येरमीया 38:17 - Sunuwar Bible

¹⁷ मिनु येरमीयामी सिदकीयाह कली “मुर नेल्‍ल आन परमप्रभु यावे, इस्राएली आन परमप्रभुमी ‘गे बेबीलोन ङा पिप आ ठेयब मुर आन कली आंमान जिम्‍मा गेसाक्‍नी हना, इन सोक्‍त ब्रोंइब। मिनु एको सहर क्रोइक्‍चा मपुंइसीब। मिनु इन खिं ङा मुरपुकी यो ब्रोंइनीमी।

येरमीया 38:17 ပူးပေါင်းရင်းမြစ်များ

उत्पत्ती 12:13

मोपतीके ‘आ समी नङ’ देनो। मिनु इ मो देंशो आ पर्बम गो साइक्‍चा मपुंइसीनुङ, ब्रोंइचा ताइनुङ” दे आ मीश कली मदा बाक्‍त।

२ राजा 24:12

मिनु यहूदा ङा पिप येहो-याकीन, नेबुकदनेसर कली जिम्‍मा गेसे बाक्‍त। मिनु मेको नु मेको आ ममा, आ गेय पाइबपुकी, आ ठेयब मुरपुकी नु आ लडाइ पाइब आन ठेयब मुर नेल्‍ल बेबीलोन ङा पिप कली जिम्‍मा गेसमा बाक्‍त। मिनु बेबीलोन ङा पिपम सासन पवा आ ८ बर्सम येहो-याकीन कली ग्‍याइश्‍शा चोक्‍गा बाक्‍त।

२ राजा 25:27

यहूदा ङा पिप येहो-याकीन ग्‍याइश्‍शा लाइश्‍शो ३७ बर्स, १२ महिना ङा २७ नाक्‍त दुम्‍मेनु, प्रोंइचा पुंइसे बाक्‍त। मिनु एवील-मेरोदक बेबीलोन ङा पिप दुम्‍शा सासन पशो आ ङोंइती ङा बर्सम मेको कली प्रोना बाक्‍त। २राजा २४:१५

१ इतिहास 17:24

मिनु इन पशो गेय ठेयब दुम्‍चा कली मेको गेना हना यो लील। मिनु मुर नेल्‍ल आन परमप्रभु यावे, इस्राएली आन परमप्रभु बाक्‍ब। मिनु इन गेय पाइब दाऊद आ खिं इन ङोंइती बोल्‍यो दुम्‍शा लीब।

एज्रा 9:4

मेको ग्‍याइश्‍शा लाइक्‍चा पुंइसीब आन मरिम्‍शो पतीके आ पर्बम इस्राएली आन परमप्रभु आ लोव़ कली मान पा हिंबपुकी आं बाक्‍तीकेम एर ओंथ बुक्‍तेक्‍म। मेकेर रे गो नाक्‍दो ङा चढ़ेतीक सम्‍म मारेइ लोव़ पने मचाप्‍थु, सिक्‍सी पा बाक्‍ती।

अय्‍युब 23:13

तन्‍न मेको आ कान बाक्‍ब। मिनु सुमी मेको कली तेक्‍ने चाप्‍बा ङा? मेकोमी आ मिम्‍शो खोदेंशो पाइब।

भजन संग्रह 80:14

मुर नेल्‍ल आन परमप्रभु, आंइ कली कोव़ङीन। सरीङ रे उइ कोव़ङीन। मेको अङगुर बोट कली कोव़ङीन। होसे ११:१

भजन संग्रह 80:7

मुर नेल्‍ल आन परमप्रभु, आंइ कली लेंशा सेल्‍की। इन कुल ङा छेङछेङ आंइ तार वोतीन। मिनु गो ब्रोंइने चाप्‍कल।

येरमीया 27:12

मिनु गो मेको लोव़ यहूदा ङा पिप सिदकीयाह कली देंती। मेको कली “बेबीलोन ङा पिप आ जुवा इन शुरम वोतीन। मिनु मेको नु मेको आ मुर आन वाइल दुमीन। मिनु गे ब्रोंइनीनी।

येरमीया 27:17

मेको आन लोव़ मनेनीन। बेबीलोन ङा पिप आ वाइल दु‍मीने। मिनु गेपुकी ब्रोंइनीनी। मारदे गेपुकीम एको सहर कली मुर मबाक्‍तीके दुम्‍पाइक्‍नीनी?

येरमीया 27:8

तन्‍न तेकोइ रागी तेकोइ राज्‍य नु पिपम बेबीलोन ङा पिप नेबुकदनेसर आ वाइल दुम्‍चा नु मेको आ जुवा आन शुरम वोइक्‍ने मबिस्‍साक्‍म हना, गो मेको रागी ङा मुर आन कली तरवार, अन्‍काल नु मुर बेक्‍तीक रोइम सजाइ गेनुङमी। गो मेको आन कली मसाइक्‍पदुमी सम्‍म मो पाइनुङ’ दे परमप्रभु यावेम देंत।

येरमीया 38:2

परमप्रभु यावेम “सु सु एको सहरमी बाक्‍नीमी, मेकोपुकी तरवार, अन्‍काल नु मुर बेक्‍तीक रोइम बेक्‍नीम। तन्‍न सु सु गुइ पोक्‍शा, कल्‍दी आन बाक्‍तीके जाक्‍दीत्‍नीमी, मेकोपुकी चहिं ब्रोंइनीम। मेको आन गिंम प्रोंइशा लडाइ रे ब्रोंइनीम” देंशो बाक्‍त। येरमीया २१:९

येरमीया 39:3

मिनु यरूसलेम ग्राशा, बेबीलोन ङा पिप आ ठेयब मुर नेल्‍ल जाक्‍शा दाते ङा लाप्‍चोमी बाक्‍तेक्‍म। नेरगल-शरेसेर, साम्‍गार-नेबो, सारसेकीम नेल्‍ल क्‍येङा ठेयब निसाफ पाइब नेरगल-शरेसेर नु बेबीलोन ङा पिप आ ठेयब गेय पाइब मुर नेल्‍ल जाक्‍शा बाक्‍तेक्‍म।

येरमीया 40:9

मिनु शाफान आ चच अहीकाम आ तौ गेदाल्‍याहम मेकोपुकी नु मेको आन मुर नु कसम जशा “कल्‍दी आन गेय पचा कली महिनीन। रागीम बाक्‍शा बेबीलोन ङा पिप आ गेय पने। मिनु इन कली रिम्‍शो दुम्‍ब।

येरमीया 44:7

मिनु मुल मुर नेल्‍ल आन परमप्रभु यावे, इस्राएली आन परमप्रभुमी “मारदे गेपुकीम आंम इन कली मोदेंशो श्‍येत गेनीनी? यहूदा आ दाते रे मीश मुर, वोंइश मुर, आल नु दूध तूब आल नेल्‍ल आन कली तिल्‍पाइश्‍शा, सुइ इन कली मलीपाइक्‍नी। येरमीया ४२:२२

इजीकीएल 8:4

मिनु इस्राएली आन परमप्रभु यावे आ छेङछेङ मेकेर बाक्‍त। गो मेको मोदेंशो छेङछेङ ङोंइती बेंसीम कोंइतीकेम ताता।

आमोस 5:27

मोपतीके गो इन कली ग्‍याइश्‍शा, दमस्‍कस क्‍येङा ङोन लाइक्पाइक्‍नन्‍नी” दे परमप्रभु यावेम देंत। मेको आ नें मुर नेल्‍ल आन परमप्रभु यावे बाक्‍ब।