येरमीया 34:21 - Sunuwar Bible

²¹ यहूदा ङा पिप सिदकीयाह नु मेको आ सरकार ङा गेय पाइब आन कली साइक्‍चा माल्‍ब, आन जोरी सत्रु आन गुइम नु बेबीलोन ङा पिप आ लडाइ पाइब आन गुइम गेनुङमी। मेको लडाइ पाइबपुकी इन रे लेश्‍शा लशो बाक्‍तेक्‍म” देंत। येरमीया ३७:५

येरमीया 34:21 ပူးပေါင်းရင်းမြစ်များ

२ राजा 25:6

मिनु मेको कली ग्‍याइश्‍शा बेबीलोन ङा पिप आ ङोंइती रिब्‍ला सहरम चाक्‍गमे बाक्‍त। मिनु मेकोमी मेको आन कली निसाफ पवा बाक्‍त।

येरमीया 22:25

गो इ कली साइक्‍चा माल्‍ब मुर आन गुइम गेनन। गे मेको आन कली तशा हिंनेवे। गो इ कली मेको बेबीलोन ङा पिप नेबुकदरेसर नु कल्‍दी आन गुइम गेनन।

येरमीया 32:3

यहूदा ङा पिप सिदकीयाहम मेको कली मेकेर चोक्‍शो बाक्‍त। मिनु मेकोमी “गे मारदे मोदेंशो पा परमप्रभु यावे आ लोव़ पाइनेवे? परमप्रभु यावेमी ‘गो एको सहर बेबीलोन ङा पिप आ गुइम गेचशो बाक्‍नुङ। मिनु मेकोमी एको आंम के सेल्‍ब। येरमीया २१:७; येरमीया ३४:२

येरमीया 32:4

यहूदा ङा पिप सिदकीयाह कल्‍दी आन गुइ रे मब्रोंइब। मेको थमा पा बेबीलोन ङा पिप आ गुइम गेचा पुंइसीब। मिनु मेको नु कोव़मुशा, लोव़ पाइब।

येरमीया 39:6

मेको रिब्‍लामी बेबीलोन ङा पिपम सिदकीयाह आ तौ आन कली आ ङोंइतीन साइक्‍तीमी। मिनु यहूदा ङा ठेयब मुर आन कली यो साइक्‍तीमी।

येरमीया 44:30

परमप्रभु यावेम “गो इजीप्‍त ङा पिप फाराओ होफ्रा कली आ जोरी सत्रु नु मेको कली साइक्‍चा माल्‍ब आन गुइमी गेनुङ। दोपा गो यहूदा ङा पिप सिदकीयाह कली आ जोरी सत्रु बेबीलोन ङा पिप नेबुकदरेसर आ गुइमी गेङा, मोपा इजीप्‍त ङा पिप कली साइक्‍ब आन गुइमी गेनुङ” दे परमप्रभु यावेमी देंत। इजीकीएल २९:१९

येरमीया 52:10

मेको रिब्‍लामी बेबीलोन ङा पिपमी सिदकीयाह आ तौ आन कली मेको आ ङोंइतीन साइक्‍तीमी। मिनु यहूदा ङा ठेयब मुर नेल्‍ल आन कली यो रिब्‍लाम साइक्‍तीमी।

येरमीया 52:8

तन्‍न कल्‍दी ङा लडाइ पाइबपुकीम पिप सिदकीयाह कली खेदा पाम्‍तेक्‍म। मिनु मेको कली यरीको ङा दिंमम थित्‍तेक्‍म। मेको आ लडाइ पाइब नेल्‍ल ब्रशा एर ओंथ दुम्‍तेक्‍म।

बिलाप 4:20

मेकोपुकीमी परमप्रभु यावे आ तेल लुक्‍शो, आंइ कली ब्रोंइचा गेब कली ग्‍याइक्‍ताक्‍म। मेको आ पर्बम गोपुकीमी “मेको आ वांकुम रागी रागी ङा मुर आन दातेम बाक्‍नीकी” दे मिम्‍शो नकी।

इजीकीएल 17:12

मार लोव़ पाप्‍तु देंशा हना “एको मटीब खिं ङा मुर आन कली ‘एको लोव़ आ अर्थ मार बाक्‍बा, मेको मतुइक्‍नीनी?’ दे हिल्‍लो पामी। मेको आन कली ‘बेबीलोन ङा पिप यरूसलेमम जाक्‍त। मिनु मेकोमी यरूसलेम ङा पिप नु आ ठेयब गेय पाइब आन कली बेबीलोनम लाइक्‍तीमी। २राजा २४:१०,१५,१६

इजीकीएल 17:16

परमप्रभु, परमप्रभु यावेमी “गो आं ब्रोंइशा बाक्‍शो खोदेंशो पा, मेकोमी मेको कली पिप सेल्‍ब पिप नु जशो कसम प्रेंशा, आ पशो कबल प्रोंइशा, बेबीलोन ङा पिप आ बाक्‍तीक सहरम बेक्‍ब।

इजीकीएल 17:20

गो आं ग्‍याइल मेको तार ब्‍वारनुङ। मिनु मेको आं ग्‍याइलीम रेप्‍ब। मिनु गो मेको कली बेबीलोनम चाक्‍नुङ। मिनु मेकोम आं थुं फाइक्‍तीके गो मेको कली निसाफ पाइनुङ। इजीकीएल १२:१३