येरमीया 34:20 - Sunuwar Bible

²⁰ आन जोरी सत्रु आन गुइम नु आन कली साइक्‍चा माल्‍ब आन गुइम गेचा पुंइसीनीम। मेको आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक दुम्‍ब। येरमीया ७:३३

येरमीया 34:20 ပူးပေါင်းရင်းမြစ်များ

१ राजा 14:11

सहरम बेक्‍शो येरोबाम आ खिं ङा मुर आन कली कुचुमम ब्‍वाइनीम। मिनु रू मेर बेक्‍शो आन कली चिक्‍बीम ब्‍वाइनीम’ दे परमप्रभु यावेमी देंशो बाक्‍ब। १राजा १६:४; १राजा २१:२४

१ राजा 16:4

बाशा, इ खिं ङा सहरम बेक्‍शो मुर आन कली कुचुमम ब्‍वाइनीम। मिनु रूम बेक्‍शो मुर आन कली चिक्‍बपुकीम ब्‍वाइनीम” देंमाक्‍त। १राजा १४:११

भजन संग्रह 79:2

मेकोपुकीमी इन गेय पाइब आन बेक्‍शो रां चिक्‍ब आन कली ब्‍वचा गेम्‍तेक्‍म। मिनु इन योव़शो मुर आन श्‍ये ब्‍वाकी ङा जन्‍तु आन कली ब्‍वचा गेम्‍तेक्‍म।

येरमीया 11:21

मोपतीके आं कली साइक्‍चा माल्‍ब अनाथोथ ङा मुर आन पर्बम परमप्रभु यावेम “मेको मुरपुकीम इ कली ‘परमप्रभु यावे आ नेंमी लोव़ मपावो। लोव़ पाप्‍तीवी हना, गे आंइ गुइ रे बेक्‍नेवे’ देंनीम। येरमीया १:१

येरमीया 12:9

मार, मेको सिवार आं थेरशो रू तशा गेहे पाइबा ङा? आं ङोंइती छिर छिर पाइश्‍शो सिखारी चिक्‍ब खोदेंशो मदुम ङा? मेको कली अर्को सिखारी चिक्‍बपुकीम पुम्‍शा राम्‍शी तोव़मेक्‍ल। लावो, लशा ब्‍वाकी ङा जन्‍तु नेल्‍ल आन कली पुक्‍मी। मिनु मेको कली ब्‍वपाइक्‍चा कली चाक्‍मी। यसैया ५६:९

येरमीया 16:4

“मेकोपुकी मसाब रोइम बेक्‍नीम। मेको आन पर्बम सुइम रोंका मपाइनीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो पा बाक्‍नीम। मेको तरवार नु अन्‍कालम बेक्‍नीम। आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक थोव़क दुम्‍नीम” देंत। येरमीया ९:२१

येरमीया 19:7

गो एको रागीमी यहूदा नु यरूसलेम आस मिम्‍शो मदुम्‍पाइक्‍नुङ। गो मेको आन कली आन जोरी सत्रु आन ङोंइती तरवारम साइक्‍पाइक्‍नुङमी। सु सुम मेको आन कली साइक्‍चा दाक्‍नीमी, मेको आन गुइम गेनुङमी। आन बेक्‍शो रां चहिं सरीङ ङा चिक्‍ब नु रागीम बाक्‍ब ब्‍वाकी ङा जन्‍तु आन कली ब्‍वचा गेनुङमी।

येरमीया 21:7

मिनु नोले परमप्रभु यावेमी ‘गो यहूदा ङा पिप सिदकीयाह, मेको आ गेय पाइबपुकी नु मेको सहर ङा बेक्‍तीक रोइ, तरवार नु अन्‍काल रे ब्रोंइशो मुर आन कली बेबीलोन ङा पिप नेबुकदरेसर आ गुइम गेनुङमी। गो मेको आन कली साइक्‍चा माल्‍ब आन जोरी सत्रु आन गुइम जिम्‍मा गेनुङमी। मिनु मेकोमी मेको आन कली तरवारम साइक्‍पाइक्‍ब। मेकोमी मेको आन कली शिशी मपथु, मप्रोंइब नु दाक्‍तीके मकोंइथु, साइक्‍पाइक्‍ब’ मतीस” दे माइक्‍तीम्‍सी।

येरमीया 22:25

गो इ कली साइक्‍चा माल्‍ब मुर आन गुइम गेनन। गे मेको आन कली तशा हिंनेवे। गो इ कली मेको बेबीलोन ङा पिप नेबुकदरेसर नु कल्‍दी आन गुइम गेनन।

येरमीया 38:16

मिनु पिप सिदकीयाहम सुइ आन मतुइक्‍चा ङा पा, येरमीया नु कसम जशा “परमप्रभु यावे ब्रोंइशा बाक्‍शो खोदेंशो पा, गो इं कली सोक्‍त गेप्‍तु। गो मेको आ नेंमी कसम जशा देंनुङ। गो इ कली मसाइक्‍नुङ। गो इ कली साइक्‍चा माल्‍ब मुर आन गुइम मगेनन” देंत। येरमीया ३८:४-५

येरमीया 39:6

मेको रिब्‍लामी बेबीलोन ङा पिपम सिदकीयाह आ तौ आन कली आ ङोंइतीन साइक्‍तीमी। मिनु यहूदा ङा ठेयब मुर आन कली यो साइक्‍तीमी।

येरमीया 4:30

गे गोरशो सेल्‍चा पुंइसीशो रागी मार, पना पन बाक्‍ङे? गे लल वाम ग्‍योम्‍सीशा, सुन के गहना पांइसीशा, आंम कली ग्‍योम्‍सीशो आ अर्थ मार, बाक्‍बा? गे मारदे गाजल ख्रेक्‍सीशा इ मिक्‍च ठेयब सेल्‍नेवे? आंम कली दारशो सेल्‍चा मोशान बाक्‍ब। इ कली दाक्‍ब मुरपुकीम इ कली ग्रांग्रा दिश्‍शो बाक्‍नीम। इ कली साइक्‍चा माल्‍शो बाक्‍नीम।

येरमीया 44:30

परमप्रभु यावेम “गो इजीप्‍त ङा पिप फाराओ होफ्रा कली आ जोरी सत्रु नु मेको कली साइक्‍चा माल्‍ब आन गुइमी गेनुङ। दोपा गो यहूदा ङा पिप सिदकीयाह कली आ जोरी सत्रु बेबीलोन ङा पिप नेबुकदरेसर आ गुइमी गेङा, मोपा इजीप्‍त ङा पिप कली साइक्‍ब आन गुइमी गेनुङ” दे परमप्रभु यावेमी देंत। इजीकीएल २९:१९

येरमीया 49:37

मेको एलाम ङा मुर आन कली, आन जोरी सत्रु नु मेको आन कली साइक्‍चा माल्‍ब आन ङोंइती शुश हिंब सेल्‍नुङमी। गो मेको आन कली ठेयब श्‍येत गेनुङ। गो मेको आन कली साइक्‍ने मथुमु सम्‍म मेको आन नोले तरवार सोइक्‍नुङ। इजीकीएल ३२:२४

येरमीया 7:33

मिनु मेको मुर आन बेक्‍शो रां सरीङ ङा चिक्‍बपुकी नु रागी ङा जन्‍तु आन कली ब्‍वतीक दुम्‍ब। मेको आन कली हिंच कोंइशा, प्रोक्‍पाइक्‍ब सुइ मबाक्‍नीम। येरमीया ९:२१

इजीकीएल 23:28

मिनु परमप्रभु, परमप्रभु यावेमी “गो इ कली इ काइ मदाक्‍शो मुर आन गुइमी गेनुङ। गे ङोंइती मेको आन क्‍येङा रूशा, इ थुं लेश्‍शो बाक्‍ते।

इजीकीएल 29:5

मिनु गो इ कली नु इ खोला ङा ङांइ नेल्‍ल आन कली गोरशो रागीम ताइक्‍नन्‍नी। मिनु गे दिंमम गोल्‍नेवे। इन कली सुइम खुप्‍शा मथिम्‍नीम। गो इ कली रागी ङा जन्‍तु नु सरीङ ङा चिक्‍ब आन कली ब्‍वचा कली गेनुङ।

इजीकीएल 32:4

मिनु गो इ कली खपीम ताइक्‍नन। गो इ कली रागीम नेप्‍शा सोइक्‍नन। गो सरीङ ङा चिक्‍ब नेल्‍ल आन कली इ तार जुक्‍पाइक्‍नुङमी। मिनु गो रागी ङा जन्‍तु नेल्‍ल आन कली इ श्‍ये प्रोइक्‍पाइक्‍नुङमी। इजीकीएल २९:५

ब्‍यवस्‍था 28:26

मिनु गेपुकी बेक्‍नीनु, चिक्‍बपुकी नु ब्‍वाकी ङा जन्‍तुपुकीमी इन श्‍ये ब्‍वाइनीम। मिनु मेको आन कली खेरब ‘हा हाइ’ दे ग्रीब सुइ मबाक्‍नीम।

१ सामुएल 17:44

मेकोमी “पिवो, गो इ श्‍ये चिक्‍ब नु ब्‍वाकी ङा जन्‍तु आन कली ब्‍वचा गेनुङ” दे मदा बाक्‍त।

१ सामुएल 17:46

मुलाक्‍ती परमप्रभु यावेम इ कली आं गुइम गेब। गो इ कली साइक्‍नन। मिनु इ पिया ख्रोइश्‍शा। इ रां नु पलिस्‍ती आन रां चिक्‍ब नु ब्‍वाकी ङा जन्‍तु आन कली ब्‍वचा गेनुङ। मिनु इस्राएलम परमप्रभु का बाक्‍ब, दे रागी नेल्‍ल ङा मुरुम तुइक्‍नीम।