येरमीया 36:26 - Sunuwar Bible

²⁶ मेको आ पा ङा पिपमी आ तौ येराहमेल, अज्रीएल आ तौ सेरायाह नु अब्‍देल आ तौ शेलेम्‍याह आन कली मेको ब्रेक्‍ब बारुक नु परमप्रभु यावे आ लोव़ पाइब येरमीया कली फ्रेंशा चाक्‍चा नस, दे हुकुम गेम्‍तीमी। तन्‍न परमप्रभु यावेम मेको आस कली ख्रुइक्‍ने थुम्‍शो बाक्‍त।

येरमीया 36:26 ပူးပေါင်းရင်းမြစ်များ

१ राजा 17:3

मार लोव़ पवा बाक्‍त देंशा हना “एको रागी प्रोंइशा, पूर्ब गे लावो। मिनु यर्दन आ पूर्ब गे बाक्‍शो केरीथ खोलाम लशा ख्रुइश्‍शा बाक्‍को।

१ राजा 17:9

मार लोव़ पवा बाक्‍त देंशा हना “मुल गे सीदोन ङा चारेफाथ सहर लावो। गो मेकेर इ कली थुल्‍चा कली आ वोंइश बेक्‍शो मीश मुर का कली अरेता” देंमाक्‍त। लूका ४:२५-२६

१ राजा 18:4

इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, ओबदियामी मेको आन दाते ङा सहे का जना आन कली लाइश्‍शा, मेको आन कली प्रोंइचा कली जचा तूचा थोव़क गेशा ५०, ५० जना ङा हुल पा पुक्‍खी निक्‍शीम ख्रुइश्‍शा वोइश्‍शो बाक्‍माक्‍त।

१ राजा 19:10

मिनु मेकोमी “परमप्रभु यावे, मुर नेल्‍ल आन परमप्रभु, गो इन पर्बम शुश गेय पाता। इस्राएलीमी इन कबल प्रोंइतेक्‍म। इन कली चढ़ेतीक प्रेत्‍तेक्‍म। मिनु इन लोव़ पाइब आन कली तरवारम क्‍योरशा साइक्‍तेक्‍म। गो आं का ला लीशो बाक्‍नुङ। मिनु मुल मेकोपुकीमी आं कली यो साइक्‍चा माल्‍शो बाक्‍नीम” देंमाक्‍त। भजन संग्रह ६९:१०; यसैया ४९:४; १राजा १८:२२; रोमी ११:३

१ राजा 19:14

मिनु मेकोमी “परमप्रभु यावे, मुर नेल्‍ल आन परमप्रभु गो इन पर्बम शुश गेय पाता। इस्राएलीमी इन कबल प्रोंइतेक्‍म। इन कली चढ़ेतीक प्रेत्‍तेक्‍म। मिनु इन लोव़ पाइब आन कली तरवारम क्‍योरशा साइक्‍तेक्‍म। गो आं का ला लीशो बाक्‍नुङ। मिनु मुल मेकोपुकीमी आं कली यो साइक्‍चा माल्‍शो बाक्‍नीम” देंमाक्‍त।

१ राजा 22:26

मिनु इस्राएल ङा पिपम “मीकाया कली ग्‍याइक्‍तीन। मिनु सहर ङा ठेयब मुर आमोन नु पिप आ तौ योआश आस जिम्‍माम गेने।

२ राजा 11:2

तन्‍न पिप येहोराम आ तमी, अहाज्‍याह आ समी येहो-शेबा बाक्‍माक्‍त। मेकोमी अहाज्‍याह आ तौ योआश कली मेको साइक्‍चा पुंइसीब पिप आ आल आन दाते रे लाइश्‍शा, मेको आ खाल पाइब मीश मुर नु इप्‍तीके कोठा काम ख्रुइक्‍ता बाक्‍त। मोपा अथाल्‍याहमी मेको आल कली साइक्‍चा मतवा बाक्‍त।

२ इतिहास 18:26

‘पिप आ देंशो मार बाक्‍ब देंशा हना, मेको मुर कली जेल्‍खानम चोक्‍शा वोतीन। रिम्‍शो पा लेश्‍शा मजाक्‍ङा सम्‍म, एको कली इच्‍का शोब्‍ले नु ब्‍वाक्‍कु ला गेने’ दे पिपम हुकुम पशो बाक्‍ब देनीन” देंमाक्‍त। २इतिहास १६:१०

भजन संग्रह 105:15

मेकोमी “आं तेल लुक्‍शो आन कली मथिने। आं लोव़ पाइब आन कली मारेइ मपतीन” दे हुइक्‍तीमी बाक्‍त।

भजन संग्रह 121:8

परमप्रभु यावेमी गे लाङगा खिंङगा पवीनु यो इ कली खाल पाइब। मुल रे गेना हना यो मो पाइब। ब्‍यवस्‍था २८:६

भजन संग्रह 27:5

मारदे हना श्‍येत दुम नाक्‍ती, मेकोमी आं कली आ बाक्‍तीकेमी ख्रुइश्‍शा वोइक्‍ब। मिनु आं कली सेरथे फुल्‍लु तारी वोइक्‍ब। भजन संग्रह ३१:२१

भजन संग्रह 32:7

गे आं ख्रुइश्‍शा बाक्‍तीके बाक्‍नीनी। गे आं कली श्‍येत रे प्रोंइनीनी। गे आं कली श्‍येत रे प्रोंइतीक कुम्‍सो पपाइक्‍नीनी। ठेयब सेंदा पा।

भजन संग्रह 57:1

परमप्रभु शिशी पने। आं कली शिशी पाइय्‍यीनी। मारदे हना आं थुं गे नु ख्रुंइसीब। एको खतम पोक्‍ब फश गिवार मनुम्‍‍म सम्‍म गो इन फ्रां आगामी ख्रुंइसीशा बाक्‍नुङ। भजन संग्रह १७:८; भजन संग्रह ९१:१-२

भजन संग्रह 64:2

इन अरेशो मटीब आन क्‍येङा ख्रुइक्‍तीनी। मरिम्‍शो पाइब आन ख्रुइश्‍शा मिम्‍शो रे ख्रुइक्‍तीनी।

भजन संग्रह 91:1

सु नेल्‍ल क्‍येङा ठेयब आ फाप्‍तीकेम बाक्‍बा नु नेल्‍ल क्‍येङा सक्ति पाइश्‍शो आ नेक्‍था बाक्‍बा,

यसैया 26:20

आं मुरपुकी जाक्‍शा, इन खिं ओव़ङीन। मिनु इन नोले लाप्‍चो चोक्‍कीन। गाइक्‍चा मनुम्म सम्‍म इच्‍का नाक्‍ती ख्रुंइ‍सीन। मत्ती ६:६

येरमीया 1:19

मेकोपुकीमी इ कली लडाइ तोइनीम। तन्‍न इ क्‍येङा ग्राने मचाप्‍नीम। मारदे हना इ कली प्रोंइचा कली गो गे नु बाक्‍नुङ” दे परमप्रभु यावेमी देंत।

येरमीया 2:30

गो इन आल आन कली मोशा तुप्‍ता‍मी। गो मेको आन कली शेंचा दाक्‍ताक्‍ङ। तन्‍न मबिस्‍सम। इन कली सोइश्‍शो आं लोव़ पाइब इन तरवारमी साइक्‍चा पुंइसाक्‍म। गेपुकी ग्रु दाक्‍ब गुप्‍स खोदेंशो बाक्‍नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५

येरमीया 26:24

तन्‍न शाफान आ तौ अहीकामम मुल यो येरमीया आ पोन बोक्‍शा लोव़ पाप्‍तु। मोपतीके येरमीया साइक्‍पांइ‍सीचा कली मुर आन गुइम जिम्‍मा गेचा मपुंइसे। २राजा २२:१२

येरमीया 36:19

मिनु मेको ठेयब मुरपुकीम बारुक कली “गे नु येरमीया निम्‍फा लशा, ख्रुंइसीस। गे निक्‍शी ते बाक्‍सी, दे सुइम मतुइक्‍तमेक्‍ल” दे माइक्‍तेक्‍म। येरमीया २५:८-११; येरमीया ७:२०; येरमीया ९:९-१०

येरमीया 36:5

मिनु येरमीयामी बारुक कली “गो परमप्रभु यावे आ खिं लने मचाप्‍नुङ।

येरमीया 38:6

मोपतीके मेकोपुकीमी येरमीया कली लाइश्‍शा, पिप आ तौ माल्‍कीयाह आ इनारम तोक्‍तेक्‍म। मेको इनार पिप आ दरवार खाल पाइब आ लाङगाम बाक्‍त। मिनु मेकेर डोरीम फ्रेंशा इनारम तोक्‍तेक्‍म। मेको इनारमी ब्‍वाक्‍कु मबाक्‍माक्‍त। हिलो ला बाक्‍माक्‍त। मिनु येरमीया मेको हिलोम ग्रुम्‍‍त।

यूहन्‍ना 11:57

मिनु ठेयब चढ़ेब नु फरिसीपुकीमी “सुमी येसु ते बाक्‍बा, दे तुइक्‍ता, मेकोमी आंइ कली यो तुइक्‍पदल” दे मुर आन कली देंशो बाक्‍मा बाक्‍त। मोपा येसु कली ग्‍याइक्‍चा माल्‍मे बाक्‍त।

यूहन्‍ना 7:32

मिनु फरिसीपुकीमी मुर आन पशो लोव़ नेंशा, ठेयब चढ़ेब नु फरिसीपुकीमी “येसु कली ग्‍याइक्‍चा” दे पिप आ गेय पाइब ठेयब मुर आन कली सोइक्‍ताक्‍म।

यूहन्‍ना 8:20

येसुमी परमप्रभु यावे आ खिं ङा शोंप वोइक्‍तीक कोठा आ ङोंइती बाक्‍शा, मोदेंशो शेंशो बाक्‍त। परमप्रभु यावे आ खिंमी बाक्‍शा शेंशा यो, सुइमी मग्‍याइक्‍तेम। मारदे हना मेको कली ग्‍याइक्‍ची ना मजाक्‍शो बाक्‍त। यूहन्‍ना ७:३०

यूहन्‍ना 8:59

मिनु यहूदीपुकीमी “फुल्‍लु आप्‍शा साइक्‍चा” दे फुल्‍लु गुप्‍तेक्‍म। तन्‍न येसु ख्रुंइसाक्‍व। मिनु परमप्रभु यावे आ खिं रे ग्रूशा गाक्‍त। यूहन्‍ना १०:३१

प्रेरित 12:11

मेना ब्रङ सेंसीशा “परमप्रभुमी पिप हेरोद नु आं कली खेदा पाइब यहूदी आन गुइ रे प्रोंइथ, आ गेय पाइब सोइश्‍शा प्रोंइयी बाक्‍त” दे तुइक्‍ता बाक्‍त।