6 मिनु परमप्रभु यावेम येरमीया कली लोव़ पाप्तु।
कोव़ङीन, एको सहर आन के सेल्चा कली नु गारो ङोइक्चा कली लां सेल्चा कली मार मार तेल्तेक्म। मेको सहर कली तरवार, अन्काल नु मुर बेक्तीक रोइम पतीके, मेको लडाइ तोइब कल्दी आन गुइम दुम्त। गे मार देंनी, मेको दुम्त। गे आंमा ताइनीनी।
यहूदा ङा पिप सिदकीयाहम मेको कली मेकेर चोक्शो बाक्त। मिनु मेकोमी “गे मारदे मोदेंशो पा परमप्रभु यावे आ लोव़ पाइनेवे? परमप्रभु यावेमी ‘गो एको सहर बेबीलोन ङा पिप आ गुइम गेचशो बाक्नुङ। मिनु मेकोमी एको आंम के सेल्ब। येरमीया २१:७; येरमीया ३४:२
मेना फाराओ आ लडाइ पाइबपुकी इजीप्त रे जाक्शो बाक्तेक्म। मिनु कल्दी ङा मुरपुकीमी यरूसलेम कली एर ओंथ नेल्ल रे पुम्शो लोव़ नेंतेक्म। मिनु मेकोपुकी यरूसलेम रे नोले शोंइसाक्म।
मार लोव़ पाप्तु देंशा हना “परमप्रभु यावे, इस्राएली आन परमप्रभुमी ‘यहूदा ङा पिपम आं कली हिल्लो पथ इ बाक्तीक सोइक्ताक्व। मेको कली इ कली वारच पाइक्थ जाक्ब फाराओ आ लडाइ पाइब आन रागी इजीप्त लेश्शा लाइनीम, दे मतो।
