येरमीया 38:13 - Sunuwar Bible

¹³ मिनु मेकोपुकीमी डोरीम येरमीया कली इनार रे ग्रुंइताक्‍मे। मेको नोले येरमीया पिप आ दरवार खाल पाइब मुर आ जेल्‍खान ङा लाङगाम बाक्‍त।

येरमीया 38:13 ပူးပေါင်းရင်းမြစ်များ

उत्पत्ती 37:28

मिदयान ङा इश्‍माएली ग्‍याप्‍ब लेयब मुर पिना पिन बाक्‍मा बाक्‍त। मिनु योसेफ कली ढोडोङगा रे फेश्‍शा, इश्‍माएली आन कली चांदी के २० शेकेलम लेयङमे बाक्‍त। मिनु मेकोपुकीमी योसेफ कली इजीप्‍त लदमे बाक्‍त। शेकेल का ११.५ ग्राम, तोला खोदेंशो बाक्‍ब। उत्‍पत्ती २५:२; लेवी २७:१-८

१ राजा 22:27

मिनु एको मुर कली चोक्‍शा वोतीन। गो रिम्‍शो पा लेश्‍शा मजाक्‍ङा सम्‍म एको कली शोब्‍ले नु ब्‍वाक्‍कु ङा लाक्‍शा अरु मारेइ मगेने” देंमाक्‍त।

नेहेम्‍याह 3:25

मेकेर रे बोइश्‍शा, उजाइ आ तौ पालालमी कुना नु पिप आ खिं आ नेक्‍था ङा लाइश्‍शो खिं आइक्‍ची एरे सम्‍म ङा गारो प्रोव़तु। येरमीया ३२:२

हितोपदेस 29:10

हुश ख्राक्‍श पोक्‍ब मुरुमी दोस मताइब मुर आन कली काइ मदाक्‍ब। मेकोमी रिम्‍शो थुं पाइश्‍शो मुर कली साइक्‍चा माल्‍ब।

येरमीया 26:16

मिनु सरकार आ गेय पाइब मुर नु अरु मुर नेल्‍लेम, चढ़ेबपुकी नु परमप्रभु यावे आ लोव़ पाइब आन कली “एको मुर साइक्‍चा पुंइसीचा ङा मुर ममाइ। एको मुरुम इं कली परमप्रभु यावे, इं परमप्रभु आ नेंम एको लोव़ नेंपाइक्‍तु” देंतेक्‍म।

येरमीया 32:2

मेना बेबीलोन ङा पिप आ लडाइ पाइबपुकीम यरूसलेम पुम्‍ताक्‍म। परमप्रभु यावे आ लोव़ पाइब येरमीया चहिं यहूदा ङा पिप आ दरवार खाल पाइब मुर आ जेल्‍खानम बाक्‍त। मेको यहूदा ङा पिप आ लाङगाम बाक्‍त। २राजा २५:१-२

येरमीया 37:21

मिनु पिप सिदकीयाह आ हुकुममी येरमीया पिप आ दरवार खाल पाइब मुर आ जेल्‍खानम वोइक्‍चा पुंइसाक्‍व। मिनु सहर ङा शोब्‍ले चोतीक रे मनुम्म सम्‍म, नाक्‍त किंत किंत मेको कली शोब्‍ले चाक्‍शा गेम्‍तेक्‍म। मोपा येरमीया पिप आ दरवार खाल पाइब आ जेल्‍खान ङा लाङगाम बाक्‍त। येरमीया ३२:२

येरमीया 38:12

मिनु एथीयोपीया ङा एबेद-मेलेकमी येरमीया कली “इ बला आगा नु डोरी आन दातेमी एको माइत जेक्‍शो वासी वोतो” देंत। मिनु येरमीयामी मो पाप्‍तु।

येरमीया 38:28

मिनु यरूसलेम ग्रातीक नाक्‍त सम्‍म येरमीया पिप आ दरवार खाल पाइब मुर आ लाङगा ङा जेल्‍खानम बाक्‍शो बाक्‍त। येरमीया ३७:२१

येरमीया 38:6

मोपतीके मेकोपुकीमी येरमीया कली लाइश्‍शा, पिप आ तौ माल्‍कीयाह आ इनारम तोक्‍तेक्‍म। मेको इनार पिप आ दरवार खाल पाइब आ लाङगाम बाक्‍त। मिनु मेकेर डोरीम फ्रेंशा इनारम तोक्‍तेक्‍म। मेको इनारमी ब्‍वाक्‍कु मबाक्‍माक्‍त। हिलो ला बाक्‍माक्‍त। मिनु येरमीया मेको हिलोम ग्रुम्‍‍त।

बिलाप 3:58

परमप्रभु गे आं कली वारच पाइक्‍तीनी। मिनु बेक्‍चा रे प्रोंइतीनी।

प्रेरित 23:35

मिनु हुकुम पाइबमी “लो मो हना इ कली दोस गेबपुकी जाक्‍मल। मिनु इ मुददा कोव़नुङ” देंशा हेरोद आ दरवारमी लाइश्‍शा, खाल पाइब आन दातेमी वोइक्‍पदा बाक्‍त।

प्रेरित 24:27

मोपा ब्रेत्‍ता ब्रेत्‍ता बर्स निक्‍शी योल्‍माक्‍त। मिनु फेलीक्‍स अर्को रागीमी याक्‍से बाक्‍त। आ पा ङा हुकुम पाइब पोरसीयस फेस्‍तस जाक्‍माक्‍त। फेलीक्‍समी यहूदी आन कली ग्‍येरपाइक्‍चा, दे पावल आ मुददा मख्रोइक्‍थु, चोक्‍स ङा चोक्‍स वोइश्‍शा गाक्‍माक्‍त।

प्रेरित 28:16

मिनु रोम सहरमी जाक्‍दीत्‍तक। जाक्‍दीश्‍शो रे पावल ते ते बाक्‍चा दाक्‍ता, मेक मेक बाक्‍चा गेम्‍तेक्‍म। आ कली कोव़ब सिपाही का वोइक्‍तेक्‍म। प्रेरित २७:३

प्रेरित 28:30

मिनु पावल बर्स निक्‍शी सम्‍म मुर आ खिंमी क्‍येट थाप्‍शा बाक्‍मेनु, शुश मुर पावल कली ग्रुम्‍थ जाक्‍मा बाक्‍त। मेको ग्रुम्‍थ जाक्‍ब आन कली “निस्‍सीने, बाक्‍कीने, लोव़सी पय” दे शुश लोव़ शेंबाक्‍माक्‍त।