येरमीया 37:3 - Sunuwar Bible

³ मो हना यो पिप सिदकीयाहम शेलेम्‍याह आ तौ येहुकल नु मासेयाह आ तौ चढ़ेब सेफन्‍याह आस कली परमप्रभु यावे आ लोव़ पाइब येरमीया आ बाक्‍तीकेम “आंइ पर्बम इं परमप्रभु यावे नु पुंइशा गेने” देंथ, मुर सोइक्‍ताक्‍व। येरमीया ७:१६; येरमीया ४२:२

येरमीया 37:3 ပူးပေါင်းရင်းမြစ်များ

१ राजा 13:6

मिनु पिपमी परमप्रभु आ मुर कली “आं गुइ ङोंइती ङा खोदेंशो दुम्‍ल, दे परमप्रभु यावे, इन परमप्रभु कली आं पर्बम पुनीन” देंमाक्‍त। मिनु पिप आ देंशो खोदेंशो पा मेको परमप्रभु आ मुरुम परमप्रभु यावे कली पुना बाक्‍त। मिनु पिप आ गुइ ङोंइती ङा खोदेंशो दुम्‍माक्‍त। प्रस्‍थान ८:४

प्रस्‍थान 10:17

मुल खेयप का ला आं कली माफ गेयीसी, दे पुंइनुङ। मिनु आं पर्बम परमप्रभु यावे, इन परमप्रभु कली पुनीस। सल्‍हा माले खेरशा, अन्‍काल रे मबेक्‍पाइक्‍चा नम, दे पुनीस” दे मोसा नु हारून आस कली माइक्‍तीम्‍सी। प्रस्‍थान ८:४

प्रस्‍थान 8:28

मिनु फाराओमी “गो इन कली गोरशो रागीम परमप्रभु यावे, इन परमप्रभु कली चढ़ेथ लचा गेनुङ। शुश ङोन चहिं मलने। आं पर्बम यो पुनीस” दें‍त।

प्रस्‍थान 8:8

मिनु फाराओमी मोसा नु हारून आस कली ब्रेप्‍पाइश्‍शा “आं पर्बम नु आं मुर आन पर्बम परमप्रभु यावे कली पुनीस। क्रुक्‍क्रु लमल, दे पुनीस। गोमी इस्राएल जात ङा मुर आन कली परमप्रभु यावे कली चढ़ेथ लचा गेनुङ” दे मोसा नु हारून आस कली देंत। प्रस्‍थान ८:२४; प्रस्‍थान ९:२८; प्रस्‍थान १०:१७

प्रस्‍थान 9:28

आंइ पर्बम परमप्रभु यावे कली पुनीस। एको बुंबु नु मुप्‍स मयिपदल। गो इन कली लचा गेनुङ। मुल गे एकेर बाक्‍चा ममाल्‍नीनी” देंत। प्रस्‍थान ८:४

येरमीया 15:11

परमप्रभु यावेम आं कली “थमा पा, गो इ कली रिम्‍शो पा, प्रोंइनन। गो थमा पा श्‍येत नु मरिम्‍शो दुम्‍मेनु इ जोरी सत्रु आन कली, इ गेय पपाइक्‍नुङमी।

येरमीया 2:27

मेकोपुकीमी रवा कली ‘गे आं आफ नवे’ मिनु फुल्‍लु कली ‘गे आं कली जरमेब नवे’ देंनीम। मेकोपुकीमी आं कली आन ची हिरशा कोंइशो बाक्‍नीम। आन कुल ममाइ। मो हना यो मेको श्‍येत जामे नाक्‍ती जाक्‍शा ‘आंइ कली प्रोंइकी’ देंनीम। येरमीया ७:२४; येरमीया १८:१७; येरमीया ३२:३३

येरमीया 29:21

मुर नेल्‍ल आन परमप्रभु यावे, इस्राएली आन परमप्रभुमी “कोलायाह आ तौ आहाब नु मासेयाह आ तौ सिदकीयाहम आं नेंमी जोल पाम्‍ताक्‍स। ‘गो मेको आस कली बेबीलोन ङा पिप नेबुकदरेसर आ गुइमी गेनुङसी। मिनु मेकोमी इन ङोंइती मेको आस कली साइक्‍ब।

येरमीया 29:25

“मुर नेल्‍ल आन परमप्रभु यावे, इस्राएली आन परमप्रभुमी ‘गे इ नेंमी यरूसलेम ङा मुर नेल्‍ल आन कली, मासेयाह, चढ़ेब आ तौ सेफन्‍याह नु अरु चढ़ेब नेल्‍ल आन कली चिठी ब्रेक्‍ताक्‍वी। गे सेफन्‍याह कली येरमीया २१:१

येरमीया 37:17

मिनु पिप सिदकीयाहम मेको कली ग्रुंइथ सोइक्‍ताक्‍व। मिनु मेको कली दरवारम चाक्‍शा सुइम मतुइक्‍चा ङा पा “मार, परमप्रभु यावे रे पा मारेइ लोव़ बाक्‍मे?” दे हिल्‍लो पाप्‍तु। मिनु येरमीयामी “ओं, बाक्‍ब। गे बेबीलोन ङा पिप आ गुइम गेचा पुंइसीनीनी, देंशो बाक्‍ब” देंत।

येरमीया 37:7

मार लोव़ पाप्‍तु देंशा हना “परमप्रभु यावे, इस्राएली आन परमप्रभुमी ‘यहूदा ङा पिपम आं कली हिल्‍लो पथ इ बाक्‍तीक सोइक्‍ताक्‍व। मेको कली इ कली वारच पाइक्‍थ जाक्‍ब फाराओ आ लडाइ पाइब आन रागी इजीप्‍त लेश्‍शा लाइनीम, दे मतो।

येरमीया 38:1

मिनु मत्तान आ तौ शेफत्‍याह, पश्‍हुर आ तौ गेदाल्‍याह, शेलेम्‍याह आ तौ युकल नु माल्‍कीयाह आ तौ पश्‍हुरमी येरमीयामी मुर नेल्‍ल आन कली देंशो लोव़ नेंतेक्‍म। मेको आ लोव़ मार बाक्‍त देंशा हना, येरमीया २१:१

येरमीया 42:1

मिनु लडाइ पाइब आन ठेयब मुर नेल्‍ले, कारेआह आ तौ योहानान, होशायाह आ तौ येजन्‍याह नु आइक्‍च ठेयब मुर नेल्‍ले येजन्‍याह कली अजारयाह यो ब्रेक्‍नीम।

येरमीया 42:20

गेपुकीम ठेयब मरिम्‍शो का पाइतीनी। गेपुकीम आं कली परमप्रभु यावे, इन परमप्रभु आ ङोंइती परमप्रभु यावेम, आंइ परमप्रभु मार देंबा, मेको नेल्‍ल आंइ कली शेंदीकी। मिनु गो मेको नेल्‍ल पाइनीकी देंतीनी।

येरमीया 52:24

मिनु पिप कली खाल पाइब आन कप्‍तानमी ठेयब चढ़ेब सेरायाह, मेको आ नोले ङा चढ़ेब सेफन्‍याह नु लाप्‍चो खाल पाइब सां आन कली ग्‍याइश्‍शा लाइक्‍तीमी।

गन्‍ती 21:7

मिनु मुरपुकी मोसा आ बाक्‍तीक जाक्‍शा “गोपुकीम परमप्रभु यावे नु इन पर्बम मरिम्‍शो लोव़ पा पाप पाइतक। मेको बुस्‍सपुकी खेरचा, दे परमप्रभु यावे कली आंइ पर्बम पुनीन” देंतेक्‍म। मिनु मोसामी मेको मुर आन पर्बम पुंइतु। प्रस्‍थान ३२:३०-३४

प्रेरित 8:24

सिमोनमी “इन देंशो खोदेंशो मदुम्‍ल, दे आं पर्बम प्रभु कली प्रार्थना पने, हजुर” दे सेउ पवा बाक्‍त।

१ सामुएल 12:19

मिनु मुर नेल्‍लेमी सामुएल कली “परमप्रभु यावे, इन परमप्रभु कली आंइ पर्बम ‘गो मबेक्‍कल’ दे पुनीन। मारदे हना आंइ मरिम्‍शो पशो ला ममाइ, आंइ कली पिप का माल्‍नीकी, दे आंइ मरिम्‍शो पतीक तेम्‍ताक्‍क” देंमा बाक्‍त।