येरमीया 37:19 - Sunuwar Bible

¹⁹ इन कली नु एको रागी कली लडाइ तोचा कली बेबीलोन ङा पिप मजाक्‍ब, दे इन कली देंब, परमप्रभु यावे आ लोव़ पाइबपुकी ते बाक्‍मा?

येरमीया 37:19 ပူးပေါင်းရင်းမြစ်များ

२ राजा 3:13

मिनु एलीशाम इस्राएल ङा पिप कली “गे नु गो इस के मार बाक्‍बा ङा? इन आम आफ आस नोले दुम्‍ब लोव़ पाइब आन बाक्‍तीक लने” देंमाक्‍त। तन्‍न इस्राएल ङा पिपमी मेको कली “ममाइ, परमप्रभु यावेमी गो पिप सांफा आंइ कली मोआबी आन गुइमी जिम्‍मा गेचा कली एक चाक्‍शो बाक्‍ब” देंमाक्‍त।

येरमीया 2:28

तन्‍न आंम इन सेल्‍शो देवी देवता ते लाक्‍गमे? मेकोपुकीमी इन कली प्रोंइने चाप्‍तेक्‍म हना, इन श्‍येत जची ना मेको आन कली जाक्‍प‍तीन। मारदे हना यहूदा, गे इ के गिश सहर बाक्‍मा, मिश देवी देवता बाक्‍नीम। ब्‍यवस्‍था ३२:३७-३८; न्‍यायाधीस १०:१४; येरमीया ११:१३

येरमीया 23:17

मेकोपुकीम आं लोव़ मदाक्‍ब आन कली गेना हना यो ‘परमप्रभु यावे इन कली थुं नाइश्‍शा बाक्‍तीक दुम्‍ब’ देंनीम। मिनु मेकोपुकीम मटिथु आन थुं ङा मिम्‍शोम गाक्‍ब आन कली ‘इन कली मारेइ हिंचा ङा श्‍येत मदुम्‍ब’ देंनीम।

येरमीया 29:31

नेहेलाम ङा शेमायाह आ पर्बम मार लोव़ पाप्‍तु देंशा हना “ग्‍याइश्‍शा लाइक्‍चा पुंइसीशो नेल्‍ल आन कली एको लोव़ सोइक्‍तो। शेमायाहम इन कली नोले दुम्‍ब लोव़ पाप्‍तु। तन्‍न गो मेको कली मसोइक्‍तु। मेकोमी आं लोव़ पा, इन कली जोल लोव़मी थमा सुइक्‍पाइक्‍तु।

येरमीया 6:14

मेकोपुकीमी आं मुर आन कली ममिम्‍थु, आन गार सापाइक्‍खु पशो बाक्‍नीम। मेकोपुकीमी थुं नाइक्‍तीक मबाक्‍त हना यो ‘नांइ‍सीन, नांइ‍सीन’ देंनीम।

येरमीया 8:11

मेकोपुकीमी आं मुर आन कली ममिम्‍थु, आन गार सापाइक्‍खु पशो बाक्‍नीम। मेकोपुकीमी थुं नाइक्‍तीक मबाक्‍त हना यो ‘नांइ‍सीन, नांइ‍सीन’ देंनीम।

बिलाप 2:14

इ परमप्रभु यावे आ लोव़ पाइब आन लोव़ नेल्‍ल जोल नु शोर गाक्‍शो बाक्‍तेक्‍म। मेकोपुकीमी इ कली रिम्‍शो दुम्‍ल, दे इ मरिम्‍शो पशो आ पर्बम लोव़ मपाम। तन्‍न मेकोपुकीमी इ पर्बम पशो लोव़ नेल्‍ल जोल नु दूली लां कोंइब बाक्‍त। येरमीया १४:१४-१६; येरमीया २३:१६-२२

इजीकीएल 13:2

मार, लोव़ पाप्‍तु देंशा हना “ए मुर, इस्राएल ङा आं लोव़ पाइब आन कली नु आंम आन मिम्‍शो लोव़ पाइब आन कली ‘परमप्रभु यावे आ लोव़ नेनीन’ देनो।

इजीकीएल 13:6

मेको आन तशो लोव़ जोल बाक्‍शा, आन लिंक्‍यु कोव़तीक जोल बाक्‍ब। मेकोपुकीम ‘परमप्रभु यावेमी देंशो बाक्‍ब’ देंनीम। तन्‍न मेको परमप्रभु यावेमी सोइश्‍शो मनम। मो हना यो मेकोम आन लोव़ गाप्‍ल, दे आस पाइनीम। इजीकीएल २२:२८; येरमीया ५:३१

ब्‍यवस्‍था 32:38

आन क्‍योरशा चढ़ेतीके ङा बोंसो सुमी ब्‍ववा? मिनु तूचा थोव़क चढ़ेतीके रे सुम तूङा? मेकोपुकी बोक्‍शा इन कली वारच पामेक्‍ल। मिनु इन कली प्रोन्‍मेक्‍ल। न्‍यायाधीस १०:१४; येरमीया २:२८