येरमीया 35:15 - Sunuwar Bible

¹⁵ गो इन कली आं गेय नु आं लोव़ पाइब आन कली सोइक्‍ना सोइक्‍न बाक्‍ती। मेकोपुकीमी इन कली ‘गे नेल्‍ल इन मरिम्‍शो लां रे लेतीन। मिनु इन मरिम्‍शो गेय रिम्‍शो सेलीन। मिनु देवी देवता आन कली पूजा पचा नु आन नोले खोइक्‍चा प्रोनीन। मिनु गे इन किकी पिपी आन कली गेशो रागीम बाक्‍चा ताइनीनी’ देंती। तन्‍न गेपुकीम आं देंशो लोव़ मनेंनी नु मटिनी। मत्ती २३:३७

येरमीया 35:15 ပူးပေါင်းရင်းမြစ်များ

प्रस्‍थान 20:3

गे आं कली ला बाप्‍शा सेउ पने, देवी देवता आन कली बाप्‍शा सेउ मपने। ब्‍यवस्‍था ६:४-५; यसैया ४५:५-६; १कोरिन्‍थी ८:५-६

येरमीया 11:8

तन्‍न मेकोपुकीमी आन नोफा मदाइक्‍तेम। आं देंशो लोव़ मटीमे। मेको आ पा ङा मेकोपुकीमी आन खकटा थुंमी मरिम्‍शो पा काइ मटीमे। गो मेको आन कली आं कबल ङा लोव़ नेल्‍ल पने, दे अरेता। तन्‍न मेको पने मबिस्‍सम” देंत। येरमीया ३:१७; येरमीया ७:२६; येरमीया १३:१०; येरमीया १८:१२; ब्‍यवस्‍था २८:१५-६८

येरमीया 13:10

मेको मरिम्‍शो पाइब मुरपुकीम आं लोव़ नेंने मबिस्‍सम। मेकोपुकीमी आन खकटा थुंमी आन दला दाक्‍स पतीकेमी अरु देवी देवता आन कली पूजा पचा कली नु मेको आन गेय पचा कली लाम्‍तेक्‍म। मिनु मेकोपुकी एको धोती खोदेंशो दुम्‍नीम। मेको थमा पा शोर गाक्‍शो बाक्‍ब। येरमीया ११:८

येरमीया 18:11

मोपतीके गे यहूदा ङा मुर आन कली नु यरूसलेममी बाक्‍ब मुर आन कली परमप्रभु यावेम इन कली मार देंत देंशा हना ‘नेनीन, गो इन कली मरिम्‍शो पाइ‍नुङ। गो इन कली श्‍येत गे‍नुङ। मोपतीके गे इन मरिम्‍शो लां रे लेतीन। मिनु इन लां नु इन पतीके रिम्‍शो सेलीन’ देंनो। येरमीया ७:३

येरमीया 22:4

मारदे हना गेपुकीम थमा पा एको आं लोव़ पाइतीनी हना, एको दरवार ङा ठेयब लाप्‍चो रे पा ओव़शा, दाऊद आ नित्‍तीकेम निप्‍ब पिप गेना हना यो बाक्‍ब। मेको बग्‍गी नु शाराम जाक्‍शा, मेको आ गेय पाइब मुरपुकी नु अरु मुरपुकी नु ओव़ब”। येरमीया १७:२३

येरमीया 23:22

मेकोपुकी आं अर्ती गेतीकेमी बाक्‍शो हना, मेकोपुकीमी आं मुर आन कली आं लोव़ नेंचा ङा पा देंम वा। मिनु मेको आन कली आन मरिम्‍शो लां नु आन मरिम्‍शो गेय रे लेत्‍तेक्‍म वा” देंत।

येरमीया 25:4

मिनु परमप्रभु यावेम आ लोव़ पाइब आन कली मोदें लोव़ पथ सोइक्‍स ङा सोइक्‍स पाप्‍तु हना यो, गेपुकीम मेको आन लोव़ मनेंनी। इन नोफा मदाइक्‍तीनी। येरमीया ७:२५-२६; येरमीया ११:७; येरमीया २६:५; येरमीया २८:८; येरमीया २९:१९; येरमीया ४४:४; २इतिहास ३६:१५-१६

येरमीया 26:13

मुल गेपुकीम इन पतीक नु इन गेय रिम्‍शो सेलीन। मिनु आंम परमप्रभु यावे, इन परमप्रभु आ अरेशो टिने। मिनु परमप्रभु यावेम इन कली खतम पोक्‍तीक रे आ थुं लेप्‍ब। येरमीया ७:३

येरमीया 26:5

गो गेना हना यो इन बाक्‍तीकेम सोइश्‍शो आं गेय पाइब, आं लोव़ पाइब आन लोव़ नोफा दाइश्‍शा मनेंतीनी हना, गेपुकीम मेको रिम्‍शो पा मनेंशो बाक्‍तीनी हना, येरमीया २५:४

येरमीया 29:19

मारदे हना मेकोपुकीमी आं लोव़ मनेनेम। गो आं गेय नु आं लोव़ पाइब आन कली सोइक्‍ना सोइक्‍न बाक्‍ती हना यो मेको आन लोव़ मनेनेम” दे परमप्रभु यावेमी देंत। येरमीया २५:४

येरमीया 3:14

मिनु परमप्रभु यावेम मेको आन कली “लेतीन। थमा सुइक्‍ने मचाप्‍ब आलपुकी लेतीन। मारदे हना गो इन होव़प नङ। गो सहर रे मुर का कली नु खिं रे मुर निक्‍शी आस कली योव़नुङमी। मिनु इन कली सियोनम चाक्‍नन्‍नी। यसैया ६:१३

येरमीया 32:33

मेकोपुकीमी आं कली आन ची हिरशा कोंइशो बाक्‍नीम। आन कुल ममाइ। गो मेको आन कली शेंना शेंन बाक्‍ती हना यो, मनेनेम रिम्‍शो पचा कली ममिम्‍तेम। येरमीया २:२७

येरमीया 34:14

तेकोइ ७ बर्सम इन कली लेयसीशो मुर इन हिब्रू लोक्‍बम इन कली ६ बर्स गेय पवा नोले, ७ बर्सम मेको कली प्रोंइचा माल्‍ब’ देंती। तन्‍न इन किकी पिपीम आं लोव़ मटीम। आन नोफान मदाइक्‍तेम। प्रस्‍थान २१:२; लेवी २५:३९-४१; ब्‍यवस्‍था १५:१२

येरमीया 36:3

मो दुम्‍मेनु, गो मेको आन कली गे‍चशो ठेयब श्‍येत दुम्‍तीके आ पर्बम यहूदा ङा मुरपुकीम तुइश्‍शा, आन मरिम्‍शो पतीके रे लेत्‍नीमी कों? मिनु गो मेको आन मरिम्‍शो पशो नु आन पाप पशो क्‍याम्‍शा गेनुङमी” देंत। येरमीया २६:३

येरमीया 4:1

परमप्रभु यावेम “गे इस्राएलीपुकी, आं गे लेश्‍शा जाक्‍तीनी हना, गेपुकीम इन ग्रांग्रा दिशो थोव़क आं ङोंइती रे ताइक्‍ताक्‍नी हना, गेपुकी हेंथे मगाक्‍ब दुम्‍नीनी।

येरमीया 4:14

मिनु परमप्रभु यावेम “ए यरूसलेम, गे पाप रे ब्रोंइचा तचा कली इ थुं इ परमप्रभु यावे कली मटितीके रे चिक्‍सो। गेना सम्‍म इ मरिम्‍शो मिम्‍तीक इ थुंम बाक्‍चा गेनेवे? येरमीया ६:८; यसैया १:१४

लूका 10:16

सुमी इन शेंशो नेंना, मेकोमी आं शेंशो नेंब। सुमी इन कली मब्राइबा, मेकोमी आं कली मब्राइब। आं कली मब्राइबमी आं कली सोइक्‍ब कली यो मब्राइब” दे माइश्‍शा सोइक्‍तीमी बाक्‍त। मत्ती १०:४०; यूहन्‍ना ५:२३

प्रेरित 26:20

दमस्‍कसमी जाक्‍दीश्‍शा, लोव़ शेंचा गोव़ता। मिनु यरूसलेममी, यहूदीया रागी हिरशा गाक्‍ती। अर्को रागी ङा मुर आन रागी रागी हिरशा गाक्‍ती। मोपा गाक्‍ङानु, मुर आन कली ‘पाप पचा प्रोंइशा, इन थुं परमप्रभु यावे गे हिरदीने। मिनु परमप्रभु कली शिरशो गेय पा इन थुं थमा पा हिरशो बाक्‍त, दे कोंइदीने’ दे शेंना शेंन गाक्‍ती।

ब्‍यवस्‍था 30:20

परमप्रभु यावे, इन परमप्रभु कली दाक्‍तीन। आ देंशो टिने। मेको कली मप्रोंइथु बाक्‍कीन। मारदे हना मेकोम इन कली ब्रोंइचा नु शुश नाक्‍ती बाक्‍चा गेब। मिनु गेपुकी परमप्रभु यावेमी इन किकी पिपी अब्राहाम, इसहाक नु याकूब आन कली कसम जशा गेशो रागीम बाक्‍ने चाप्‍नीनी।

ब्‍यवस्‍था 6:14

गे इन एर ओंथ ङा रागीम बाक्‍शो जात जात ङा मुर आन देवी देवता आन नोले मखोतीन।

१ थिस्‍सलोनिकी 4:8

मोपतीके सुमी मेको लोव़ मटीबा, मेकोमी मुर आ लोव़ मटीब ममाइ, परमप्रभु यावे कली मटीब बाक्‍ब। परमप्रभु यावेमी इन कली आ सोक्‍त गेब। लूका १०:१६