येरमीया 37:9 - Sunuwar Bible

⁹ परमप्रभु यावेमी “गेपुकीमी कल्‍दीम थमा पा आंइ कली लडाइ तोइनीम, दे मिम्‍तीन। मारदे हना मो पाइनीम।

येरमीया 37:9 ပူးပေါင်းရင်းမြစ်များ

अय्‍युब 15:31

मेकोपुकीम मबाक्‍शो लोव़ कली थमा मसुदमेक्‍ल। मोपा आंम आन कली मरिम्‍शो मसेल्‍मेक्‍ल। मारदे हना मेकोपुकीम मेको आ पा ङा मारेइ मताइनीम।

येरमीया 29:8

मुर नेल्‍ल आन परमप्रभु यावे, इस्राएली आन परमप्रभुमी “इन दातेम बाक्‍ब परमप्रभु यावे आ लोव़ पाइबपुकी नु लिंक्‍यु कोव़बपुकीम इन कली जोल पा थमा मसुइक्‍पदमेक्‍ल। आन ङोमु ङा लोव़ मनेनीन। येरमीया १४:१४

ओबदिया 1:3

इ थुं ङा ठेयब लेत्‍तीकेमी इ कली जोल पाइश्‍शो बाक्‍ब। इ सहर ठेयब फुल्‍लु तार सेल्‍शो बाक्‍ब। गे डांडा तार बाक्‍नेवे। गे इ थुंमी ‘आं कली सुम उइ तोक्‍ने चाप्‍बा ङा?’ दे मिम्‍नेवे। गन्‍ती २४:२१

गलाती 6:3

सुइ ठेयब मसुंइ‍सेक्‍ल। मजोक्‍थु यो जोक्‍ब तुइक्‍ब नङ, दे ठेयब लेप्‍बमी आंम कली जोल पांइसीब।

गलाती 6:7

परमप्रभु यावे कली कोंइखु पा जोल पचा मदुम्‍ब। परमप्रभु यावेमी नेल्‍ल तुइश्‍शो बाक्‍ब। मोपतीके दूली ममिम्‍तीने। मुरपुकीमी मार शोक्‍ग‍मे, मेको रुप्‍नीम। येरमीया २१:१४

एफिसी 5:6

सुइ मुरुमी इन कली फश लोव़ पा, हेंथे लां खोइक्‍पाइक्‍चा मगेने। मारदे हना परमप्रभु यावे आ कली मटीब आन कली तशा गाइक्‍ब। कलस्‍सी ३:६

२ थिस्‍सलोनिकी 2:3

इन कली दूली शेंतीके शेंब आन कली थमा मसुतीन। मारदे हना प्रभु येसु ख्रीस्‍त आ नाक्‍त जाक्‍चा क्‍येङा ङोंइती परमप्रभु यावे कली मटिथु नेल्‍ल क्‍येङा मरिम्‍शो पाइब का ग्रूब। मेको कली जाम्‍शा लाइब आ तौ यो देंनीम। १तिमोथी ४:१; १यूहन्‍ना २:१८

याकूब 1:22

गेपुकी परमप्रभु यावे आ लोव़ नेनीन। नेंचा ला ममाइ, मार मार देंशो बाक्‍मे, मेको यो पचा माल्‍नीनी। गेपुकीमी मेको लोव़ नेंशा मपाइतीनी हना, जोल पांइसीनीनी। मत्ती ७:२१; रोमी २:१३