येरमीया 36:4 - Sunuwar Bible

⁴ मिनु येरमीयामी नेरीयाह आ तौ बारुक कली ब्रेप्‍पाइक्‍तु। मिनु बारुकम येरमीयामी ब्रेक्‍पाइश्‍शो परमप्रभु यावेम देंशो लोव़ नेल्‍ल कागजम ब्रेक्‍ताक्‍व। येरमीया ३२:१२; येरमीया ४५:१

येरमीया 36:4 ပူးပေါင်းရင်းမြစ်များ

यसैया 30:8

मिनु परमप्रभु यावेमी यसैया कली “मुल गे लावो, मेको मुर आन ङोंइती आं लोव़ फुल्‍लु तार ब्रेक्‍तो। मिनु किताबम ब्रेक्‍तो। नोले सम्‍म लील, दे नु गेना हना यो सांकछी दुम्‍पाइक्‍चा कली ब्रेक्‍तो।

यसैया 8:1

मिनु परमप्रभु यावेमी आं कली “गे ठेयब कागज का चाक्‍को। मिनु रिम्‍शो पा रुप्‍चा ङा पा ‘माहेर-शालाल-हाश-बाज’ ब्रेक्‍तो” देंत। माहेर-शालाल-हाश-बाज आ अर्थ गा पा शुश रोइक्‍चा बाक्‍ब।

येरमीया 25:13

परमप्रभु यावेमी “मेको रागी कली आं देंशो लोव़ नेल्‍ल, एको किताबम ब्रेक्‍शो लोव़ नु आं लोव़ पाइब येरमीयामी रागी रागी नेल्‍ल ङा मुर आन कली पशो नोले दुम्‍ब लोव़ नेल्‍ल मेको रागीम मोइक्‍नुङ।

येरमीया 30:2

परमप्रभु यावे, इस्राएली आन परमप्रभुमी येरमीया कली मार लोव़ पाप्‍तु देंशा हना “गो इ कली देंशो लोव़ नेल्‍ल किताबमी ब्रेक्‍तो।

येरमीया 32:12

मिनु गो मेको रू ग्‍याप्‍शो ब्रेक्‍शो कागज आं बकान्‍छा आ तौ हनामेलम आ ङोंइती, सांकछी नु पिप कली खाल पाइब आ लाङगाम बाक्‍शो यहूदी आन ङोंइती माहसेयाह आ चच, नेरीयाह आ तौ बारुक कली गेता। मेको सांकछी नेल्‍ल आन नें यो कागजम ब्रेक्‍शो बाक्‍तेक्‍म।

येरमीया 36:14

मिनु ठेयब मुर नेल्‍ल गारशा, नेथन्‍याह आ तौ शेलेम्‍याह आ चच कूशी आ युइ येहूदी कली “लशा, नेरीयाह आ तौ बारुक कली मुर आन कली पढेशा नेंपाइश्‍शो कागज कुरशा एक जाक्‍को मतो” दे सोइक्‍ताक्‍मे। मोपतीके गेदाल्‍याह आ तौ बारुक मेको कुरशा, आन बाक्‍तीके जाक्‍त। २राजा २२:११

येरमीया 36:21

मिनु पिपमी मेको कली “कागज चाक्‍को” दे येहूदी कली सोइक्‍ताक्‍व। मिनु मेकोमी ब्रेक्‍ब एली-शामा आ कोठा रे ग्रुंइशा चाक्‍तु। मिनु येहूदीम पिप नु पिप आ नेक्‍था बाक्‍ब ठेयब मुर आन कली मेको पढेशा नेंपाइक्‍तु।

येरमीया 36:23

मिनु येहूदीम सां नु ४ हरप पढेने थुमानु, पिपम कागज ख्रोइक्‍तीकेम ख्रोइश्‍शा, मीम हुम्‍ताक्‍व। मेको तोल्‍शो कागज नेल्‍ल मनुम्‍म सम्‍म पिपम मो पना पन बाक्‍त।

येरमीया 36:26

मेको आ पा ङा पिपमी आ तौ येराहमेल, अज्रीएल आ तौ सेरायाह नु अब्‍देल आ तौ शेलेम्‍याह आन कली मेको ब्रेक्‍ब बारुक नु परमप्रभु यावे आ लोव़ पाइब येरमीया कली फ्रेंशा चाक्‍चा नस, दे हुकुम गेम्‍तीमी। तन्‍न परमप्रभु यावेम मेको आस कली ख्रुइक्‍ने थुम्‍शो बाक्‍त।

येरमीया 36:27

मिनु येरमीयामी ब्रेक्‍पाइश्‍शो बारुकम ब्रेक्‍शो मेको तोल्‍शो कागज पिपम चोने थुमा नोले, परमप्रभु यावेमी येरमीया कली

येरमीया 36:28

“अर्को कागज काम यहूदा ङा पिप येहो-याकीममी चोशो ङोंइती ङा कागजम बाक्‍शो लोव़ नेल्‍ल लेंशा ब्रेक्‍तो” देंत।

येरमीया 36:32

मिनु येरमीयामी अर्को कागज का चाक्‍शा नेरीयाह आ तौ ब्रेक्‍ब बारुक कली गेप्‍तु। मिनु मेकोमी येरमीयाम देंशो खोदेंशो पा यहूदा ङा पिप येहो-याकीममी मीम चोशो कागज ङा लोव़ नेल्‍ल मेको कागजम ब्रेक्‍ताक्‍व। मिनु येरमीयामी अरु शुश लोव़ यो मेकेर तेम्‍ताक्‍व।

येरमीया 36:6

मोपतीके गे तेकोइ माइजा बाक्‍तीक नाक्‍त परमप्रभु यावे आ खिं लशा, आं इ कली ब्रेक्‍पाइश्‍शो कागजम बाक्‍शो लोव़ मुरपुकीम नेंचा ङा पा पढेशा नेंपाइक्‍मी। यहूदा ङा सहर रे जाक्‍शो मुर नेल्‍लेम नेंचा ङा पा पढेशा नेंपाइक्‍मी।

येरमीया 43:3

तन्‍न कल्‍दीपुकीम आंइ कली सदमेक्‍ल कि ग्‍याइश्‍शा बेबीलोनमी लदमेक्‍ल, दे मिम्‍शा, नेरीयाह आ तौ बारुकमी इन कली आंइ पर्बम मरिम्‍शो पचा कली क्‍युक्‍शो बाक्‍ब” देंतेक्‍म। येरमीया ३६:३२

येरमीया 51:59

परमप्रभु यावे आ लोव़ पाइब येरमीयामी माहसेयाह आ चच नेरीयाह आ तौ सेरायाह पिप आ गेय पाइब कली अरेप्‍तु। मिनु मेको यहूदा ङा पिप सिदकीयाहम सासन पवा आ ४ बर्सम पिप नु बेबीलोन लशो बाक्‍त। येरमीया ३६:४

येरमीया 51:60

येरमीयामी बेबीलोनम जाक्‍चा चिक्‍शो श्‍येत आ पर्बम ङा लोव़ कागज काम ब्रेक्‍ताक्‍व। बेबीलोन आ पर्बम नेल्‍ल ब्रेक्‍ताक्‍व। येरमीया ५०:१-५०,५८

इजीकीएल 2:9

मिनु गो कोव़ङुनु, गुइ का आं गे दिंशो ताता। मेकेर ब्रेक्‍शा ओल्‍शो कागज का बाक्‍त। प्रकाश १०:८

दानीएल 7:1

मिनु बेबीलोन ङा बेल-शजर पिप दुम्‍शो ङोंइती ङा बर्समी दानीएल इम्‍मेनु, ङोमु पा, कोंइतीके का ताप्‍तु। मिनु मेकोमी आ तशो ङोमु ब्रेक्‍ताक्‍व। दानीएल ५:१

जकरिया 5:1

मिनु गो इर गे कोव़ङुनु, प्रा‍क्‍सीशो ब्रेक्‍स का बेरशो ता‍ता।

रोमी 16:22

पावलमी अरेशा ब्रेक्‍पाइश्‍शो एको चिठी ब्रेक्‍ब गो तेरतीयस नङ। मिनु प्रभु आ नेंमी गो यो इन कली “रिम्‍शो बाक्‍कीन” दे ब्रेक्‍ताक्‍ङ।