येरमीया 38:10 - Sunuwar Bible

¹⁰ मिनु पिपम कूशी, एथीयोपीया ङा एबेद-मेलेक कली “एक रे मुर सां आन कली लाइश्‍शा, मेको परमप्रभु यावे आ लोव़ पाइब येरमीया कली बेक्‍चा क्‍येङा ङोंइती इनार रे ग्रुंइदीन” दे अरेप्‍तु। का निक्‍शी मुरुमी ३० जना मुर ब्रेश्‍शो बाक्‍ब।

येरमीया 38:10 ပူးပေါင်းရင်းမြစ်များ

एस्‍तर 5:2

मिनु पिपमी पिपीम एस्‍तर कली दरवार ङा लाङगामी राप्‍शा बाक्‍शो तशा, मेको कली शिशी पा, आ शेशा बाक्‍शो राज दन्‍ड एस्‍तर गे दिं‍ताक्‍व। मिनु एस्‍तर पिशा, मेको कोक्‍के आ ङर थिप्‍तु। एस्‍तर ४:११

एस्‍तर 8:7

मिनु पिप अहासूरसमी पिपीम एस्‍तर नु यहूदी मोरदेकै कली “हामानमी यहूदी आन कली खतम सेल्‍चा माल्‍तीके, मेको आ खिं पिपीम एस्‍तर कली गेता। मारदे हना हामान क्‍युक्‍शा साइक्‍चा पुंइसाक्‍व।

भजन संग्रह 75:10

गे इन अरेशो मटीब नेल्‍ल आन कली आइक्‍च सेल्‍नीनी। तन्‍न ठीक पाइबपुकी ठेयब सेल्‍चा पुंइसीनीम।

हितोपदेस 21:1

पिप आ थुं परमप्रभु यावे आ गुइमी खोला ङा ब्‍वाक्‍कु खोदेंशो बाक्‍ब। दोथ गे लाइक्‍चा दाक्‍ता, मोथ गे लाइक्‍ब। भजन संग्रह ३३:१५

येरमीया 38:11

मोपतीके एबेद-मेलेकम मेको मुर आन कली लाइक्‍तु। मिनु पिप आ खिं ङा मार मार वोइक्‍तीक आगा ङा कोठाम लत। मिनु मेकेर रे माइत जेक्‍शो वासी ग्रुंइताक्‍व। मिनु मेकोमी येरमीया कली मेको वासी डोरीम फ्रेंशा तोक्‍तु।

येरमीया 38:7

मेकेर पिप आ खिंम गेय पाइब एबेद-मेलेक नें पाइश्‍शो मुर का बाक्‍त। मेको एथीयोपीया ङा बाक्‍त। मेकोमी येरमीया कली इनारम तोक्‍शो नेंतु। मेना पिप बेन्‍यामीन लाप्‍चोमी बाक्‍शो बाक्‍त। येरमीया ३९:१५-१८

येरमीया 38:9

“आं प्रभु, आं पिप, एको मुरपुकीम परमप्रभु यावे आ लोव़ पाइब येरमीया कली इनारम तोक्‍शा मरिम्‍शो पाम्‍तेक्‍म। सहरम शोब्‍ले नुम नोले मेको मेकेर शोव़लुम बेक्‍ब” देंत।