येरमीया 33:18 - Sunuwar Bible

¹⁸ गेना हना यो लेवी आ थर ङा चढ़ेब का आं ङोंइती चोशा चढ़ेचा कली, अन्‍न चढ़ेचा कली नु क्‍योरशा चढ़ेचा कली बाक्‍ब” देंत। गन्‍ती २५:१२-१३; नेहेम्‍याह १३:२९

येरमीया 33:18 ပူးပေါင်းရင်းမြစ်များ

एज्रा 3:5

मिनु नाक्‍त किंत किंत ङा चोशा चढ़ेतीके, औंसी नाक्‍त ङा चढ़ेतीके नु परमप्रभु यावेमी देंशो चाड ङा चढ़ेतीके चढ़ेम्‍तेक्‍म। सु सुमी आन ग्‍येरशो थुं रे परमप्रभु यावे कली चढ़ेचा दाक्‍तमे, मेको चढ़ेम्‍तेक्‍म।

यसैया 56:7

मेको नेल्‍ल आन कली आं योव़शो डांडाम चाक्नुङमी। आं प्रार्थना पतीक खिं ओंइशा, ग्‍येरपाइक्‍नुङमी। मेको आन चोशा चढ़ेशो नु अरु चढ़ेशो आं कली चढ़ेतीकेम ब्राइनुङ। मारदे हना आं खिं रागी ङा मुर नेल्‍ल आन कली प्रार्थना पतीक खिं देंनीम” देंत। मर्कूस ११:१७

यसैया 61:6

तन्‍न इन कली ‘परमप्रभु यावे कली चढ़ेब नम’ देंनीम। मिनु ‘आंइ परमप्रभु आ गेय पाइब नम’ दे यो देंनीम। गेपुकीमी रागी रागी ङा मुर आन शोंप ताइनीनी। मिनु मेको आन शोंपोम ग्‍येरनीनी। प्रस्‍थान १९:६; १पत्रुस २:५,९

येरमीया 33:19

परमप्रभु यावेम येरमीया कली लोव़ पाप्‍तु।

येरमीया 33:22

दोपा सरीङ ङा सोरुल हिक्ने मचाप्‍चा ङा बाक्‍नीमी नु समुन्‍द्र ङा बाल्‍वा पुक्‍ने मचाप्‍चा ङा बाक्‍बा, मोपा गो आं गेय पाइब दाऊद आ चच युइ नु आं कली गेय पाइब लेवी आ थर ङा मुर आन कली सोपाइश्‍शा बोपाइश्‍शा शुश सेल्‍नुङमी” देंत। उत्‍पत्ती १५:५

येरमीया 35:19

मोपतीके रेकाब आ तौ योनादाब आ चच युइ का गेना हना यो आं ङोंइती बाक्‍चा ताइब” दे मुर नेल्‍ल आन परमप्रभु यावे, इस्राएली आन परमप्रभुम देंत।

इजीकीएल 44:15

तन्‍न चढ़ेब लेवी आ थर ङा सादोक आ चच युइ, इस्राएली आं रे हेंथे गाक्‍तेक्‍म हना यो, मेकोपुकीम आं खिं ङा पचा माल्‍शो गेय रिम्‍शो पा कोव़तेक्‍म। मेकोपुकी आं गेय पचा कली आं नेक्‍था जाक्‍चा ताइनीम। मेकोपुकी आं ङोंइती बोंसो नु हुश चढ़ेथ जाक्‍चा ताइनीम। इजीकीएल ४०:४६

इजीकीएल 45:5

मेको अर्को २५ हजार कुबीत लाइश्‍शो नु १० हजार कुबीत ब्रेम्‍शो रू का परमप्रभु यावे आ खिंम गेय पाइब लेवी आन के दुम्‍ब। मेको आन बाक्‍तीक सहर कली दुम्‍ब।

गन्‍ती 3:5

परमप्रभु यावेमी मोसा कली

रोमी 1:21

परमप्रभु यावे नेल्‍ल क्‍येङा ठेयब बाक्‍ब, दे तुइश्‍शा यो ठेयब मसेलेम। परमप्रभु यावे कली “गे रिम्‍शो पाइतीनी” दे यो मदेंम। तन्‍न आन मिम्‍तीकेमी दूली पना पन बाक्‍तेक्‍म। मिनु आन मरुप्‍ब थुं क्‍येङा मरुप्‍ब दुम्‍त। एफिसी ४:१८

रोमी 15:16

गो रागी रागी ङा मुर आन कली ख्रीस्‍त येसु आ गेय पाइब दुम्‍ती। गो चढ़ेब खोदेंशो पा परमप्रभु यावे आ गेय पाइनुङ। परमप्रभु यावे आ सोक्‍त आ पतीकेमी रागी ङा मुर नेल्‍ल आ दाक्‍शो चढे़तीक खोदेंशो दुम्‍मल। रोमी ११:३३

ब्‍यवस्‍था 18:1

मोसामी “लेवी आ थर ङा चढ़ेब, नु लेवी आ थर ङा मुर नेल्‍लेमी रू मथेरनीम। परमप्रभु यावे कली चोशा चढ़ेशो नु मेको कली गेशो मेकोपुकीम जामेक्‍ल। ब्‍यवस्‍था १०:९; गन्‍ती १८:८-२०; १सामुएल २:२८; १कोरिन्‍थी ९:१३

ब्‍यवस्‍था 24:8

कोव़र मुतीक तशा होस पा बाक्‍कीन। चढ़ेब, लेवीपुकीमी मेको आ पर्बम इन कली शेंशो खोदेंशो पा नेल्‍ल पचा माल्‍नीनी। गो मेको आन कली अरेशो खोदेंशो पा होस पा बाक्‍कीन।

यहोसु 3:3

मिनु मेकोपुकीमी मुर आन कली “गेपुकी गेना परमप्रभु यावे, इन परमप्रभु आ कबल पशो सन्‍दोस चढ़ेब लेवीपुकीम कुरशो ताइनीनी, मेना छुल छाल बोक्‍शा, इन मारेइ मारेइ कुरशा, मेको आन नोले खोतीन।

१ पत्रुस 2:5

मिनु गे यो ब्रोंइचा गेब फुल्‍लु खोदेंशो बाक्‍नीनी। मोपतीके परमप्रभु यावे आ सोक्‍तीम सेल्‍शो खिं ङा फुल्‍लु दुमीन। परमप्रभु यावे आ ङोंइती राप्‍ब मुर दुमीन। आ सोक्‍त ङा चढ़ेतीक गेय पा बाक्‍कीन। येसु ख्रीस्‍त आ पतीके परमप्रभु यावेमी इन पशो ताक्‍ब। एफिसी २:२१-२२; हिब्रू ३:६; रोमी १२:१

१ पत्रुस 2:9

तन्‍न गे परमप्रभु यावे आ योव़शो मुर दुम्‍तीके, आ राज्‍य ङा चढ़ेब परमप्रभु यावे आ रागी ङा मुर दुम्‍तीनी। मारदे मोदेंशो दुम्‍तीनी देंशा हना, परमप्रभु यावेमी इन कली रिम्‍शो पशा, छिङछिङ रे ग्रुंइशा, आंम आ छक लाक्‍चा ङा छेङछेङमी वोइश्‍शो बाक्‍त। मिनु अरु नेल्‍ल आन कली शेंचा, दे मोदेंशो दुम्‍तीनी। प्रस्‍थान १९:६; यसैया ४३:२१; प्रकाश १:६; ब्‍यवस्‍था ४:२०; ब्‍यवस्था ७:६; एफिसी ५:८

प्रकाश 1:6

इं कली परमप्रभु यावे, आ आफ आ राज्‍य ङा मुर सेल्‍शा, परमप्रभु यावे आ ङोंइती राप्‍ब सेल्‍तु। मोपतीके आ छेङछेङ नु सक्ति गेना हना यो बाक्‍ल, आमेन। प्रकाश ५:१०; प्रस्‍थान १९:६; १पत्रुस २:५,९

प्रकाश 5:10

मिनु गे मेको आन कली परमप्रभु यावे आ राज्‍य ङा पिप नु आ ङोंइती राप्‍ब सेल्‍तीनी। मिनु रागी नेल्‍ल कली सासन पाइब यो सेल्‍तीनी” दे कुम्‍सो पाम्‍तेक्‍म। प्रकाश १:६; प्रस्‍थान १९:६