येरमीया 37:1 - Sunuwar Bible

¹ बेबीलोन ङा पिप नेबुकदरेसरमी योसीयाह आ तौ सिदकीयाह कली यहूदा ङा पिप सेल्‍शो बाक्‍त। मिनु येहो-याकीम आ तौ कोन्‍याह आ पा ङा मेकोमी सासन पचा गोप्‍तु। येहो-याकीम आ अर्को नें कोन्‍याह बाक्‍ब। २राजा २४:१७

येरमीया 37:1 ပူးပေါင်းရင်းမြစ်များ

२ राजा 24:12

मिनु यहूदा ङा पिप येहो-याकीन, नेबुकदनेसर कली जिम्‍मा गेसे बाक्‍त। मिनु मेको नु मेको आ ममा, आ गेय पाइबपुकी, आ ठेयब मुरपुकी नु आ लडाइ पाइब आन ठेयब मुर नेल्‍ल बेबीलोन ङा पिप कली जिम्‍मा गेसमा बाक्‍त। मिनु बेबीलोन ङा पिपम सासन पवा आ ८ बर्सम येहो-याकीन कली ग्‍याइश्‍शा चोक्‍गा बाक्‍त।

२ राजा 24:17

बेबीलोन ङा पिपमी येहो-याकीन आ बकान्‍छा मत्तन्‍याह कली मेको आ पा ङा पिप सेला बाक्‍त। मिनु मेको आ नें सिदकीयाह वोदा बाक्‍त।

येरमीया 21:1

मिनु पिप सिदकीयाहम माल्‍कीयाह आ तौ पश्‍हुर नु मासेयाह आ तौ चढ़ेब सेफन्‍याह आस कली लोव़ कुर पा येरमीया आ बाक्‍तीकेम सोइक्‍ताक्‍सी। मेना परमप्रभु यावेमी येरमीया कली लोव़ पाप्‍तु। येरमीया ३९:१-१०; येरमीया २९:२५-२६; येरमीया ३७:३; येरमीया ५२:२४

येरमीया 22:24

परमप्रभु यावेम “गो दोपा ब्रोंइशा बाक्‍ङा, मोपा यहूदा ङा पिप येहो-याकीम आ तौ कोन्‍याह माइश्‍शो येहो-याकीम कली ‘गे आं ग्‍युरा गुइ ङा छाप थोक्‍तीक औंठी नवे हना, गो इ कली ग्रुंइशा ताइक्‍तन वा।कोन्‍याह कली योयाकीम यो देंनीम। २राजा २४:८-१६; येरमीया २४:१

येरमीया 22:28

मार, एको कोन्‍याह माइश्‍शो मुर सुइम मदाक्‍शो ब्रोल्‍शो ग्‍योंब खोदेंशो बाक्‍बा ङा? मेको मोदेंशो ग्‍योंब कली सुइम ममाल्‍नीम। मोपतीके मेको नु मेको आ आल आन मतुइश्‍शो रागीम ताइक्‍चा पुंइसीनीमी?’ ” देंत। कोन्‍याह माइश्‍शो येहो-याकीम आ तौ कली येकोन्‍याह यो देंनीम। येरमीया २४:१

येरमीया 24:1

बेबीलोन ङा पिप नेबुकदरेसरमी यहूदा ङा पिप येहो-याकीम आ तौ येकोन्‍याह, यहूदा ङा पिप आ गेय पाइब, मार मार सेल्‍स जोक्‍ब नु तुप्‍तील आन कली यरूसलेमम ग्‍याइश्‍शा बेबीलोन लदा बाक्‍त। मेको नोले परमप्रभु यावेमी आं कली आ खिं आ ङोंइती डालो निक्‍शी फोव़शी गेडा कोंइताक्‍यी।येहो-याकीम आ नें २राजा २४:६ योयाकीन बाक्‍ब। तन्‍न येरमीया किताबम २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम। २राजा २४:१४-१६

येरमीया 34:2

मिनु परमप्रभु यावे, इस्राएली आन परमप्रभुमी आं कली “यहूदा ङा पिप सिदकीयाह आ बाक्‍तीक लावो। मिनु मेको कली परमप्रभु यावेमी ‘गो एको सहर बेबीलोन ङा पिप आ गुइम गेनुङ। मिनु मेकोमी एको सहर कली मीम क्रोइक्‍ब। येरमीया २१:१०

येरमीया 52:31

यहूदा ङा पिप येहो-याकीन कली ग्‍याइश्‍शा लाइश्‍शो ३७ बर्समी एवील-मेरोदक बेबीलोन ङा पिप दुम्‍त। मेको आ सासन पशो १२ महिना २५ नाक्‍ती दुम्‍मेनु, मेकोमी यहूदा ङा पिप येहो-याकीन कली चोक्‍तीक रे प्रोंइपाइक्‍तु।