येरमीया 36:19 - Sunuwar Bible

¹⁹ मिनु मेको ठेयब मुरपुकीम बारुक कली “गे नु येरमीया निम्‍फा लशा, ख्रुंइसीस। गे निक्‍शी ते बाक्‍सी, दे सुइम मतुइक्‍तमेक्‍ल” दे माइक्‍तेक्‍म। येरमीया २५:८-११; येरमीया ७:२०; येरमीया ९:९-१०

येरमीया 36:19 ပူးပေါင်းရင်းမြစ်များ

१ राजा 17:3

मार लोव़ पवा बाक्‍त देंशा हना “एको रागी प्रोंइशा, पूर्ब गे लावो। मिनु यर्दन आ पूर्ब गे बाक्‍शो केरीथ खोलाम लशा ख्रुइश्‍शा बाक्‍को।

१ राजा 18:10

परमप्रभु यावे, इन परमप्रभु गेना हना यो ब्रोंइशा बाक्‍शो खोदेंशो पा, आं होव़पम इन कली रागी रागी नु राज्‍य नेल्‍लेम माल्‍थ सोइक्‍ताक्‍व। तेकोइ रागी नु राज्‍य मलीशो बाक्‍ब। मिनु मेकोपुकीमी ‘एलीया एक मबाक्‍ब। गो थमा पा मेको कली थिन्‍ने मचाप्‍का’ देंमानु, मेको कसम जचा माल्‍तेक्‍म।

१ राजा 18:4

इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, ओबदियामी मेको आन दाते ङा सहे का जना आन कली लाइश्‍शा, मेको आन कली प्रोंइचा कली जचा तूचा थोव़क गेशा ५०, ५० जना ङा हुल पा पुक्‍खी निक्‍शीम ख्रुइश्‍शा वोइश्‍शो बाक्‍माक्‍त।

२ इतिहास 25:15

मोपतीके परमप्रभु यावे अमस्‍याह नु गाइश्‍शा, आ लोव़ पाइब का सोइक्‍ता बाक्‍त। मिनु मेकोमी “गे मारदे आ मुर आन कली लायो इ गुइ रे प्रोंइने मचाप्‍ब देवता आन नोले खोदी?” दे हिल्‍लो पवा बाक्‍त।

हितोपदेस 28:12

ठीक पाइबपुकी ग्रामानु, नेल्‍ल ग्‍येरसीनीम। तन्‍न परमप्रभु यावे आ अरेशो मटीबपुकी ठेयब दुम्‍तेक्‍म हना, मुरपुकी ख्रुंइसीनीम। हितोपदेस ११:११

येरमीया 26:16

मिनु सरकार आ गेय पाइब मुर नु अरु मुर नेल्‍लेम, चढ़ेबपुकी नु परमप्रभु यावे आ लोव़ पाइब आन कली “एको मुर साइक्‍चा पुंइसीचा ङा मुर ममाइ। एको मुरुम इं कली परमप्रभु यावे, इं परमप्रभु आ नेंम एको लोव़ नेंपाइक्‍तु” देंतेक्‍म।

येरमीया 36:26

मेको आ पा ङा पिपमी आ तौ येराहमेल, अज्रीएल आ तौ सेरायाह नु अब्‍देल आ तौ शेलेम्‍याह आन कली मेको ब्रेक्‍ब बारुक नु परमप्रभु यावे आ लोव़ पाइब येरमीया कली फ्रेंशा चाक्‍चा नस, दे हुकुम गेम्‍तीमी। तन्‍न परमप्रभु यावेम मेको आस कली ख्रुइक्‍ने थुम्‍शो बाक्‍त।

आमोस 7:12

मिनु अमस्‍याहमी आमोस कली “ए, परमप्रभु यावे आ लोव़ पाइब, गे एक रे प्रोक्‍शा यहूदा रागी लावो। मिनु मेकेर क्‍येट चेम्‍शा शोब्‍ले ग्‍याप्‍शा जशा, परमप्रभु यावे आ लोव़ पावो। १सामुएल ९:९

लूका 13:31

येसुमी शेंना शेंन बाक्‍मेनु, फरिसीपुकी जाक्‍शा, येसु कली “पिप हेरोदम इन कली ग्‍याइश्‍शा साइक्‍चा माल्‍शो बाक्‍ब। मोपतीके एक रे रीब पा लने” देंथ जाक्‍मा बाक्‍त।

प्रेरित 5:40

मिनु गमालीएल आ लोव़ नेंशा, बिस्‍समा बाक्‍त। मिनु लाङगाम सोइश्‍शो आन कली खिं गा ब्रेश्‍शा, का का पा युक्‍पदमे बाक्‍त। मिनु “मुल ङा मेरे येसु आ नेंमी शेंशा मगाक्‍कीने” दे प्रोंइशा सोइक्‍तमे बाक्‍त। मत्ती १०:१७