येरमीया 36:31 - Sunuwar Bible

³¹ गो मेको कली, मेको आ आल आन कली नु आ गेय पाइब आन कली आन मरिम्‍शो पशो आ पर्बम सजाइ गेनुङमी। गो मेको आन कली, यरूसलेममी बाक्‍ब आन कली नु यहूदामी बाक्‍ब नेल्‍ल आन कली आं देंशो ठेयब श्‍येत नेल्‍ल गेनुङ। मारदे हना मेकोपुकीमी आं देंशो लोव़ मनेनेम” देंत।

येरमीया 36:31 ပူးပေါင်းရင်းမြစ်များ

भजन संग्रह 94:23

मेकोमी मेको आन मरिम्‍शो पशो आन पिया तार मोइक्‍ब। मिनु मेको आन अरेशो मटितीके मेको आन कली साइक्‍ब। परमप्रभु यावे, आंइ परमप्रभुमी मेको आन कली खतम पोक्‍ब।

हितोपदेस 29:1

शुश हुइक्‍चा पुंइसीशा यो, काइ मटीब दुम्‍तेक्‍म हना, मेको आन मतुइक्‍थु वारच पाइक्‍चा मपुंइसीथु, खतम दुम्‍नीम। हितोपदेस १५:१०

येरमीया 11:8

तन्‍न मेकोपुकीमी आन नोफा मदाइक्‍तेम। आं देंशो लोव़ मटीमे। मेको आ पा ङा मेकोपुकीमी आन खकटा थुंमी मरिम्‍शो पा काइ मटीमे। गो मेको आन कली आं कबल ङा लोव़ नेल्‍ल पने, दे अरेता। तन्‍न मेको पने मबिस्‍सम” देंत। येरमीया ३:१७; येरमीया ७:२६; येरमीया १३:१०; येरमीया १८:१२; ब्‍यवस्‍था २८:१५-६८

येरमीया 17:18

आं कली खेदा पाइब आन कली मुने तोक्‍कीन। तन्‍न आं कली चहिं मुने मतोक्‍यीनी। मेकोपुकी हिंमल। तन्‍न आं कली चहिं हिंतीक रे प्रोंइ‍यीनी। मेको आन ठेयब श्‍येत ङा नाक्‍त चाक्‍कीन। मेको आन कली निक्‍शी खेयप ङा श्‍येतम सतीन” देंती। बजन संग्रह ३५:४

येरमीया 19:15

मुर नेल्‍ल आन परमप्रभु यावे, इस्राएली आन परमप्रभुमी मार देंत देंशा हना “गो एको सहर नु आ नेक्‍था ङा सहर ङा मुर नेल्‍ल आन कली आं ङोंइती देंशो ठेयब श्‍येत जपाइक्‍नुङमी। मारदे हना मेको आन थुं खकटा बाक्‍ब। मिनु आं लोव़ नेंचा मदाक्‍नीम” दे माइक्‍तीमी।

येरमीया 23:34

परमप्रभु यावेम “तेकोइ आं लोव़ पाइब, तेकोइ चढ़ेब नु अरु सुइमी ‘एको परमप्रभु यावे आ देंशो श्‍येत बाक्‍ब’ देंतेक्‍म हना, गो मेको आन कली नु मेको आन खिं ङा मुर आन कली सजाइ गेनुङमी” देंत, दे माइक्‍मी।

येरमीया 29:32

मोपतीके गो नेहेलाम ङा शेमायाह नु मेको आ चच युइ आन कली सजाइ गेनुङमी। मेको आ मुर सुइमी आं मुर रिम्‍शो दुम्‍शो तचा मताइनीम। मारदे हना मेकोमी आं कली मटिथु आं पर्बम दूली लोव़ पाप्‍तु” दे परमप्रभु यावेमी येरमीया कली देंत।

येरमीया 35:17

मोपतीके मुर नेल्‍ल आन परमप्रभु यावे, इस्राएली आन परमप्रभुमी “नेनीन, गो यहूदा नु यरूसलेमम बाक्‍ब मुर आन कली आं देंशो ठेयब श्‍येत नेल्‍ल चाक्‍‍नुङ। मारदे हना गो मेको आन कली लोव़ पाता, तन्‍न मेकोपुकीमी मनेनेम। गो मेको आन कली ब्रेत्‍ताक्‍ङमी, तन्‍न मेकोपुकीमी लोव़ मलेत्‍तीमी” देंत। येरमीया ७:१३-१५

येरमीया 52:2

मिनु मेकोम येहो-याकीममी खोदेंशो पा परमप्रभु यावे आ ङोंइती मार मरिम्‍शो बाक्‍मे, मेको पाप्‍तु।

इजीकीएल 7:8

मुल गो रीब पा गाइक्‍नुङ। मिनु आं चुरशो इ तार मोइक्‍नुङ। गो इ पशो खोदेंशो पा इ कली निसाफ पाइनुङ। मिनु इ मूर्ति पूजा पशो नेल्‍ल आन पर्बम सजाइ गेनन।

इजीकीएल 7:9

गो इ कली शिशी मपथु, सुइ आन कली ब्रोंइचा मगेनुङ। गो इ कली इ पशो खोदेंशो पा सजाइ गेनुङ। इ मूर्ति पूजा पशो इ दातेम बाक्‍ब। मिनु गो इ कली तुप्‍ब, परमप्रभु यावे नङ, दे तुइक्‍नेवे।

लेवी 26:14

तन्‍न गेपुकीमी आं लोव़ मटीतीनी नु आं अरेशो मपाइतीनी,

मत्ती 23:37

ए यरूसलेम, यरूसलेम, परमप्रभु यावे आ लोव़ पाइब आन कली साइक्‍तीवी। इ कली शेंथ सोइश्‍शो आन कली फुल्‍लु क्रोम्‍ताक्‍वी। पोथीमी आ चितोली आन कली आ फ्रा आगामी पुप्‍शो खोदेंशो पा, गो शुश खेयप इ आल आन कली पुप्‍चा माल्‍ता, गे चहिं मबिस्‍से।