येरमीया 37:21 - Sunuwar Bible

²¹ मिनु पिप सिदकीयाह आ हुकुममी येरमीया पिप आ दरवार खाल पाइब मुर आ जेल्‍खानम वोइक्‍चा पुंइसाक्‍व। मिनु सहर ङा शोब्‍ले चोतीक रे मनुम्म सम्‍म, नाक्‍त किंत किंत मेको कली शोब्‍ले चाक्‍शा गेम्‍तेक्‍म। मोपा येरमीया पिप आ दरवार खाल पाइब आ जेल्‍खान ङा लाङगाम बाक्‍त। येरमीया ३२:२

येरमीया 37:21 ပူးပေါင်းရင်းမြစ်များ

२ राजा 25:3

मिनु मेको ४ महिना ङा ९ नाक्‍त सहरम थम ठेयब अन्‍काल दुम्‍माक्‍त। मिनु मेको रागीम मुर आन कली जचा थोव़क मारेइ मबाक्‍माक्‍त।

अय्‍युब 5:20

मेकोमी अन्‍काल दुम्‍मेनु, इन कली बेक्‍चा रे प्रोंइब। मिनु लडाइ दुम्‍मेनु, तरवार रे प्रोंइब।

भजन संग्रह 37:19

ठेयब श्‍येत दुम नाक्‍ती मेकोपुकी मुने मदोक्‍नीम। मिनु अन्‍काल दुम नाक्‍ती मेकोपुकी जशा रूचा ताइनीम। हितोपदेस १०:३

भजन संग्रह 37:3

परमप्रभु यावे कली जिम्‍मा गेंसीशा, रिम्‍शो पने। रागीम रिम्‍शो दुम्‍शा बाक्‍चा ताइनीनी।

हितोपदेस 16:7

परमप्रभु यावेमी मुर आन पशो तशा ग्‍येरसाक्‍व हना, मेको कली आ जोरी सत्रु नु यो गारपाइश्‍शा वोइक्‍ब। उत्‍पत्ती ३१:२४; उत्‍पत्ती ३३:४

हितोपदेस 21:1

पिप आ थुं परमप्रभु यावे आ गुइमी खोला ङा ब्‍वाक्‍कु खोदेंशो बाक्‍ब। दोथ गे लाइक्‍चा दाक्‍ता, मोथ गे लाइक्‍ब। भजन संग्रह ३३:१५

यसैया 33:16

मेको इर ङा मुर बाक्‍नीम। मेको आन ख्रुंइसीतीके सेरथे फुल्‍लु के सेल्‍शो दरवार बाक्‍ब। मेकोमी आन जचा थोव़क ताइनीम। मेको आन ब्‍वाक्‍कु बुक्‍तीके शुश दुम्‍ब।

येरमीया 20:2

मिनु पश्‍हुरमी परमप्रभु यावे आ लोव़ पाइब येरमीया कली तुप्‍‍तु। मिनु परमप्रभु यावे आ खिंम बाक्‍शो बेन्‍यामीन आ इर तला ङा लाप्‍चोम बाक्‍शो ठेंङरो थोक्‍ताक्‍व। प्रेरित १६:२४

येरमीया 32:2

मेना बेबीलोन ङा पिप आ लडाइ पाइबपुकीम यरूसलेम पुम्‍ताक्‍म। परमप्रभु यावे आ लोव़ पाइब येरमीया चहिं यहूदा ङा पिप आ दरवार खाल पाइब मुर आ जेल्‍खानम बाक्‍त। मेको यहूदा ङा पिप आ लाङगाम बाक्‍त। २राजा २५:१-२

येरमीया 32:8

मिनु नोले परमप्रभु यावेम देंशो खोदेंशो पा आं बकान्‍छा आ तौ हनामेल पिप आ खिं खाल पाइब आन लाङगा जाक्‍शा, मेकोमी “बेन्‍यामीन आ रागी अनाथोथम बाक्‍शो आं रू ग्यापीन। मेको ग्‍याप्‍चा अधिकार इन केन बाक्‍ब। मोपतीके गे मेको ग्‍याम्‍सीन” देंत। मिनु गो एको परमप्रभु यावे आ लोव़ बाक्‍माक्‍त, दे तुइक्‍ताक्‍ङ।

येरमीया 33:1

परमप्रभु यावेमी येरमीया कली पिप आ दरवार खाल पाइब मुर आ जेल्‍खानम बाक्‍मेनु निक्‍शी खेयप लोव़ पाप्‍तु। येरमीया ३२:२

येरमीया 38:13

मिनु मेकोपुकीमी डोरीम येरमीया कली इनार रे ग्रुंइताक्‍मे। मेको नोले येरमीया पिप आ दरवार खाल पाइब मुर आ जेल्‍खान ङा लाङगाम बाक्‍त।

येरमीया 38:28

मिनु यरूसलेम ग्रातीक नाक्‍त सम्‍म येरमीया पिप आ दरवार खाल पाइब मुर आ लाङगा ङा जेल्‍खानम बाक्‍शो बाक्‍त। येरमीया ३७:२१

येरमीया 38:6

मोपतीके मेकोपुकीमी येरमीया कली लाइश्‍शा, पिप आ तौ माल्‍कीयाह आ इनारम तोक्‍तेक्‍म। मेको इनार पिप आ दरवार खाल पाइब आ लाङगाम बाक्‍त। मिनु मेकेर डोरीम फ्रेंशा इनारम तोक्‍तेक्‍म। मेको इनारमी ब्‍वाक्‍कु मबाक्‍माक्‍त। हिलो ला बाक्‍माक्‍त। मिनु येरमीया मेको हिलोम ग्रुम्‍‍त।

येरमीया 38:9

“आं प्रभु, आं पिप, एको मुरपुकीम परमप्रभु यावे आ लोव़ पाइब येरमीया कली इनारम तोक्‍शा मरिम्‍शो पाम्‍तेक्‍म। सहरम शोब्‍ले नुम नोले मेको मेकेर शोव़लुम बेक्‍ब” देंत।

येरमीया 52:6

मिनु ४ महिना ङा ९ नाक्‍ती सहरम थम ठेयब अन्‍काल दुम्‍त। मिनु मेको सहर आ आगामी जचा कली मारेइ मबा।

बिलाप 5:10

गो शोव़लु बेक्‍‍तीके आंइ कुशुल चुप्‍लु खोदेंशो पा होश दुम्‍त।

मत्ती 6:33

ङोंइती परमप्रभु यावे आ राज्‍य नु आ ठीक पतीके मिम्‍शा मालीने। मिनु जचा तूचा फेक्‍चा यो ताइनीनी। रोमी १४:१७; १राजा ३:१३-१४; भजन संग्रह ३७:४,२५

प्रेरित 12:5

पत्रुस जेल्‍खानमी चोक्‍सीशा बाक्‍मेनु, थमा सुइक्‍ब नेल्‍ल थुं का दुम्‍शा “पत्रुस कली कोव़ङीने, प्रोंइशा सोइक्‍तीने” दे प्रार्थना पा बाक्‍मा बाक्‍त।

प्रेरित 24:27

मोपा ब्रेत्‍ता ब्रेत्‍ता बर्स निक्‍शी योल्‍माक्‍त। मिनु फेलीक्‍स अर्को रागीमी याक्‍से बाक्‍त। आ पा ङा हुकुम पाइब पोरसीयस फेस्‍तस जाक्‍माक्‍त। फेलीक्‍समी यहूदी आन कली ग्‍येरपाइक्‍चा, दे पावल आ मुददा मख्रोइक्‍थु, चोक्‍स ङा चोक्‍स वोइश्‍शा गाक्‍माक्‍त।

प्रेरित 28:16

मिनु रोम सहरमी जाक्‍दीत्‍तक। जाक्‍दीश्‍शो रे पावल ते ते बाक्‍चा दाक्‍ता, मेक मेक बाक्‍चा गेम्‍तेक्‍म। आ कली कोव़ब सिपाही का वोइक्‍तेक्‍म। प्रेरित २७:३

प्रेरित 28:30

मिनु पावल बर्स निक्‍शी सम्‍म मुर आ खिंमी क्‍येट थाप्‍शा बाक्‍मेनु, शुश मुर पावल कली ग्रुम्‍थ जाक्‍मा बाक्‍त। मेको ग्रुम्‍थ जाक्‍ब आन कली “निस्‍सीने, बाक्‍कीने, लोव़सी पय” दे शुश लोव़ शेंबाक्‍माक्‍त।

एफिसी 4:1

गो प्रभु आ पर्बम ग्‍याइक्‍चा पुंइसीब, इन कली अरेनुङ। गेपुकी परमप्रभु यावे आ ब्रेश्‍शो दुम्‍शो बाक्‍नीनी। मोपतीके परमप्रभु यावे कली शिरशो गेय पने।

एफिसी 6:20

गो मेको लोव़ शेंचा कली साङलोम फ्रेंशा सोइश्‍शो मुर दुम्‍ती। गेपुकीमी आं पर्बम “महिंथु शेंदल” दे परमप्रभु यावे कली पुनीने। मोपा महिंथु, लोव़ पचा परमप्रभु यावे आ दाक्‍शो बाक्‍ब। २कोरिन्‍थी ५:२०; प्रेरित २८:३१

२ तिमोथी 1:8

इं प्रभु आ पर्बम लोव़ पचा मुने मपावो। गो प्रभु आ पर्बम जेल्‍खानम बाक्‍शो आं पर्बम यो मुने मपावो। तन्‍न ग्‍येरपाइक्‍ब लोव़ आ पर्बम परमप्रभु यावे आ सक्तिमी श्‍येत फलो। रोमी १:१६; पत्रुस ४:१६

२ तिमोथी 2:9

मेको ग्‍येरपाइक्‍ब लोव़ शेंतीके, गो मरिम्‍शो पाइब खोदेंशो पा साङलोम पाइक्‍चा पुंइसीशा श्‍येत जाइनुङ। तन्‍न परमप्रभु यावे आ लोव़ दा मपांइसीशो बाक्‍ब। फिलिप्‍पी १:१२-१४