येरमीया 36:24 - Sunuwar Bible

²⁴ पिप नु मेको आ गेय पाइबपुकी मेको लोव़ नेंशा महिंम। मेकोपुकीमी आन वा यो मखाक्‍गेम।

येरमीया 36:24 ပူးပေါင်းရင်းမြစ်များ

उत्पत्ती 37:29

मिनु रूबेनमी योसेफ प्रोंइचा कली मेको ढोडोङगा लशा कोव़ङानु, योसेफ कली मथित्‍थु, सुर्ता पा, आ वा खाक्‍गा बाक्‍त।

उत्पत्ती 37:34

मिनु याकूबम आ फेक्‍शो वा खाक्‍शा, अरन्‍डी फेक्‍शा, शुश नाक्‍ती रोंका पवा बाक्‍त।

२ सामुएल 1:11

मेको लोव़ नेंशा, दाऊदम आ वा खाक्‍गा बाक्‍त। मेको नु बाक्‍ब मुर नेल्‍लेमी यो मो पामे बाक्‍त। १सामुएल ४:१२

१ राजा 21:27

मिनु आहाबम मेको लोव़ नेंशा, आ वा खाक्‍गा बाक्‍त। मिनु अरन्‍डी फेक्‍शा माइजा बाक्‍माक्‍त। मेको अरन्‍डी फेक्‍शा आ थुं लुक्‍च लशा इम्‍माक्‍त।

अय्‍युब 15:4

गे परमप्रभु कली मान पा हिंतीके तेक्‍नीनी। मिनु परमप्रभु कली मिम्‍शा पुंइचा यो तेक्‍नीनी।

भजन संग्रह 36:1

परमप्रभु आ अरेशो मटीब आन थुंमी हेंथे पतीक लोव़ बाक्‍ब। मार लोव़ बाक्‍ब देंशा हना “मेकोपुकीम परमप्रभु कली मान पा महिंनीम” देंशो लोव़ बाक्‍ब। रोमी ३:१८

भजन संग्रह 36:2

मेकोपुकी ठेयब लेश्‍शा “आंइ मरिम्‍शो पशो गेनायो मतुंइसीब, गो दोस मताइनय” दे मिम्‍नीम। रोमी ३:१८

भजन संग्रह 64:5

मिनु मेकोपुकीमी आन मरिम्‍शो पशो आ पर्बम आंम आंमा ठीक पाइतीनी, देंमुइनीम। ख्रुइश्‍शा ब्‍वारद दाइक्‍तीक आ पर्बम लोव़ पाइनीम। मेकोपुकीमी “इं कली सुम ताइबा ङा” देंनीम। भजन संग्रह ९४:७

प्रस्‍थान 7:23

मिनु फाराओ आ खिं लेम्‍माक्‍त। मार दुम्‍मे, मारेइ ममिम्‍ता बाक्‍त।

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 36:22

मिनु दरवार कोव़ब, हिल्‍कीयाह आ तौ, एल्‍याकीम, ब्रेक्‍ब शेब्‍ना नु इतिहास ब्रेक्‍ब आसाफ आ तौ, योआहम आन वा खाक्‍शा हिज्‍कीयाह आ ङोंइती जाक्‍शा, मेको राब्‍शाके आ लोव़ नेल्‍ल शोव़तेक्‍म।

यसैया 37:1

मिनु पिप हिज्‍कीयाहमी मेको लोव़ नेंशा, आ वा खाक्‍शा, अरन्‍डी फेक्‍शा परमप्रभु यावे आ खिं लत।

येरमीया 36:16

मिनु मेकोपुकीमी मेको पढेशो नेल्‍ल नेंशा हिंशा आन कुल कोव़मुम्‍तेक्‍म। मिनु मेकोपुकीमी बारुक कली “गोपुकीम एको लोव़ नेल्‍ल पिप कली नेंपाइक्‍चा माल्‍नीकी” देंतेक्‍म।

येरमीया 5:3

मिनु “परमप्रभु यावे, गे थमा लोव़ तचा ममाल्‍नीनी ङा? गे मेको आन कली तुप्‍तीनी। तन्‍न मेकोपुकी मखा‍इक्‍म। गे मेको आन कली खतम सेल्‍‍तीनी। तन्‍न मेकोपुकीमी इन देंशो पचा मबित्‍‍नीम। मेकोपुकीम आन कुल फुल्‍लु क्‍येङा यो खकटा सेल्‍तेक्‍म। मेकोपुकी लेश्‍शा जाक्‍ने मबिस्‍सम। येरमीया २:३०; येरमीया७:२८; येरमीया ९:२; यसैया ४८:४

योना 3:6

मिनु निनवे ङा पिपमी यो मेको लोव़ नेना बाक्‍त। मेको आ ठेयब नित्‍तीके रे बोक्‍शा, पिप आ फेक्‍तीके वा प्रुइश्‍शा, अरन्‍डी फेक्‍शा, पुलु तारी निस्‍से बाक्‍त।

मत्ती 12:41

निसाफ पची नाक्‍तीम निनवे सहर ङा मुरपुकी बोक्‍शा, एको पाला ङा आन कली दोसी सुइक्‍नीम। मारदे हना मेकोपुकीमी योना आ लोव़ नेंशा, आन थुं परमप्रभु यावे गे लेत्‍ताक्‍म। नेनीने, एकेर का योना क्‍येङा ठेयब बाक्‍ब। जोना ३:५

रोमी 3:18

“परमप्रभु यावे कली मान पा महिंनीम” दे ब्रेक्‍शो बाक्‍ब। भजन संग्रह ३६:२