येरमीया 34:9 - Sunuwar Bible

⁹ मेना मुर नेल्‍लेम आंम हिब्रू वाइलीम वाइल आन कली प्रोंइचा माल्‍तेक्‍म। सुइम यो आंम हिब्रू लोक्‍ब आन कली वाइलीम वाइल सेल्‍चा मदुम।

येरमीया 34:9 ပူးပေါင်းရင်းမြစ်များ

उत्पत्ती 14:13

मिनु पहाडम प्रोक्‍शो मुर कामी हिब्रू अब्राम कली मेको लोव़ शेंदा बाक्‍त। अब्राम चहिं एमोरी माम्रे आ ब्‍वाकीम बाक्‍शो बाक्‍माक्‍त। माम्रे एश्‍कोल नु आनेर वोबु बाक्‍सा बाक्‍त। मेको अब्राम कली वारच पाइब बाक्‍मा बाक्‍त।

उत्पत्ती 40:15

ङोंइती आं कली हिब्रू रागी रे खुइ पा चाक्‍तीमी। मुल जेल्‍खानम चोक्‍तीमी। गो मारेइ मरिम्‍शो मपङ” देंमाक्‍त। उत्‍पत्ती ३७:२८

प्रस्‍थान 2:6

मिनु पिप आ तमीमी मेको सुम्‍तीक पाइश्‍शो ग्‍युर रोक्‍शा कोव़ङानु “ए, आल का बाक्‍त” देंमाक्‍त। मिनु आल ङाक्‍माक्‍त। मेको आल तशा, शिशी पवा बाक्‍त। मिनु पिप आ तमीमी “एको हिब्रू ङा मुर आ तौ का बाक्‍ब” देंमाक्‍त।

प्रस्‍थान 3:18

इ देंशो लोव़ नेंशा, टिम्‍तेक्‍म हना, गे नु इस्राएल ङा मुर आन खाल्‍पापुकी इजीप्‍त रागी ङा पिप आ बाक्‍तीक लशा, मेको कली लोव़ पचा माल्‍नीनी। गेमी इजीप्‍त रागी ङा पिप कली ‘परमप्रभु यावे हिब्रू आन परमप्रभुमी आंइ कली ग्रुम्‍तीकी। आंइ कली नाक्‍त सां गोरशो रागीम लचा गेकी। मेकेर परमप्रभु यावे आंइ परमप्रभु कली चढ़ेथ लाइनीकी’ दे पिप कली देनीन। प्रस्‍थान ५:१,३

येरमीया 25:14

मिनु रागी रागी ङा मुर नु ठेयब पिपमी यहूदा ङा मुर आन कली वाइल सेल्‍नीम। गो मेको आन पशो नु आन गुइमी सेल्‍शो कोव़शा, मेको आन कली क्‍येक्‍क लेत्‍नुङमी” देंत। येरमीया २७:७

येरमीया 27:7

मेको आंम इन रागी आ रिम्‍शो दुम्‍ची मजाक्‍म सम्‍म रागी रागी नेल्‍ल ङा मुरपुकीम मेको आ तौ नु मेको आ चच आन गेय पचा माल्‍नीम। मेको नोले शुश रागी नु ठेयब पिपपुकीमी मेको कली आन वाइल सेल्‍नीम।

येरमीया 30:8

मुर नेल्‍ल आन परमप्रभु यावेमी “गो मेको नाक्‍ती मेको आन बला रे जुवा जिक्‍नुङ। मिनु गो मेको आन कली फ्रेंशो रे प्रोंइनुङमी। मिनु अर्को रागी ङा मुरपुकीम मेको आन कली गेनायो वाइल मसेल्‍नीम। येरमीया २३:५; येरमीया २७:१२; इजीकीएल ३४:२३; होसे ३:५

येरमीया 34:10

मिनु मेको लोव़ टीब ठेयब मुर नु कबल टीब मुर नेल्‍लेमी आंम आन वाइलीम वाइल आन कली प्रोंइचा नु लेंशा अर्को वाइलीम वाइल मवोइक्‍चा नम, देंशो बिस्‍साक्‍म। मिनु मेकोपुकी गारशा, मेको आन कली प्रोंइतेक्‍म।

१ कोरिन्‍थी 6:8

तन्‍न गे आंमा इन लोक्‍ब आन कली मरिम्‍शो पाइनीनी, रोइक्‍नीनी।

२ कोरिन्‍थी 11:22

मार, मेको हिब्रू नमी? गो हिब्रू नङ। मार, मेको इस्राएली नमी? गो इस्राएली नङ। मार, मेको अब्राहाम आ चच युइ नमी? गो यो अब्राहाम आ चच युइ नङ। फिलिप्‍पी ३:५

ब्‍यवस्‍था 15:12

मिनु इन हिब्रू आन दाते ङा लोक्‍ब, मीश मुर वोंइश मुर, आंम कली इन गुइमी लेयसीनीम हना, मेकोमी इन कली ६ बर्स गेय पचा माल्‍नीम। मेको ७ बर्समी मेको आन कली प्रोंइशा लचा गेचा माल्‍नीनी। येरमीया ३४:१४

फिलिप्‍पी 3:5

गो ८ नाक्‍त ङा आल बाक्‍ङानु, ख्रोइक्‍तीक चिनु ताता। गो इस्राएली नङ। गो बेन्‍यामीन आ थर ङा मुर नङ। हिब्रू मुर रे जरमेशो, हिब्रू नङ। परमप्रभु यावे आ अरेशो पशा, फरिसी दुम्‍ती। २तिमोथी १:३; प्रेरित २६:५

१ सामुएल 14:11

मोपतीके मेको निक्‍शी पलिस्‍ती आन कली तपांइससा बाक्‍त। मिनु पलिस्‍तीपुकीम “कोव़ङीन। हिब्रू आन ख्रुइक्‍तीक पोव़ला रे ग्रूमा बाक्‍त” देंमुमा बाक्‍त।

१ सामुएल 4:6

मिनु पलिस्‍तीपुकीम मेको ग्‍येरशो सेंदा नेंशा “हिब्रू आन बाक्‍तीकेम मार दुम्‍मे? मार रेयके नेंसे?” दे हिल्‍लो पमुमा बाक्‍त। मिनु परमप्रभु यावे आ कबल पशो सन्‍दोस आन बाक्‍तीकेमी चाक्‍तेक्म, दे तुइक्‍त‍मे बाक्‍त।

१ सामुएल 4:9

गे पलिस्‍तीपुकी महिनीन। बोल्‍यो दुमीन। मेकोपुकी दोपा इं वाइल दुम्‍मा, मोपा गेपुकी यो हिब्रू आन वाइल मदुम्‍चा ङा पा, इन थुं लुक्‍च मलपाइक्‍थु, लडाइ पने। बोल्‍यो दुम्‍शा, लडाइ पने” देंमा बाक्‍त। न्‍यायाधीस १३:१