ देंतेक्‍म” देंत। येरमीया २०:३; येरमीया १८:१८

येरमीया 27:14

गेपुकीम ‘बेबीलोन ङा पिप आ वाइल दुम्‍चा ममाल्‍नीनी देंब जोल पा परमप्रभु यावे आ लोव़ पाइब आन लोव़ मनेनीन। मारदे हना मेकोपुकीमी इन कली जोल पना पन बाक्‍नीम’ देंनीनी। येरमीया १४:१४

येरमीया 27:15

परमप्रभु यावेम ‘गो मेको आन कली मसोइक्‍तुमी। तन्‍न मेकोपुकीम आं नेंम जोल पा लोव़ पाइनीम। मेको आन लोव़ नेंतीनी हना, गो इन कली एको रागी रे खेरनन्‍नी। मिनु गे बेक्‍नीनी। गेपुकी नु इन कली जोल पा लोव़ पाइब मो दुम्‍नीनी’ देंती” देंत।

येरमीया 38:19

मिनु पिप सिदकीयाहम येरमीया कली “कल्‍दी आन बाक्‍तीकेम प्रोक्‍शा लशो यहूदीपुकी तशा, गो हिंशो बाक्‍नुङ। मारदे हना कल्‍दीपुकीम आं कली मेको आन गुइम जिम्‍मा गेतीमी हना, मेकोपुकीमी आं कली मरिम्‍शो पाइक्‍नीम” देंत।

येरमीया 38:21

तन्‍न गे मेको आन गुइम जिम्‍मा गेंसीने मबिस्‍साक्‍नी हना, परमप्रभु यावेम आं कली कोंइशो एकोन बाक्‍ब।

येरमीया 41:10

मेको नोले इश्‍माएलमी, मिस्‍पाम बाक्‍शो लीशो मुर नेल्‍ल, पिप आ तमीपुकी नु अरु मुर नेल्‍ल आन कली ग्‍याइक्‍ताक्‍मी। मेको आन कली पिप कली कोव़ब आन कप्‍तान नेबुजरादानमी अहीकाम आ तौ गेदाल्‍याह आ गुइम गेशो बाक्‍त। मिनु नेथन्‍याह आ तौ इश्‍माएलम मेको नेल्‍ल आन कली ग्‍याइश्‍शा खोला आइक्‍ची हांबु अम्‍मोनी आन रागीम लाइक्‍चा कली गाक्‍त।

येरमीया 43:6

मेकोपुकीम पिप कली कोव़ब आन कप्‍तान नेबुजरादानमी शाफान आ चच अहीकाम आ तौ गेदाल्‍याह आ गुइम गेशो, मीश मुरपुकी, वोंइश मुरपुकी, आल ब्रेप्‍चपुकी, पिप आ तमीपुकी, येरमीया नु नेरीयाह आ तौ बारुक कली यो लाइक्‍तेक्‍म।

येरमीया 46:21

मेको आ गाल्‍च ताक्‍शा लडाइ पाइबपुकी यो दोम्‍शो बाछा खोदेंशो बाक्‍नीम। मेको यो नेल्‍ल हिरशा लशा काथा प्रोक्‍तेक्‍म। मेको राप्‍शा मदिक्‍नीम। मारदे हना मेको आन हिंचा ङा श्‍येत जतीक नाक्‍ती जाक्‍शो बाक्‍ब। मेको आन सजाइ तची ना जाक्‍त।

येरमीया 46:5

गो मारदे मेको आन कली हिंशो तङमी? मेकोपुकी नोले शोंइसीशो बाक्‍नीम। मेको आन लडाइ पाइबपुकी आन थुं लुक्‍च लत। मेकोपुकी रीब पा प्रोक्‍तेक्‍म। मेकोपुकीमी नोले लेश्‍शा मकोव़नीम। तेइ तेइ हिंतीकेइ हिंतीके बाक्‍ब” दे परमप्रभु यावेम देंत। येरमीया २०:३

येरमीया 6:12

मारदे हना गो आं गुइ मेको रागीम बाक्‍ब आन तार दिंनुङ, मेको आन खिं अर्को आन के दुम्‍नीम। आन रू नु आन मीश यो अरु आन के दुम्‍नीम” दे परमप्रभु यावेम देंत।

येरमीया 8:10

मोपतीके गो मेको आन मीश अरु आन कली नु मेको आन रू लडाइ ग्राब आन कली गेनुङमी। नेल्‍ल क्‍येङा आइक्‍च मुर रे नेल्‍ल क्‍येङा ठेयब सम्‍म ठीक पा मचेम्‍शो क्‍येट तचा कली शिंम बाक्‍नीम। परमप्रभु यावे आ लोव़ पाइब रे चढ़ेब सम्‍म नेल्‍ल जोल पाइब दुम्‍शो बाक्‍नीम। येरमीया ६:१३-१५; यसैया ५६:११

बिलाप 1:13

मेकोमी इर रे मी सोइक्‍ताक्‍व। मिनु आं रुश आगा ओव़पाइक्‍ती। आं खोइल कली ग्‍याइल दाइश्‍शा रेप्‍पाइक्‍ती। आं कली आ ङोंइती रे तिल्‍ती। मेकोमी नेल्‍ल नाक्‍त आं कली मुर मबाक्‍तीके नु बोल मपाइश्‍शो सेल्‍ती।

बिलाप 1:2

मेको नाक्‍दो हिशेक पा ङाक्‍ब। आ प्रेक्‍क यिना यिन बाक्‍नीम। मेको आ दाक्‍शो मुर आन दाते ङा सुइम मेको कली आ थुं बारपाइक्‍चा ङा लोव़ मपाइनीम। आ वारच नेल्‍लेम मेको कली प्रोंइतेक्‍म। मुल मेको आ जोरी सत्रु दुम्‍तेक्‍म। भजन संग्रह ६९:२१

बिलाप 5:11

सियोनम मीश मुर आन कली बिथोलो पाइनीम। यहूदा सहरम कन्‍ने मीश आल आन कली बिथोलो पाइनीम।

मीका 7:5

इन वारच कली थमा मसुतीन। इन दाक्‍शो मुर कली थमा मसुतीन। गे नु काथा इप्‍शो मीश नु यो होस पा लोव़ पने। येरमीया ९:३-४