येरमीया 33:5 - Sunuwar Bible

⁵ कल्‍दी सहर ओव़शा लडाइ पाइनीम। मेकोपुकीमी मेको खिं कली बेक्‍शो मुर आन रांमी प्रिंनीम। गो आं गाइश्‍शो नु चुरशोम साइश्‍शो मुर आन बेक्‍शो रांम प्रिंनीम। मारदे हना आं अरेशो लोव़ मटीब आन पतीके एको सहर रे आं कुल ख्रुइक्‍ताक्‍ङ।

येरमीया 33:5 ပူးပေါင်းရင်းမြစ်များ

यसैया 64:7

मिनु इन नें थीब सुइ मबाक्‍नीमी। इन कली थिचा माल्‍ब सुइ मबाक्‍नीम। मारदे हना गे आंइ ङोंइती रे इन कुल ख्रुइक्‍ताक्‍नी। आंइ मरिम्‍शो पतीके मतेक्‍नी। यसैया ६३:१६; यसैया ४५:९; बिलाप ४:२; रोमी ९:२१

यसैया 8:17

मिनु गो याकूब आ खिं ङा मुर आन क्‍येङा आ कुल ख्रुइक्‍ब परमप्रभु यावे आ लां कोव़शा, रिम्‍शा बाक्‍नुङ।

येरमीया 18:17

गो मेको आन कली पूर्ब ङा फशेम खोदेंशो पा आन जोरी सत्रु आन ङोंइती एर ओंथ ब्रपाइक्‍नुङमी। मेको आन हिंचा ङा नाक्‍ती गो मेको आन कली आं ची कोंइनुङमी। आं कुल मकोंइनुङमी” देंत। येरमीया २:२७

येरमीया 21:10

गो एको सहर कली थमा पा क्‍याम्‍नुङ। रिम्‍शो पचा कली ममिम्‍नुङ। एको सहर बेबीलोन ङा पिप आ गुइम गेनुङ। मेकोमी एको सहर कली मीम क्रोइक्‍ब” देंत’ देनो” देंत। येरमीया ३४:२

येरमीया 32:5

मेकोमी सिदकीयाह कली बेबीलोन लाइक्‍ब। मिनु गो मेको कली मकोव़ङु सम्‍म मेकेर बाक्‍ब। गे कल्‍दी नु लडाइ पाप्‍तीवी हना मग्रा‍नेवे’ दे परमप्रभु यावे आ लोव़ पवी” देंशा चोक्‍शो बाक्‍त। येरमीया ५२:११

येरमीया 42:18

मुर नेल्‍ल आन परमप्रभु यावे, इस्राएली आन परमप्रभुम “दोपा आं गाइश्‍शो नु चुरशो यरूसलेमम बाक्‍ब मुर आन तार मोंइसे, मोपान गेपुकी इजीप्‍त लाइतीनी हना, आं चुरतीके इन तार मोंइसीब। इन श्‍येत जशो तशा मुर हिंनीम। गेपुकी सराप राइब नु शुक्‍शी पाइक्‍चा पुंइसीब दुम्‍नीनी। गेपुकीम लेंशा एको रागी गेनायो कोव़चा मताइनीनी” देंशो बाक्‍ब। येरमीया २५:९; येरमीया ४४:१२

बिलाप 2:7

परमप्रभुम आंम कली चढ़ेतीक नु आ बाक्‍तीके निम्‍फा प्रोंइतु। मेको आन दरवार ङा गारो जोरी सत्रु आन गुइमी गेप्‍तु। मोपा मेकोपुकीमी परमप्रभु यावे आ खिंमी चाड ङा नाक्‍त खोदेंशो पा रेयके पाम्‍तेक्‍म।

इजीकीएल 39:29

मुल रे गो आं कुल मेको आन ङोंइती रे गेनायो मख्रुइक्‍नुङ। मारदे हना गो आं सोक्‍त इस्राएल आ खिं ङा मुर आन तार मोइक्‍नुङ” दे परमप्रभु, परमप्रभु यावेमी देंत। इजीकीएल ३६:२६-२७; योएल ३:१

मीका 3:4

मिनु मेकोपुकीमी परमप्रभु यावे कली पुंइनीम। तन्‍न मेकोमी मेको आन पुंइशो लोव़ मलेप्‍ब। आ अरेशो मटितीके मेकोमी मेको आन क्‍येङा आ कुल ख्रुइक्‍ब। हितोपदेस १:२८; इजीकीएल ८:१८

ब्‍यवस्‍था 31:17

मिनु गो मेको नाक्‍त मेको आन पर्बम शुश गाइक्‍नुङ। मिनु गो मेको आन कली प्रोंइशा, मेको आन कली वारच मपाइ‍नुङ। मेकोपुकी रोइक्‍चा पुंइसीनीम। मिनु मेकोपुकीमी शुश मरिम्‍शो दुम्‍शा, ठेयब श्‍येत जाइनीम। मिनु मेको नाक्‍त मेकोपुकीमी ‘इं परमप्रभु गोपुकी नु मबाक्‍तीके इं कली मोदेंशो दुम्‍शो बाक्‍ब’ देंनीम।

ब्‍यवस्‍था 31:18

मिनु मेकोपुकी शुश मरिम्‍शो पा, देवी देवता आन नोले खोइक्‍ब दुम्‍नीम। मोपतीके गो मेको आन कली वारच मपाइ‍नुङ।

ब्‍यवस्‍था 32:20

मिनु मेकोमी ‘गो मेको आन कली वारच मपाइ‍नुङ। मेको दोपा बेक्‍नीमी, मेको कोव़नुङ। मारदे हना मेको दूली पाइब पाला ङा मुर बाक्‍नीम। मेको थमा मसुइक्‍चा ङा बाक्‍नीम।