येरमीया 36:14 - Sunuwar Bible

¹⁴ मिनु ठेयब मुर नेल्‍ल गारशा, नेथन्‍याह आ तौ शेलेम्‍याह आ चच कूशी आ युइ येहूदी कली “लशा, नेरीयाह आ तौ बारुक कली मुर आन कली पढेशा नेंपाइश्‍शो कागज कुरशा एक जाक्‍को मतो” दे सोइक्‍ताक्‍मे। मोपतीके गेदाल्‍याह आ तौ बारुक मेको कुरशा, आन बाक्‍तीके जाक्‍त। २राजा २२:११

येरमीया 36:14 ပူးပေါင်းရင်းမြစ်များ

२ राजा 25:23

मिनु लडाइ पाइब आन ठेयब मुर नेल्‍ल नु मेको आन मुरपुकीम बेबीलोन ङा पिपम गेदाल्‍याह कली सासन पाइब सेल्‍शो लोव़ नेन्‍मे बाक्‍त। मिनु मेको नेल्‍ल गेदाल्‍याह आ बाक्‍तीके मिस्‍पा सहरम जाक्‍मा बाक्‍त। मेको नेथन्‍याह आ तौ इश्‍माएल, कारेआह आ तौ योहानान, नेतोफाह सहर ङा तन्‍हुमेथ आ तौ सेरायाह, माकाथी आ तौ याजन्‍याह नु मेको आन मुरपुकी जाक्‍मा बाक्‍त।

येरमीया 36:2

मार लोव़ पाप्‍तु देंशा हना “गो योसीयाहम सासन पवा रे मुल सम्‍म इ कली इस्राएल, यहूदा नु रागी नेल्‍ल ङा मुर आन पर्बम देंशो लोव़ नेल्‍ल कागजम ब्रेक्‍तो। येरमीया २५:३

येरमीया 36:21

मिनु पिपमी मेको कली “कागज चाक्‍को” दे येहूदी कली सोइक्‍ताक्‍व। मिनु मेकोमी ब्रेक्‍ब एली-शामा आ कोठा रे ग्रुंइशा चाक्‍तु। मिनु येहूदीम पिप नु पिप आ नेक्‍था बाक्‍ब ठेयब मुर आन कली मेको पढेशा नेंपाइक्‍तु।

येरमीया 36:4

मिनु येरमीयामी नेरीयाह आ तौ बारुक कली ब्रेप्‍पाइक्‍तु। मिनु बारुकम येरमीयामी ब्रेक्‍पाइश्‍शो परमप्रभु यावेम देंशो लोव़ नेल्‍ल कागजम ब्रेक्‍ताक्‍व। येरमीया ३२:१२; येरमीया ४५:१

येरमीया 40:8

मिनु मेको नेल्‍ल मिस्‍पा सहरम गेदाल्‍याह आ बाक्‍तीकेम लाम्‍‍तेक्‍म। नेथन्‍याह आ तौ इश्‍माएल, कारेआह आ तौ योहानान नु योनाथन, तन्‍हुमेथ आ तौ सेरायाह, नेतोफाह आ मुर एफाइ आ तौपुकी, माकाथी आ तौ येजन्‍याह नु मेको आन मुर नेल्‍ल लाम्‍‍तेक्‍म। येरमीया ४१:१,११

येरमीया 41:16

मिनु अहीकाम आ तौ गेदाल्‍याह कली सदमे नोले, नेथन्‍याह आ तौ इश्‍माएलमी गिबोन रे चाक्‍शो ब्रोंइशो आन कली लडाइ पाइबपुकी, मीश मुरपुकी, आलपुकी नु दरवारम गेय पाइब मुर आन कली, कारेआह आ तौ योहानान नु मेको नु बाक्‍शो लडाइ पाइब आन ठेयब मुरपुकीम गिबोन रे लेत्‍‍‍ताक्‍म।

येरमीया 41:18

मेकोपुकी कल्‍दी आन क्‍येङा हिंशो बाक्‍तेक्‍म। मारदे हना बेबीलोन ङा पिपमी मेको रागी कली योव़शा वोइश्‍शो हुकुम पाइब अहीकाम आ तौ गेदाल्‍याह कली नेथन्‍याह आ तौ इश्‍माएलमी साइश्‍शो बाक्‍त।

सेफन्‍याह 1:1

यहूदा ङा पिप आमोन आ तौ योसीयाहमी सासन पवा ना परमप्रभु यावेमी सेफन्‍याह कली लोव़ पाप्‍तु। सेफन्‍याह आ आफ कूशी बाक्‍माक्‍त। कूशी आ आफ गेदाल्‍याह बाक्‍माक्‍‍त। गेदाल्‍याह आ आफ अमारयाह बाक्‍माक्‍‍त। मिनु अमारयाह आ आफ हिज्‍कीयाह बाक्‍माक्‍त। येरमीया १:२

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

मत्ती 10:28

इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२