येरमीया 37:13 - Sunuwar Bible

¹³ मिनु मेको बेन्‍यामीन लाप्‍चोमी जाक्‍दीम्‍मेनु, हनान्‍याह आ चच शेलेम्‍याह आ तौ खाल पाइब आन ठेयब मुर इरीयाहम येरमीया कली ग्‍याइश्‍शा “गे प्रोक्‍शा कल्‍दी आन बाक्‍तीकेम लशो बाक्‍नेवे” देंत।

येरमीया 37:13 ပူးပေါင်းရင်းမြစ်များ

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

येरमीया 20:10

गो शुश मुरपुकीम नोफा मुइक्मुशा लोव़ पशो नेंता। मेकोपुकीमी ‘एर ओंथ नेल्‍ल हिंचा ङा श्‍येत बाक्‍ब। येरमीया कली दोस गेय। मेको आ पर्बम उजुर पय’ देंनीम। आं नेक्‍था ङा वारच नेल्‍लेमी ‘गेना दाइल पांइसीबा’ दे आं कली कोव़नीम। मिनु लेंशा ‘गो मेको आ पर्बम लोव़ पा मेको कली ग्राने चाप्‍नीकी। गो मेको क्‍येङा ग्राशा क्‍येक्‍क लेत्‍नय’ देंतेक्‍म” देंत। येरमीया २०:३; येरमीया १८:१८

येरमीया 20:2

मिनु पश्‍हुरमी परमप्रभु यावे आ लोव़ पाइब येरमीया कली तुप्‍‍तु। मिनु परमप्रभु यावे आ खिंम बाक्‍शो बेन्‍यामीन आ इर तला ङा लाप्‍चोम बाक्‍शो ठेंङरो थोक्‍ताक्‍व। प्रेरित १६:२४

येरमीया 21:9

मेको सहरम बाक्‍ब मुर तरवार, अन्‍काल नु मुर बेक्‍तीक रोइम बेक्‍चा माल्‍नीम। तन्‍न सु लाङगा ग्रूशा, इन कली पुम्‍ब कल्‍दी आन कली जिम्‍मा गेंसीबा, मेको ब्रोंइब। मेकोम आ सोक्‍त ला प्रोंइब। येरमीया ३८:२

येरमीया 27:6

मुल गेपुकी नु इन रागी नेल्‍ल आं गेय पाइब बेबीलोन ङा पिप नेबुकदनेसर आ गुइम गेता। ब्‍वाकी ङा जन्‍तु आन कली यो सासन पाइब सेल्‍ता। येरमीया २५:९; यसैया ४५:१,८; इजीकीएल २६:७; दानीएल २:३८

येरमीया 28:14

मिनु मुर नेल्‍ल आन परमप्रभु यावे, इस्राएली आन परमप्रभुमी “बेबीलोन ङा पिप नेबुकदनेसर आ वाइलीम वाइल दुम्‍पाइक्‍चा कली गो रागी नेल्‍ल ङा मुर नेल्‍ल आन शुरम फलाम के जुवा लाप्‍नुङमी। थमा पा, मेको आ वाइलीम वाइल दुम्‍नीम। गो ब्‍वाकी ङा जन्‍तु आन कली यो आ सासनमी गेतामी, देंशो बाक्‍ब, देनो” देंत। ब्‍यवस्‍था २८:४८; येरमीया २७:६

येरमीया 36:12

मिनु मेको तोइश्‍शा, पिप आ खिंम ब्रेक्‍ब आ बाक्‍तीके ओव़दीत्‍त। मेकेर ठेयब मुर नेल्‍ल बाक्‍तेक्‍म। मेकेर सु सु बाक्‍तेक्‍म देंशा हना, ब्रेक्‍ब एली-शामा, शेमायाह आ तौ देलायाह, आकबोर आ तौ एल्‍नाथान, शाफान आ तौ गेमारयाह नु हनान्‍याह आ तौ सिदकीयाह बाक्‍तेक्‍म। येरमीया २६:२२

येरमीया 38:1

मिनु मत्तान आ तौ शेफत्‍याह, पश्‍हुर आ तौ गेदाल्‍याह, शेलेम्‍याह आ तौ युकल नु माल्‍कीयाह आ तौ पश्‍हुरमी येरमीयामी मुर नेल्‍ल आन कली देंशो लोव़ नेंतेक्‍म। मेको आ लोव़ मार बाक्‍त देंशा हना, येरमीया २१:१

येरमीया 38:4

मिनु ठेयब मुरपुकीम पिप कली “एको मुर कली साइक्‍चा माल्‍ब। मारदे हना एकोमी ओदेंशो लोव़ पा, एको सहरमी लीशो लडाइ पाइब नु मुर नेल्‍ल आन थुं लुक्‍च लपाइश्‍शो बाक्‍ब। एको मुरुम मुर आन कली रिम्‍शो ममाइ मरिम्‍शो प‍चा दाक्‍ब” देंतेक्‍म।

येरमीया 38:7

मेकेर पिप आ खिंम गेय पाइब एबेद-मेलेक नें पाइश्‍शो मुर का बाक्‍त। मेको एथीयोपीया ङा बाक्‍त। मेकोमी येरमीया कली इनारम तोक्‍शो नेंतु। मेना पिप बेन्‍यामीन लाप्‍चोमी बाक्‍शो बाक्‍त। येरमीया ३९:१५-१८

बिलाप 4:18

मुरपुकीम आंइ नोले खोइक्‍तेक्‍म। मोपतीके गो आंइ लांमी गाक्‍ने मचाप्‍क। आंइ बेक्‍‍तीक नाक्‍ती जाक्‍त। आंइ नाक्‍त नुप्‍शो बाक्‍तेक्‍म। गो बेक्‍चा चिक्‍तक।

आमोस 7:10

मिनु बेथेल ङा चढ़ेब अमस्‍याहमी इस्राएल ङा पिप येरोबाम कली “इस्राएल आ खिं ङा मुर आन दातेमी इस्राएलम बाक्‍ब आमोसमी इन पर्बम मरिम्‍शो पाइब। एको रागीमी मेको आ लोव़ फाल्‍ने मचाप्‍ब।

जकरिया 14:10

मिनु रागी नेल्‍ल दिंम दुम्‍ब। मेको गेबा रे पा यरूसलेम आ दक्‍खिन ङा रिम्‍मोन सम्‍म दिंम दुम्‍ब। तन्‍न यरूसलेम बेन्‍यामीन लाप्‍चो रे, माइत लाप्‍चो लाक्‍शा, सुर ङा लाप्‍चो सम्‍म नु हानानेल माइश्‍शो लाइश्‍शो खिं रे पिप आ अङगुर ख्राक्‍तीक सम्‍म बाक्‍ब। मिनु यरूसलेम आ इर ङा बाक्‍तीकेम बाक्‍‍ब। यहोसु १५:३२; येरमीया ३१:३८

लूका 23:2

मिनु पिलातस आ ङोंइती राप्‍पाइश्‍शा “हजुर, एको मुरुमी मुर आन थुं क्‍याल्‍ब। ‘सिजर कली ममानेचा। तिरो थाप्‍चा ममाल्‍ब। गो ख्रीस्‍त नङ। मिनु गोन पिप नङ’ दे शेंना शेंन गाक्‍त” दे दोस गेमे बाक्‍त। प्रेरित २४:५; लूका २०:२५

प्रेरित 24:13

आं कली शुश अरु दोस यो गेतीमी। तन्‍न थमा पा ग्रुंइशा कोंइने मचबेम।

प्रेरित 6:11

मोपा ग्राने मचाप्‍तीके सुइ आन मतुइक्‍थु, मुर आन कली पोक्‍शा “मेकोमी इं किकी पिपी मोसा नु परमप्रभु यावे आ पर्बम हेंथे नु ग्रांग्रा दिशो लोव़ पशो नेंतक” दे जोल पा लोव़ ब्रपदमे बाक्‍त। मत्ती २६:६०-६६

२ कोरिन्‍थी 6:8

आंइ नें चुइक्‍ताक्‍म हना यो, क्‍याम्‍ताक्‍म हना यो, आंइ कली मान पाम्‍तेक्‍म हना यो, ग्रांग्रा दिम्‍तेक्‍म हना यो, मेको आन पशो मारेइ मसुइक्‍नीकी। मुरपुकीमी आंइ पर्बम “जोल पा शेंशा, मुर आन थुं क्‍याल्‍शा हेंथे शेंनीम” देंतेक्‍म हना यो, गो थमा लोव़ शेंनीकी।