येरमीया 33:8 - Sunuwar Bible

⁸ गो आं पर्बम पशो आन हेंथे पतीके नु पाप नेल्‍ल रे मेको आन कली ठीक सेल्‍नुङमी। मिनु गो मेको आन हेंथे पशो नु पाप पशो माफ गेनुङमी। येरमीया ३१:३४; येरमीया ५०:२०

येरमीया 33:8 ပူးပေါင်းရင်းမြစ်များ

भजन संग्रह 130:4

गे माफ गेनीनी। मोपतीके मुर इन कली मान पा हिंचा माल्‍नीम। यसैया ५५:७; रोमी ६:१-२

भजन संग्रह 130:8

मिनु मेकोमी इस्राएली आन कली आन मरिम्‍शो पशो नेल्‍ल रे प्रोंइब। मत्ती १:२१

भजन संग्रह 51:2

परमप्रभु, इन शिशी पतीकेमी आं मरिम्‍शो पशो नेल्‍ल मुरशा गेयीनी। मिनु आं कली पाप रे प्रोंइयीनी।

भजन संग्रह 65:3

गो आंइ पापमी ग्रुम्‍कानु, आंइ मरिम्‍शो पशो माफ गेतीनी।

यसैया 4:2

मेको नाक्‍ती परमप्रभु यावे आ राशी दारशो नु थम रिम्‍शो बाक्‍ब। मिनु रागी आ दारसम ब्रोंइशा लीशो इस्राएली आन कली आन थुं बारपाइश्‍शा, ग्‍येरपाइक्‍ब दुम्‍ब। येरमीया ३३:१५

यसैया 44:22

गो इ पाप गोस्‍स खोदेंशो पा जाम्‍पाइक्‍ता। इ हेंथे पशो यो क्‍याम्‍ताक्‍ङ। गे आं गे लेतो। मारदे हना गो इ कली पाप रे प्रोंइतन। यसैया ४३:२५

यसैया 56:7

मेको नेल्‍ल आन कली आं योव़शो डांडाम चाक्नुङमी। आं प्रार्थना पतीक खिं ओंइशा, ग्‍येरपाइक्‍नुङमी। मेको आन चोशा चढ़ेशो नु अरु चढ़ेशो आं कली चढ़ेतीकेम ब्राइनुङ। मारदे हना आं खिं रागी ङा मुर नेल्‍ल आन कली प्रार्थना पतीक खिं देंनीम” देंत। मर्कूस ११:१७

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

येरमीया 50:20

मेको नाक्‍ती इस्राएल आ मरिम्‍शो पशो माल्‍शा कोव़शा हना यो, मथिंसीब। यहूदा आ पाप माल्‍शा हना यो, मथिंसीब। मारदे हना गो आं प्रोंइशा वोइश्‍शो लीशो आन कली आन पाप माफ गेतामी। येरमीया ३३:७-८

बिलाप 4:22

सियोन आ तमी इ हेंथे गाक्‍शो ङा सजाइ नुप्‍त। मेकोमी इ कली ग्‍याइश्‍शा लाइश्‍शो रागी रे ग्रुंइब। तन्‍न एदोम आ तमी, इ हेंथे गाक्‍शो ङा सजाइ ताइनेवे। मेकोमी इ पाप कोंइब। यसैया ४०:२; यसैया ३४:८-१०; इजीकीएल ३५:१४-१५

इजीकीएल 36:25

गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२

इजीकीएल 36:33

परमप्रभु, परमप्रभु यावेमी “मेको नाक्‍ती गो इन कली इन मरिम्‍शो पशो नेल्‍ल रे लेंशा रिम्‍शो सेल्‍नुङ। गो इन सहर आन कली लेंशा मुर बाक्‍तीक सेल्‍नुङ। मिनु ब्रेश्‍शो नेल्‍ल लेंशा सेल्‍पाइक्‍नुङ।

योएल 3:21

गो मेको आन हुश ख्राक्‍श पोक्‍शो क्‍येक्‍क लेत्‍नुङमी। मिनु आन पाप मक्‍याम्‍नुङ” दे परमप्रभुमी देंत। परमप्रभु यावे सियोनम बाक्‍ब। ब्‍यवस्‍था ३२:४३; इजीकीएल ४८:३५

लेवी 16:30

मारदे हना मेको नाक्‍ती इन पर्बम पाप क्‍याम्‍तीक गेय पाइनीम। मिनु परमप्रभु यावे आ ङोंइती इन पाप क्‍याम्‍शो बाक्‍ब।

जकरिया 13:1

मेको नाक्‍ती दाऊद आ खिं नु यरूसलेममी बाक्‍ब मुर आन पाप नु आन मरिम्‍शो पशो क्‍याम्‍चा कली ब्‍वाक्‍कु बुक्‍तीके का बुक्‍शा ग्रू‍ब। यसैया १२:३; यसैया ५५:१

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३