येरमीया 37:17 - Sunuwar Bible

¹⁷ मिनु पिप सिदकीयाहम मेको कली ग्रुंइथ सोइक्‍ताक्‍व। मिनु मेको कली दरवारम चाक्‍शा सुइम मतुइक्‍चा ङा पा “मार, परमप्रभु यावे रे पा मारेइ लोव़ बाक्‍मे?” दे हिल्‍लो पाप्‍तु। मिनु येरमीयामी “ओं, बाक्‍ब। गे बेबीलोन ङा पिप आ गुइम गेचा पुंइसीनीनी, देंशो बाक्‍ब” देंत।

येरमीया 37:17 ပူးပေါင်းရင်းမြစ်များ

१ राजा 22:15

मिनु मीकाया पिप आ ङोंइती जाक्‍मेनु, पिपमी मेको कली “मीकाया, गो रामोथ-गिलाद कली लडाइ तोङ देय मतोङ?” दे हिल्‍लो पवा बाक्‍‍त। मिनु मेकोमी “लडाइ तोने। मिनु ग्राङीन। मारदे हना परमप्रभु यावेमी मेको इन गुइमी गे‍ब” देंमाक्‍त।

१ राजा 22:16

मिनु पिपमी मेको कली “परमप्रभु यावे आ नेंमी थमा लोव़ ला पचा, दे गिश खेयप कसम जपाइक्‍नना?” देंमाक्‍त।

२ राजा 25:7

मेकोपुकीम सिदकीयाह आ तौ आन कली मेको आ ङोंइतीन सदमे बाक्‍त। मिनु नोले सिदकीयाह आ मिक्‍च पुक्‍तमे बाक्‍त। मिनु मेको कली कांसा के साङलोम पाइश्‍शा बेबीलोन लदमे बाक्‍त। २सामुएल १२:१०

येरमीया 15:11

परमप्रभु यावेम आं कली “थमा पा, गो इ कली रिम्‍शो पा, प्रोंइनन। गो थमा पा श्‍येत नु मरिम्‍शो दुम्‍मेनु इ जोरी सत्रु आन कली, इ गेय पपाइक्‍नुङमी।

येरमीया 21:7

मिनु नोले परमप्रभु यावेमी ‘गो यहूदा ङा पिप सिदकीयाह, मेको आ गेय पाइबपुकी नु मेको सहर ङा बेक्‍तीक रोइ, तरवार नु अन्‍काल रे ब्रोंइशो मुर आन कली बेबीलोन ङा पिप नेबुकदरेसर आ गुइम गेनुङमी। गो मेको आन कली साइक्‍चा माल्‍ब आन जोरी सत्रु आन गुइम जिम्‍मा गेनुङमी। मिनु मेकोमी मेको आन कली तरवारम साइक्‍पाइक्‍ब। मेकोमी मेको आन कली शिशी मपथु, मप्रोंइब नु दाक्‍तीके मकोंइथु, साइक्‍पाइक्‍ब’ मतीस” दे माइक्‍तीम्‍सी।

येरमीया 24:8

तन्‍न गो मेको जचान मदुम्‍चा ङा काइ मदारशो फोव़शी गेडा खोदेंशो पा यहूदा ङा पिप सिदकीयाह, मेको आ सरकार ङा गेय पाइब, यरूसलेम ङा लीशो मुरपुकी नु इजीप्‍त रागीमी बाक्‍ब आन कली मरिम्‍शो पाइनुङ। २राजा २४:१७-२०; ब्‍यवस्‍था २:३१; येरमीया २९:१६-१९

येरमीया 25:35

गोठला आन कली प्रोक्‍तीक तेइ मबाक्‍ब। बगाल ङा लां कोंइब आन ब्रोंइतीक लां तेइ मबाक्‍ब।

येरमीया 37:3

मो हना यो पिप सिदकीयाहम शेलेम्‍याह आ तौ येहुकल नु मासेयाह आ तौ चढ़ेब सेफन्‍याह आस कली परमप्रभु यावे आ लोव़ पाइब येरमीया आ बाक्‍तीकेम “आंइ पर्बम इं परमप्रभु यावे नु पुंइशा गेने” देंथ, मुर सोइक्‍ताक्‍व। येरमीया ७:१६; येरमीया ४२:२

येरमीया 38:5

मिनु पिप सिदकीयाहम “मेको इन गुइमीन बाक्‍ब। गो इन कली मारेइ पने मचाप्‍नुङ” दे माइक्‍तीमी।

येरमीया 52:8

तन्‍न कल्‍दी ङा लडाइ पाइबपुकीम पिप सिदकीयाह कली खेदा पाम्‍तेक्‍म। मिनु मेको कली यरीको ङा दिंमम थित्‍तेक्‍म। मेको आ लडाइ पाइब नेल्‍ल ब्रशा एर ओंथ दुम्‍तेक्‍म।

इजीकीएल 7:26

हिंचा ङा श्‍येत क्‍येङा हिंचा ङा श्‍येत जाक्‍ब। हिंचा ङा लोव़ क्‍येङा हिंचा ङा लोव़ नेंसीब। मेकोपुकीम परमप्रभु यावे आ लोव़ पाइबपुकी रे ‘मुल मार दुम्‍बा’ दे तुइक्‍चा माल्‍नीम। चढ़ेबपुकीमी मुर आन कली मशेंनीम। खाल्‍पा आन अर्ती गेतीक जाम्‍शा लने थुम्‍शो बाक्‍ब।

गन्‍ती 23:17

मिनु मेको बालाक आ बाक्‍तीके लेश्‍शा जाक्‍त। मेना बालाक नु मोआब ङा ठेयब मुरपुकी चोशा चढ़ेतीके आ नेक्‍था राप्‍शा बाक्‍तेक्‍म। मिनु बालाकमी मेको कली “परमप्रभु यावेम मार देंम?” दे हिल्‍लो पाप्‍तु।

मर्कूस 6:20

तन्‍न साइक्‍पाइक्‍ने मचाप्‍शो बाक्‍माक्‍त। मारदे हना हेरोद पिपमी “यूहन्‍ना ठीक पाइब नु रिम्‍शो थुं पाइश्‍शो मुर बाक्‍ब” दे तुइश्‍शा, यूहन्‍ना क्‍येङा हिंबाक्‍माक्‍त। मोपतीके साइक्‍चा मगेथु वोइश्‍शो बाक्‍माक्‍त। मिनु यूहन्‍ना आ लोव़ नेंनें दाक्‍शा, आ थुं ग्‍येत्‍थ लुक्‍च दुम्‍शा, नोफा दाइश्‍शा नेंबाक्‍माक्‍त।