येरमीया 33:22 - Sunuwar Bible

²² दोपा सरीङ ङा सोरुल हिक्ने मचाप्‍चा ङा बाक्‍नीमी नु समुन्‍द्र ङा बाल्‍वा पुक्‍ने मचाप्‍चा ङा बाक्‍बा, मोपा गो आं गेय पाइब दाऊद आ चच युइ नु आं कली गेय पाइब लेवी आ थर ङा मुर आन कली सोपाइश्‍शा बोपाइश्‍शा शुश सेल्‍नुङमी” देंत। उत्‍पत्ती १५:५

येरमीया 33:22 ပူးပေါင်းရင်းမြစ်များ

उत्पत्ती 13:16

गो इ चच युइ खप ङा फुरक खोदेंशो पा शुश सेल्‍नुङ। मुरुम फुरक हिक्‍ने चाप्‍तेक्‍म हना ला, इ चच युइ आन कली यो हिक्‍ने चाप्‍नीम। तन्‍न मचाप्‍नीम। उत्‍पत्ती २८:१४; गन्‍ती २३:१०; १राजा ४:२०

उत्पत्ती 15:5

मिनु मेकोमी अब्राम कली ताम्‍बु रे ग्रुंइशा “सरीङ गे कोव़ङो, सोरुल आन कली हिक्‍को। मेको हिक्‍ने चाप्‍नेवे? गिश बाक्‍मा, इ चच युइ यो मिश दुम्‍नीम” देंमाक्‍त। उत्‍पत्ती २२:१७; प्रस्‍थान ३२:१३; ब्‍यवस्‍था १:१०; हिब्रू ११:१२

उत्पत्ती 22:17

मार कसम जाता देंशा हना, गो इ कली आसीक गेनुङ। इ चच युइ आन कली सोरुल नु समुन्‍द्र आ नेक्‍था ङा बाल्‍वा खोदेंशो पा शुश सेल्‍नुङमी। मिनु मेकोपुकीमी आन जोरी सत्रु आन सहर आंम के सेल्‍नीम। उत्‍पत्ती १३:१६; हिब्रू ११:१२

उत्पत्ती 28:14

इ चच युइ खप ङा फुरक खोदेंशो पा शुश दुम्‍नीम। सोशा बोशा, शुश दुम्‍शा, पूर्ब, पच्‍छिम, उत्तर, दक्‍खिनम ब्रशा बाक्‍नीमी। गे नु इ चच युइ आन पर्बम रागी नेल्‍ल ङा मुर आसीक ताइनीम। उत्‍पत्ती १३:१४-१५

भजन संग्रह 22:30

मिनु मेको आन चच युइपुकीमी मेको कली सेवा पाइनीम। मिनु आन नोले ङा पाला ङा मुर परमप्रभु यावे आ पर्बम शेंचा पुंइसीनीम।

भजन संग्रह 89:29

गो मेको आ चच युइ आन कली गेनायो मग्‍याम्‍चा ङा पा वोइक्‍नुङ। मिनु मेको आ सासन पतीके सरीङ लीम सम्‍म बाक्‍ब।

यसैया 48:19

मिनु इन आल समुन्‍द्र ङा बाल्‍वा खोदेंशो पा शुश दुम वा। मिनु इन चच युइ अन्‍न खोदेंशो पा शुश दुम वा। आन नें गेनायो मक्‍याम्‍स वा। मिनु आं ङोंइती रे खतम मदुम वा। उत्‍पत्ती २२:१७

यसैया 66:21

गो मेको आन दाते रे चढ़ेब नु लेवी योव़नुङमी” दे परमप्रभु यावेमी देंत।

येरमीया 30:19

मेकेर ‘गे रिम्‍शो पाइब बाक्‍नीनी’ दे कुम्‍सो पशो नु थुं नाइश्‍शा बाक्‍शो ग्‍येरशो सेंदा नेंसीब। गो मेको आन कली शुश सेल्‍नुङमी। मिनु मेकोपुकी इच्‍का का ला मदुम्‍नीम। गो मेको आन कली मान ताइब सेल्‍नुङमी। मिनु मेको आन कली सुइम शुक्‍शी मपाइनीम।

येरमीया 31:37

परमप्रभु यावेमी “सरीङ कली पुक्‍ने जाप्‍त हना, रागी आ जग माल्‍शा ग्रुंइने चाम्‍साक्‍व हना, ला गो इस्राएल आ आल आन कली तिल्‍नुङमी” देंत।

येरमीया 33:18

गेना हना यो लेवी आ थर ङा चढ़ेब का आं ङोंइती चोशा चढ़ेचा कली, अन्‍न चढ़ेचा कली नु क्‍योरशा चढ़ेचा कली बाक्‍ब” देंत। गन्‍ती २५:१२-१३; नेहेम्‍याह १३:२९

येरमीया 33:23

परमप्रभु यावेम येरमीया कली लोव़ पाप्‍तु।

इजीकीएल 37:10

मिनु गो परमप्रभु यावे आ अरेशो पाता। मिनु मेको ब्रोंइतीक सोक्‍त मेको आन आगाम ओव़त। मिनु मेकोपुकी ब्रोंइशा राप्‍तेक्‍म। मिनु थम ठेयब हुल का दुम्‍‍त।

इजीकीएल 44:15

तन्‍न चढ़ेब लेवी आ थर ङा सादोक आ चच युइ, इस्राएली आं रे हेंथे गाक्‍तेक्‍म हना यो, मेकोपुकीम आं खिं ङा पचा माल्‍शो गेय रिम्‍शो पा कोव़तेक्‍म। मेकोपुकी आं गेय पचा कली आं नेक्‍था जाक्‍चा ताइनीम। मेकोपुकी आं ङोंइती बोंसो नु हुश चढ़ेथ जाक्‍चा ताइनीम। इजीकीएल ४०:४६

होसे 1:10

इस्राएलीपुकी समुन्‍द्र ङा बाल्‍वा खोदेंशो पा शुश दुम्‍नीम। मिनु सुइमी मेको आन कली पुक्‍ने नु हिक्‍ने मचाप्‍नीम। ते मेको आन कली ‘गेपुकी आं मुर मननी’ देंशो बाक्‍मे मेकेर मेको आन कली ‘गेना हना यो ब्रोंइशा बाक्‍ब परमप्रभु आ मुर’ देंनीम। उत्‍पत्ती २२:१७; रोमी ९:२६

जकरिया 10:8

गो आं मुर आन कली ब्रेश्‍शा, खुप्‍नुङ। मारदे हना गो मेको आन कली श्‍येत रे प्रोंइता। मिनु मेकोपुकी ङोंइती ङा खोदेंशो पा सोशा बोशा, शुश दुम्‍नीम।

जकरिया 12:8

मेको नाक्‍ती परमप्रभु यावेमी यरूसलेममी बाक्‍ब मुर आन कली वारच पाइब। मेकेर बाक्‍ब नेल्‍ल क्‍येङा मचाप्‍ब दाऊद खोदेंशो बाक्‍नीम। मिनु दाऊद आ खिं ङा मुर परमप्रभु खोदेंशो बाक्‍नीम। मिनु परमप्रभु यावे आ स्‍वर्ग ङा गेय पाइब मेको आन ङोंइती गाक्‍ब। यसैया ३३:२४

जकरिया 2:4

मिनु मेकोमी “दोरशा लशा मेको ठिटा कली ‘यरूसलेममी लेंशा शुश मुर बाक्‍चा माल्‍नीम। मुर नु बी ब्‍यफ, क्‍यारश भेडा शुश दुम्‍तीके यरूसलेम गारो मपाइश्‍शो गाउं खोदेंशो दुम्‍ब।

हिब्रू 11:12

मेना अब्राहाम आल मथीब खाल्‍पा बाक्‍माक्‍त हना यो, नोले आ खिं ङा मुर सोरुल खोदेंशो पा शुश दुम्‍शा, हिक्‍ने मचाप्‍चा ङा दुम्‍मा बाक्‍त।